تعريف بطلاب كلية العمارة و التخطيط

[AĥαĐ]

اخوي Yss
اولا الف مبرروووك ان عديت السنة التحضيرية بنجاح

وانا اتجول لقيت الجدول اللي تدور عنه
ولما شفت طلبك قلت افيدك لان حاسة محد هناا ابد

تفضل اخوي

هاذي الخطة جديدة تختلف عن اللي يمشي عليها طلاب كلية العمارة القدامى ماخذينها من احد الدكاترة المسئؤلين عن تصيميم الخطة وإنشاء هاذي اللي راح يطبقونها لكم لكن تأكد من ارقام الـ crn لانها خطه جديده مثل ماقلت

http://up4.m5zn.com/9bjndthcm6y53q1w.../65hs1e5hx.jpg


بالتوفيييييييق اخوي :g8:

[Yss]

شكرا شكرا شكرا

ما ادري من وين طلعتي
حست الف موقع ولا لقيت اللي ابيه
وقلت بس كذا اجرب هنا ولقيت اللي ابيه شكرا

بس انتي متأكدة من المواد ولا لأ؟؟ويكون احسن لو تعطيني الرابط اللي لقيتي فيه المواد وانتي تحوسين مدري تتجولين<مصخها

الشي الثاني وشو الـ crn اصلا؟؟

ادري مصختها ومدري وش ابي ولا ادري وش احس فيه بس u know kfu rules

ty again

[AĥαĐ]

ههههههههههههههههه
عفوا عفوا عفوا
اييه اخوي متأكده من المواد واخذتها من منتدى النقاش تبع الجامعه من الرابط
http://kfuforums.kfu.edu.sa/showthread.php?t=28339

ثانيا الـ crn هو الرقم تبع المادة هالحين لما تجي تسجلها بالبانر تحط رقم المادة مو اسمها
وبالجدول اللي اعطيتك تلاقيه اول خانه من اليسار


وبالتوفييييييق لك اخوي بالسنة الثانية
لكن سؤؤؤؤاااااال
اولاً:
كيف السنة التحضيرية فالكلية سهلة ولااا يعني.!!

وبعدين لما درستوها كانوا معكم طلاب تحضيري لكليات ثانية..؟؟

لان عندنا تسآؤلات معشر الفتيات ان السنة التحضيرية لبنات التصميم الداخلي راح تكون مع بنات علوم الحاسب وتقنية المعلوماات بالجامعه بالرغم ان قسم التصميم الداخلي في مبنى خارج الجامعه وعلوم الحاسب دراستهم داخل الجامعه .

لو عندك معلومه عن هالشي لاتبخل علينا

وبالتوفيق في السنوات الجاية لي ولك :s12:

[Yss]

اها طب ليه الفلسفة قولي رقم المادة ههههههههههههههههه

يعطيك الف عافية ما قصرتي

_________

كيف السنة التحضيرية فالكلية سهلة ولااا يعني.!!


والله السنة كلها سهلة باستثناء الرسم
الرسم يبيله تعب وتفرغ وهو موب ذيك الصعوبة بس الدكاترة ما يشرحون كلش وان شرحو الشرح سيء جدا جدا وبالقاعة 80 طالب(اتكلم عن الاولاد مدري عن البنات)
اللهم بيكون بالسنة التحضيرية ضغط مواد واختبارات وكويزات والخ
انت كطالب او طالبة عليك انك تحدد اولوياتك
يعني تشوف المادة اللي ساعاتها اكثر تتعب فيها والاشياء الثانية تقدر تسحب عليها
السنة التحضيرية موب على مستوى الذكاء ولا الدراسة اذا انت زين بالاينقليش وشاد حيلك وتقدر تنتج تحت الضغط
بتسوي زين وبدون ما تحس ومعظم المواد تشبه مناهج المدارس ومسروقة عيني عينك من البترول
صح اني تفلسفت واجد بس حبيت افيدك وبنفس الوقت من زمان ماحد سألني

_______________

عندنا تسآؤلات معشر الفتيات ان السنة التحضيرية لبنات التصميم الداخلي راح تكون مع بنات علوم الحاسب وتقنية المعلوماات بالجامعه بالرغم ان قسم التصميم الداخلي في مبنى خارج الجامعه وعلوم الحاسب دراستهم داخل الجامعه .


والله ما عندي اي معلومة عن البنات بس انا قسم عمارة وتخطيط ودرس معانا قسم هندسة سنة تحضيرية فقط

هالشي ممكن يفيدك وممكن يزهقك كطالبة
اللي هو بتدرسون مواد حقة قسم ثاني مالكم دخل فيه وبتزيد المواد شوي
بس بتفيدك ان يكون عندك خبرة + لو حبيتي تنقلين القسم الثاني بيكون ما تعيدين شي تكملين على طول مع القسم الثاني

__________

اتمنى اني فدتك ولو قليلا لانك فدتيني بشكل خارق للطبيعة

عندي سؤال لمعشر الفتيات

بالنسبة للدراسة في التصميم الداخلي
هل يكون فيها اي اختلاط؟؟
مثلا بمعارض
او زيارة لمكان
او اي شي
هل فيه اختلاط باي شكل من الاشكال؟؟

السؤال الثاني

سمعت ان مجالات العمل لخريجات التصميم الداخلي بالسعودية محدودة جدا اذا ما كان فيها اختلاط مستغرب كثير من هالشي بس مافي احد أكدلي<السؤال : ما تعليقك؟؟

واسفين عالاطالة<بقا اطالة ما جبتها<هاذي بحد ذاتها اطالة

cya later

[AĥαĐ]

ههههههههههههههههههههههههههههه
اما عالفلسفه اسمح لي ماعرفت اوضحها إلا بهالطريقة

بالنسبة للدراسة في التصميم الداخلي
هل يكون فيها اي اختلاط؟؟
مثلا بمعارض
او زيارة لمكان
او اي شي
هل فيه اختلاط باي شكل من الاشكال؟؟

بالنسبة للإختلاط ماتوقع يكون فيه اختلاط في الدراسة ابدا
عداا اني شفت السنة اللي فاتت الجامعه مسوية يوم للتصميم الداخلي
كانوا اغلب المشاركين من الشباب لكن فيه مشاركه من البنات
لكن في تغطيه اليوم ماحضروا البنات بس اعمالهم كانت حاظره
يعني الإختلاط بنسبة 98% ماهو موجود

سمعت ان مجالات العمل لخريجات التصميم الداخلي بالسعودية محدودة جدا اذا ما كان فيها اختلاط مستغرب كثير من هالشي بس مافي احد أكدلي<السؤال : ما تعليقك؟؟

صحيح كلامك جداً محدوده مجالات العمل بعد التخرج بإختلاط وبدون اختلاط
وأقول لك لييه..
لأن اولاً تعودنا يكون هالمجال من المجالات المحرمه على المرأه كـ دراسه لان بعدها بالعمل اغلب الاماكن مختلطه
ولو نلاحظ عمرنا ماسمعنا عن شركات هندسية بكوادر نسائية لان عندنا مافي إلا التصميم الداخلي للبنات.

ومن فتره ماهي قصيرة سمعت ان الشركات الهندسية لازم تخصص اقسام نسائية حتى تقدر الخريجات من العمل في مجالهم ومايكون حصراً على الرجال وبعد لان اغلب اللي يصممون بيوتهم تكون المرأه هي اللي تختار بيتها مو الرجل وراح يكون صعب انها تتعامل مع مصمم داخلي بغض النظر عن الإحراج الحاصل
فـ تروح عند مصممه داخليه احسن لها وبعدين عشان تكون في لمسات انثوية في المكان اللي راح يتصمم<= يااشين الفلسفة

وبالنسبة لمجالات العمل المختلطه ..
بتكون على حسب المكان لان في بعض الشركات مختلطه وبعضها لا
مع التوضيح ان اغلب الشركات مافيها توظيف نسائي فـ من هنا لحد مانتخرج نتأمل ان كل الشركات يكون فيها اقسام نسائية غير مختلطه


وآآآآآسفة عالإطالة:c8:

[Yss]

..I c
ty so much

later

[غـــــــــير]

طيب خلومكم من بعض وتعالوا ساعدوني

كم النسبه المطلوبه واقدر ادرس على حسابي والا لا >> مدري ليش احس بالغباء

[مَ ـآلبُورُو]

س ـــلام عليك ـــووووم ^^
كيف ـــكوووم ..!
عندي استفسار بسيط واتمنى من الجميع اهل الخبره في كلية العمارة ان يفيدوني في سؤالي ,,
انا طالب انقبلت في كلية العمارة والتخطيط ورغبتي في كلية الهندسه هل اقدر ادرس السنه التحضيريه في العمارة والتخطيط واجيب معدل واحول للهندسه طيب واذ1 اقدر كم المعدل المطلوب مني بالضبط واخر سؤال وش تنصحوني احول ولا ابقى في العمارة والتخطيييط ياحلوين ^^ ..؟

[Maryam4]

بالتوفيق

[Soft Skills]

[B][SIZE="5"]السلام عليكم ورحمة الله وبركاته

حيث انني اقوم بدراسة بحثية

عن جودة برامج عمادة السنة التحضيرية
اضع بين ايديكم استطلاع الراي هذا
للمشاركة فيه

http://goo.gl/forms/dUr0QQBulF