[ اسئلة اختبارات ] : تصرفات بعض الطلبة داخل القاعة

[@ابو محمد@]

المشاركة الأصلية كتبت بواسطة bandar_x5

السلام عليكم

ترددت كثير قبل كتابة الموضوع بس التصرفات اللي نشوفها من بعض الطلبة الله يهديهم مزعجة اقصد داخل القاعة
المشكلة كبار والتصرفات

منها

20 واحد يسأل كم رقم المراقب والتاريخ
كم رقم المركز ؟ :cry111: طيب واللي تكتبه كل يوم وشو واساسا مكتوب عالسبورة يالحبيب
لو سمحت نكتب اسم المدرسة ولى رقم المركز ولى الجهة ؟
لو سمحت كم الرقم الجامعي :cry111::cry111: يالحبيب مستوى رابع ماحفظت رقمك للحين


المرحلة الاخيرة هذي احسها طفولية بزيادة

خلاص بسلم الورقة
المراقب : تنتظر شوي تجي ورقة التوقيع
الطالب: طيب خلاص راح نص الوقت
المراقب: يأشر لحظة يبيه يسكت
الطالب : لو سمحت بسرعة بطلع مستعجل

مدري احس انك من موضوعك تراقب الناس

كل واحد وراحته وكل واحد وظروفه

ونقطه مهمه ترى اغلب اللي منتسبين وراها دوامات والتزامات

ولا يدري عن الجامعه الا قبل الاختبار بيوم او يومين


بس اتوقع شكلك مذاكر وماتدري وش تسوي

[alhrby1]

انقلب الموضوع عليييييييك ههههههههههههههه

ياخي لاتسمع لهم خلهم وترى الناس عقليات ولاتنصدم اذا في عالم تفكيرهم محدود ويسال اشياء صغيره

لله في خلقه شووون وذاكر وحل زين بالاختبار والله يوفق الجميع بغيتاسمع حركات البنات لانهم بصراحه تووووووحف عالم ثانيه ههههههههه

[أجـــود]

انا اشوف مافيها اي شي يااخي

اولا انا من الناس اللي المركز اللي اختبر فيه

ولامره انكتب فيه التاريخ عالسبوره

والمراقب كل اختبار يتغير

وش رايك من وين اجيب رقمه مثلا والتاريخ برضوا المفروض اعرف التاريخ قبل الاختبار

طيب المراقب هذا دوره اصلا

بااستثناء الرقم الجامعي انا اشوف الواحد يكتبها بورقه ويحطها بجيبه


ويمكن بالاختبار الواحد ينسأل المراقب عن رقمه اكثر من 20 مره ولاعمره شفت احد المراقبين تنرفزوا

هذا دورهم

فليش انت اللي متضايق هههههه

[أجـــود]

المشاركة الأصلية كتبت بواسطة samorah83

وازيدك اليوم جايه المشرفه على المراقبات تسولف مع المراقبه ما تقولي احنا في اختبار... حتى لو صوتهم واطي ينرفز

صار معي نفس الموقف وانا كنت جالس اول واحد عند الباب

بس ماسكت لهم قلتلهم عندكم سالفه الله يعافيكم سكر الباب وسولفوا بالسيب خلونا نركز

[alhajrish]

ياريت وقفت علي كذا قمت الإزعاج في نص الاختبار ويجونك يقولون في خطاء بالنموذج ويشرحون الخطاء وبعد الشرح يسألون اساله تم شرحها بالتفصيل ويضيع الوقت وترجع تعيد وبس تطلع يرجعون يسألون طيب ايش نسوي 😐 ولي انشرح من البدايه ولا الي يقعد ينخر بخشمه طول الوقت يا جماعه في كلينكس نظف الخشم وريح نفسك وفي حركات كثيره تنسال وتسوي والله مالها داعي احنا نكون مصدعين وسترس ومأساه بس الشكوي الله الله ينجحنا يارب

[aburyan]

الى جميع الاحبة نرجوا ان نكون متعاونين على الخير ونتناصح دائماً وما يدور فى قاعة الاختبار له ظروفه وكما قيل فالناس ليسوا سواء والظروف المحيطه بهم قد تختلف من شخص لاخر

فالاهم بنظري هو : من مبدأ الشرع وهذا ظروري فنحن نأمن بالله وبرسوله صل الله عليه وسلم وهو كالتالي ::

السبب والشتم والفاظ لا تمت بالاسلام بصلة من بعض الطلبه ضد المراقبين فالواجب ان نتحلا بالخلاق الاسلامية
الامر الآخر وهو الغش فى قاعة الاختبارات . وتعرفون ما امره وماعليه من حكم


هذا والله اعلم

[عبدالله الشّلاحي]

المشاركة الأصلية كتبت بواسطة aburyan

الى جميع الاحبة نرجوا ان نكون متعاونين على الخير ونتناصح دائماً وما يدور فى قاعة الاختبار له ظروفه وكما قيل فالناس ليسوا سواء والظروف المحيطه بهم قد تختلف من شخص لاخر

فالاهم بنظري هو : من مبدأ الشرع وهذا ظروري فنحن نأمن بالله وبرسوله صل الله عليه وسلم وهو كالتالي ::

السبب والشتم والفاظ لا تمت بالاسلام بصلة من بعض الطلبه ضد المراقبين فالواجب ان نتحلا بالخلاق الاسلامية
الامر الآخر وهو الغش فى قاعة الاختبارات . وتعرفون ما امره وماعليه من حكم


هذا والله اعلم

كلام عقلاني جداً

مشكلتنا ان البعض يأتي واعتماده على الغش قد لايكون فتح حتى الملخصات

[مكافحه جامعيه]

ليتها جت على كذا يوم اختبار الاساليب الكميه جنبي وحده كانت تغش من الجوال وكشفوها ونادو لها الاداره ويهزئوونها قدامي وانا ضيعت المعلومات قفلت ورقتي لين خلصو وبعدها كملت تشتت بسبتهم

[عبدالله الشّلاحي]

المشاركة الأصلية كتبت بواسطة مكافحه جامعيه

ليتها جت على كذا يوم اختبار الاساليب الكميه جنبي وحده كانت تغش من الجوال وكشفوها ونادو لها الاداره ويهزئوونها قدامي وانا ضيعت المعلومات قفلت ورقتي لين خلصو وبعدها كملت تشتت بسبتهم

صارت معي زي كذا الترم الماضي

وتحدثت بصراحة لهم أن نقاشهم سبب ربكة للطلاب

وفعلاً نتمنى يكون هالأمر على شكل تعميم من الجامعه لمراكز الأختبارات

بعدم تشتيت الطلاب اثناء اداء الأمتحان وتوفير الجو المناخي المناسب لهم

[s3muaijl]

انا اول مادخل الاختبار اسئل وبعد ساعه اسئل وفي اخر الاختبار اسئل ....

وفي الاخير اطلع ما كتبته