[ اسئلة اختبارات ] : اخر فرصة للفريدان (اخلاقيات اعمال) تفاعلوا

[الطموح0599]

المشاركة الأصلية كتبت بواسطة أم القمرين*

ياليت تحط تصويت علشان نشوف عدد من حمل الماده

وش الفائدة اعترضي تضامن مع اللي حملوا المادة عن نفسي ابشروا والله سوف يتم الاعتراض ودرجتي فيها 87 b+
لكن ابشروا لعيناكم .

[الطموح0599]

المشاركة الأصلية كتبت بواسطة Hatem

طيب واللي نجح فيها بعلامه ما كان يتوقعها ؟؟ مثلي الظاهر انهم دفوني ما توقعت لان يوم حسبت اجاباتي الصحيحه بعد الاختبار طلعلي ٢٤ او ٢٥ اجابه صحيحه ونتيجتي ٧١ يعني دافيني اكثر من ٥ درجات او ممكن اللي حل الاختبار كان غلطان بإجابات وانا حالها صح ، خوفي ارفع تظلم يقولون ذا ما ينعطى وجه

تخيل نفسك حملت المادة هذا شعور اللي حملوها وهم ظلموا وهذه درجتك لم ينظر في الاعتراضات تعاونوا على رفع الظلم عنكم والله درجة تحت b+ ماتعتبر درجة والمعدل اهم من النجاح اعترض يمكن يرفعون لك الدرجة وتحصل على c+ وتحسب لك 10.50 .. وهذا التفكير هو السبب في عدم النظر في الاعتراضات لان فيه بعض الطلاب والطالبات لم يقدموا اعتراض اعتمدوا على الاخرين قالوا بيعترضون وحنا نلاقي الخير ارفعوا الظلم عن انفسكم ظلمكم دكتور مادة الاخلاقيات اغلبكم خريجين يحتاج كل درجة مايقدر يعوض خلاص خلص الفيلم صعدوا الموضوع اذا لن يضيع حق وراه مطالب.

[suleman11]

صبااااح الخير جميعاً

انا عدي المادة 65


ونزلت المعدل حسبي الله عليهم ونعم الوكيل
وانا اتضامن معكم وأرفع اعتراضي


ياليت تكون فيه صيغة نعتمدها

[ماجدة حمد]

صباح الخير جميعاالحمد لله عديت المادة
انا ان شاء الله معاكم بالاعتراض بس لو تكون الصيغه عامة لكل النماذج مو احسن ؟

[HaxMax]

عطونا صيغة عامة للجميع عشان نرفع معاكم تظلم

اغلبنا ناسي النموذج والأسئلة وارقامها

[صالح الرسيمي]

54 حسبي الله على كل من عسر ولايسر


ليته تعلم وطبق أخلاقيات قبل يتعلم الأعمال
ويارب حوكمة الجامعة الرشيدة
تنصفنا وتنهي عقدة يارب العالمين

[Ms.Solo]

المادة ذي كانت من اسهل المواد ويبدو ان الدكتور الجديد حب يفرد عضلاته مثل البقيه

عجبني تضامنكم الله ينصركم ويوفقكم وينظرون الى تظلمكم لو بدرجة النجاح خربوا فرحة تخرجكم حسبي الله وكفى

[mafida3i]

رفعت اعتراض معكم وانا درجتي فيها 73 ونزلت من معدلي لانها اضعف درجة عندي

[issa1234]

انا 65 ورفعت تظلم من قبل بس النتائج طلعت وش الفائدة عموما بجدد الصيغة بس نوع الاعتراض وش نختار

[S-L]

أنا رفعت التظلم ودرجتي فيها 82 من حقي أرفع تظلم وكمان تضامن مع الأخوان اللي حملوا المادة
ما تدري يمكن تكون سبب في نجاحهم وتخرجهم لمن ترفع التظلم


وهذي صيغة الأعتراض اللي يبيها


السلام عليكم
اقدم أعتراضي على بعض الاسئلة التي واجهتها في إختبار مادة"أخلاقيات الأعمال"د.حسان الغربي وهي على النحوالتآلي:
1- أسئلة من خارج السلايدات وهي سؤال(1-35-43-45-47-48) من النموذج d.
2- تكرار السؤال بصيغة أخرى مع الإبقاء على نفس الإجابات والجواب الصحيح هو نفسه أيضاً.
أورد لنا4أسئلة تحتها نفس الخيارات وهي:
السلوك الغير سوي
السلوك الغير حازم
السلوك العدواني
السلوك الغير أخلاقي
في سؤال(5-17-42-44).
نموذج آخر متعدد:
الحوكمة
الحوكمة الرشيدة
الثقافة الموسسية
الاستراتيجية الواضحة
في سؤال(7-15-25-33-49)
وفي سؤال 49- ينص السؤال ....... حماية المصالح و الموجودات؟
تضمن الحوكمة أجابه صحيحة وتضمن الحوكمة الرشيدة أيضاً إجابة صحيحة وليس هناك فرق واضح بينهما مما سبب لي التشتت أثناء الإختبار.
نموذج ثالث متعدد:
الفساد الإداري
السلوك الغير السوي
انعدام الانضباط الوظيفي
انعدام الالتزام الوظيفي
في سؤال(11-21-32-36-50).
وأرجو من الله ثم منكم الإنصاف.


والله الموفق.