السلام عليكم ورحمة الله وبركاته
والله انا مستغرب بعض الردود اللي مكتوبه في هالموضوع من الطلاب والطالبات بخصوص الانتقاد على مبلغ المراجعه
ووحده من الثنتين يا اني انا عايش بكوكب ثاني وتعلمت احترام الاخرين بشكل موب صحيح
يا انهم همه اللي بكوكب ثاني وتعلموا كيفية احترام الاخرين بشكل موب صحيح
قسم بالله اني اتجنب ادخل في مهاترات مع هالنوعيات
لكن اللهم اهدني لما هم عليه ان كان هم الصحيح
او ابقني على ما انا عليه اذا كنت انا الصحيح
حسايف والله حسايف على بعض الانتقادات السيئه
لكن اليكم بعض ما يطبق بجامعة الملك عبدالعزيز بجده
التسجيل بمبلغ وقدره 4000 الآف ريال سعودي ازرق في ازرق
طلب اختبار في منطقه غير مدينة جده بمبلغ وقدره 1000 الف ريال سعودي ازرق في ازرق
طلب مراجعة ورقة الاسئلة بمبلغ وقدره 500 ريال سعودي زرقا واحدهـ
الدكتور يملك 40 درجة تتعلق بالمشاركة والواجبات وحضور المحاضرات المباشره
حيث تم رصدها بطريقه عشوائيه ومزاجيه بالاصح
(( ما انقله من واقع تجربة احد الاخواني ملتحق بجامعة الملك عبدالعزيز ))
تصدقون اخوي احياناً يروح جده يطالب في رفع درجات المشاركة لان الدكتور (( الطاسن )) هضمه حقه
وبعد الاجتماع قررت اللجنة المشكله للتأكد من انه يستحق الدرجه كامله بزيادته ( 7 درجات ) وبحضور الدكتور الطاسن اقر بقناعته بأن هذا الطالب يستحق اكثر من الدرجه المعطاه
بعدها باسبوع تمت زيادته ( 5 درجات فقط ) وتبقى درجتان
يا الاهي ما هذا
وبعد مراسلت الدكتور على البريد قال هذا الذي لك عندي !!
هذا نوع من الاجحاف الحاصل بجامعة الملك عبدالعزيز ووالله ماقلت غير الحقيقه
فالطلاب يتمنون ان عندهم برنامج يتم رصد الدرجات الخاصه بالمشاركات والواجبات وحضور المحاضرات تلقائي
لا للعوده للدكتور
نرجع نقول لنفرض انك مادفعت مبلغ 1000 ريال عشان تختبر بالمنطقه اللي تبيها
تروح جده وشف كم راح تخسر / ين يارعاك الله
1ـ البعد عن اطفالك للمتزوجين .
2ـ قص تذاكر سفر ذهاب وعوده بمبلغ ( 280 ريال ) ماعليش لا تنسى مبلغ تذكرة العوده بنفس المبلغ
وصلت جده :
1ـ تستأجر سياره بمبلغ وقدره ( 70 ريال باليوميه ) لطلاب عاد الطالبات لسى ماسمحوا بالقياده
كم راح تجلس بجده خلونا نقول ( 12 يوم بما فيها الخميس والجمعه ) = 840 ريال
لحظه لحظه
نسيت اقولك ترا احتمال ما تلقا سياره صغيره وتنجبر تاخذ سياره كبيره وبسعر اكثر من المبلغ المذكور اعلاه
لان اغلب الطلاب سحبوا السيارات الموجوده بالمطار
طيب نروح للفندق
او الشقه
اقل شقه واضعف الايمان بمبلغ وقدره 250 ريال = 3000 الآف ريال
وياقلب لا تحزن
طيب اذا قلنا
4000 + 1000 = 5000 خمسه الاف ريال سمستر واحد
طيب على فكره احتمال تحتاج تاخذ مدرس خصوصي يمكن يكلفك 1000 ريال
نرجع نشوف لو ما طلبت الاختبار بنفس المنطقه واللي اعرفه ان السنه التحضيريه هيه اللي تقدر تدرس فيها بنفس المنطقه اللي تبيها والله اعلم في هالحاله
طيب
4000 + 840 + 3000 = 7840 ريال !!!!
تقدرون تدفعون هالمبلغ ؟؟
نسينا الــ 500 ريال حقت المراجعه ياله بلاشي يمكن يطلع الطالب كويس ويعدي الماده لاحظ اقول يعدي لان هناك دكاتره الله وكيلكم افيش تفاهم وشياب يدرسون على الدقه القديمه
على العموم انا اذا جيت ابتكلم عن الاجحاف وماني عارف ايه من الكلام اللي انقال بحق الدكتور / عبدالله النجار
باروح اتكلم في نظام ساهر
وباروح اتكلم في تدبيل المخالفات
وباروح اسوي قلق بالشوارع < تونس مثلا
للجميع
حنا في خير ورب البيت
بس كفر النعمه مايصحش واللهي مايصحش
يعني اذا انتوا شايفين ان فيه خطأ عدلوهـ باسلوب راقي موب بهالطريق
وياويلي منكم
وشكراً لك اخي على نقل الموضوع وتمنيتك نقلت الموضوع كاملاً
عاد ماخذين ماده هالمستوى اللي طاف مهارات التعليم والتفكير (( الاقتباس ))
الى القاء