[ موضوع عام ] انطباعككم عن مادة نظم المعلومات الادارية

[khalid laili]

اصلا بغيت ادق على سوداني يشرحلي شيبي بالضبط بالسؤال هههههههههههههههههههه

[$ بوب $]

حسبي الله ونعم الوكيل
مع اني حاملها الا ان اسئلة العام اسهل
الله يستر

[aljawal]

كنت أحسبك صقرن وقت الشدايد لك أفعال اثاريك كتكوتن ملون من سوق الحمامي

المفروض يحولون مادتك من نظم معلومات الى سنوات الضياع

آآآي يازول الوعد الترم الجاي :(

[آسووومآآ]

جبنا العيييييد

سؤال احترت وش اختار قمت ظللت كل الاجوبه ..

[قلب سارآ]

الله يهديه
هذا الي اقوله

[توته الحربي]

من وين جابي الأسئلة مافي شئ ما ذاكرته

وش ذا ليه يسوي كذا. حرام عليهم يسوون كذا عن بعد وحالتنا حاله

المفروض يراعينا ما قلنا يجيب أسئلة العام يجيب شئ واضح

حسبي الله و كفى


يارب نعدي

[MKSA]

ياجماعة الخير، حنا دائماً نتشكى ليه اغلب الجهات ماتعترف بشهادة طلاب الانتساب او التعليم عن بعد او ليش يعاملونا بطريقة مختلفه عند المقارنه بيننا وبين طلاب الانتظام، لكن اذا عاملونا الدكاتره مثل طلاب الانتظام نبدأ نتشكى

صحيح الاختبار صعب وجبنا فيه العيد لكن للأمانه الأسئله من قلب المحتوى اللي تلخص في 66 صفحة فقط

لكن كلنا نطمع ونبي الاسئله تتكرر نفس اسئلة السنوات الماضيه

للامانه انا تخصصي في العمل نظم معلومات واعمل في هالمجال بشكل احترافي وهذا مجال عملي واثناء المذاكرة مرت علي اشياء كثيرة لخبطت افكاري وادائي في الاختبار كان سيء من وجهة نظري واتمنى اني اقدر اعدي المادة!! مع ان معدلي التراكمي ممتاز الحمد لله لكن هالماده ممكن تخسف بمعدلي لكن انا كنت متساهل فيها بسبب ان نفس الدكتور هو اللي عطانا اسئلة تقنية معلومات 2 وكنا مبسوطين ان الاختبار نفس السنوات الماضيه وخلاني اتكاسل في المذاكرة

المفترض اننا عارفين ان المادة صعبه ونذاكرها كويس والدكتور ما اخطأ في انه وضع الاسئله بشكلها الحالي لكن حنا تعودنا على تساهلهم معنا

والنقطه الثانيه ان المصطلحات كانت بالانجليزي في الملخص والمحتوى وانا حفظتها على هالاساس وانصدمت ان كل الاختبار باللغه العربية ومافيه اي مصطلح انجليزي تقريباً وتلخبطت


اتمنى التوفيق للجميع وان شاء الله كلنا نعدي الماده ونجيب فيها درجات حلوه لكن في نفس الوقت مانعترض على الحق

[Actor]

الله يسامحك يا دكتور عادل :
1- من ثلاثة أشهر أذاكر لأني أعرف المادة صعبة وحشو
2- شرحك مو جيد بنوب
3- المحاضرات المهمة والعناوين الرئيسية تركتها و رحت تحط الأسئلة من الفقرات الخفية
4- حاولت إنك تحط أسئلة تعتمد على الفهم لكنك فشلت بجدارة
5- مبروك لك إذا كان هدفك أن تجعل لشخصيتك هيبة وهمية ولمادتك سمعة سيئة

[ابومروان]

انا طلعت من الاختبار اغني الزول دا دمو ثقيل

[sara.ahmed]

المشاركة الأصلية كتبت بواسطة A7med_991

تعبير وااااااااااااافي