قررت الانسحاب من البرنامج

[القداح]

المشاركة الأصلية كتبت بواسطة ola

تعوذ من ابليس واقعد ذاكر لمدة اسبوع ان شفت ان الوضع جاز لك فهذا شي طيب ..... اما اذا ماعجبك تقدر تنسحب بالوقت المحدد اللي بالتقويم الزمني وراح يرجعون لك 100% من الرسوم

وباين عليك انك منقهر لانهم ماردوا عليك عشان كذا بتنسحب

شف ماعليك منهم...... اذا عندك سؤال اسئله هنا وتلقى اصحاب الخبره يردون عليك

وثانيا بما انك قلت ماتحتاج لهذي الشهاده هذا يدل على معنيين اما انك عندك بكلوريا او انك موظف

اذا عندك بكلوريا كمل ماجستير واختصر الوقت اما اذا ماعندك ادرس حتى تاخذ هذي الشهادة وتكمل عليها من شهادات

وبعدين نظام الانتساب المطور مريح للموظفين بحيث انك مو مقيد بوقت ولا انت ملزم بالحضور بشكل يومي

استخر و شف وين مصلحتك فيه لانك انت ادرى مني ومن غيري بمصلحتك

أهلا فيك اختي وأعوذ بالله من الشيطان الرجيم

انا ماهمني لا رسوم ولا دراسه وانتم اكيد ما راح تقصرون وهذا والله الشيئ الى مزعلني اني راح اخسر هذا الملتقي الرائع
قلتها وراح اقولها على طول الجامعه ذي ما تشرفني ولا احد يزعل مني يا اخوان
هذي وجهة نظري وين المساواه وين الاحترام وين الدقه في هالجامعه

اتحدى واحد يقولي ان فيه عدل ولا فيه مساواه ولا فيه دقه حتى مهنيه ما فيه في ذا الجامعه

يا اختاه جيل هذا الزمن متفتح ومتعلم بشكل غير طبيعي وتفوق على الجيل السابق بعني لا احد يجي ياكل بعقولنا حلاوه السالفه واضحه

[القداح]

المشاركة الأصلية كتبت بواسطة قناعتي تكفيني

مراحبـ ,,,
مانحس بـ طعم النجــــــاح الا اذا تعبنــا..
وشعور جميل اذا ينادونك بخريج جامعه والاجمل من هذا
كله انك تخرجت بتعبك ومجهودك..
وبـ مساندت احبابك واصدقاءك,,

ي الـــــــــــلـــــــــــــه التوفيق

الله يجزاك الف خير اختي

اتمنى لك التوفيق وللجميع

خرج الموضوع عن السيطره والاحلام اصبحت سراب بسب عدم احترام الجامعه لطلبة العلم

الاحترام مطلب رئيسي لي وللجميع لذلك قررت الابتعاد واكرام نفسي

شكراً شكراً

[القداح]

المشاركة الأصلية كتبت بواسطة najw1n

صباح الخير
يالقداح انت زعلان من اللي تترجى الدكتور عشان يرد على استفسارها وتنتقد نظام الجامعة وانك ما تحتاج الشهادة وانت تسوي نفس الشي جميع الاعضاء ولا هان احدهم كلهم يترجونك تواصل وتستمر ومع هذا انت مقرر انك تتراجع يا خوي هذا مستقبلك وما اظنك تحتاج نصيحة فيه وبأقولك شي عن المستقبل
انا كنت موظفة لمدة 8 سنوات قمت بجميع الاعمال احيانا وماقصرت في عملي وهذا مو مدح لكن في كل مرة كنت اواجة مشاكل مع زميلاتي بسبب الشهادة لاني ثانوي وهم بكالوريوس
والفرق بينا انهم ما يبون يجتهدون في العمل ولا همهم الا متى بينزل الراتب وما عندهم أي اهتمام في العمل وأعاني منهم الأمرين حتى انهم شاركوا في شكوى كيديه عشان يفصلوني من العمل وخاصة لما رشحوني قائمة بأعمال مديرة وبما ان شهادتي أقل منهم كنت اجهد نفسي حتى في الاجازات والعطل الأسبوعية عشان احصل على اداء وظيفي ممتاز والحمد لله حصلت على هالاداء لكن القهر ان ادارتي شكرتني بإلغاء عقد عملي ومفاجأتي بهالقرار الواسطة لها دور ولما استفسرت قالوا ان شهادتي العذر هي السبب عشان كذا كل واحد منا لا زم يشوف مستقبله لا صديق ولا اخ بينفع احد الشهادة ثم الشهادة ثم الشهادة

جزاك الله الف خير اختي وكان الله في عونك فعلاً الحياه كفاح

واذا لم ازعل على من تترجي الدكتور فسوف ازعل على حالي ايضاً في الغد عندما يسوقني اليه القدر لكي اترجاه بسب سكوتي عن الظلم وأنا هنا أعلن تضامني معها

الله يكتب الى فيه خيره للجميع

قررنا الانفصال عن هذه الجامعه للأبد

[القداح]

المشاركة الأصلية كتبت بواسطة هبوب نجد

المهم الرغبه وانت اسمح لي اقول لك واضح انه ماعندك رغبه في الدراسه
مجرد انك سجلت عشان صديقك

الله يكتب لك اللي فيه خير لك يارب

حياك الله اختي وجزاك الله الف خير

في البدايه عندي رغبه بس بعد الصدمه الي تعرضت الها تحطمت من جد والدراسه لا حقين عليها ان شاء الله بس في جامعه ثانيه

وشكراً

[القداح]

المشاركة الأصلية كتبت بواسطة طالب الشمال

تبي نصيحتي لاتنسحب واتمنى انك تواصل وترى الأيام تجري جري (تركض) وغمض عين وفتح عين الا وحنا متخرجين وحنبى جامعين ايه جامعين لكااااان وعليك الله ماتنسحب دايرينك معانا .

س / كم لهجة بالرد ؟

شكراً أخوي على النصيحه المتعددت اللهجات

خلاص قرار نهائي خروج بس دلوني على كيفية الخروج كيف اسحب الشهاده والرسوم

[القداح]

المشاركة الأصلية كتبت بواسطة aisheea

هيييييه ضرب الموضوع عندي في مقتل

و الله اني كل يوم اصبح اقول خلاص يا بنت قفليها

و احاول اقنع نفسي بجدوى الاستمرار لدرجه غيرت تخصصي كود النفس تنفتح

ولكنه مابوه رجى

حياك الله اختي

هذا الموضوع يمثل وجهة نظري لوحدي ولي ظروفي الخاصه

ما ابي احد يفكر مثل تفكيري كل واحد قراره بيده رجاء تكفون

قرار صدر بعد تفكير طويل ومشاورات كثير وكل واحد وله وضعه

شكراً

[القداح]

المشاركة الأصلية كتبت بواسطة الكاف

هذااااا وانت توك في الحمد ياخووووووك مابعد تدخل بالشغل صح ومتردد وشلون بعدين وقت الاختبارات ووقت الجد عز الله فلحت بس بقولك حاجه بيني وبينك لاتعلم احد هج لو الشهاده ماتعني لك شي
هج هج هج هج

حياك الله اخوي فعلاً ابي أخذ بنصيحتك بنحاش

بس ترا الشهاده تعني لي الشيئ الكثير وحلم ان شاء الله احققه لاكن مشكلتي دخلت المكان الخطأ

شكراً

[القداح]

المشاركة الأصلية كتبت بواسطة مخربها

اسمحولي راح اتكلم عامي بحت


تعال يالقدااح مدري قاادح شوف كل شي بهذه الحياة لها ثمن مسالة انك داخل عشان صديقك وتقول نظامهم بااايخ صدقني ماراح تستمر لانك لسبب معين مو من داافع داخلي

صدقني كثير اعرفهم يدرسون بالجامعة وعلى قولتك ماراح يستفيد منهاا

لكن ماتعرف الزمن وش مخبي لك نصيحة اخ كمل وخل عنك الرسايل الي قاعد توجه لنفسك ماراح استمر نظام بايخ كل هذي محبطااات

وبالاخيرر سوا كملت او فصلت محد راح يتضررر او بمعنى ادق محد جاب خبرك >>>الحقيقة مررة

لكن اتمنى انك تكمل وتكون رغبة داخلية وفعلا ماخاب من استشار

ومن ناحية الصعوبة هذي محد يقدر يحدد لك هي سبحان الله توفيق من الله فيه ناس تذاكر لكن بدون مخ

تلقاه ماسك خط وباحلام اليقضة الشاب مسافر ماسك خط والبنية تدور لها فارس احلام وهالموا جرا

انا قبل الاختبارات بحاجة بسيطه كنت ناوي احذف ترم واستشارات والحمدلله نصحوني اكمل وابشرك عديت بكل المواد وفية ناس انصختني وجابت العيد

وانا قبل الاختبار كان بدية الاختبارات الخميس وربي ماعمري فتحت اي مادة وبديت اذاكر الاربعاء والخميس اختبار

وفترة الاختبارات كان جوي جدا فلة يعن مو جوء اختبارات لكن الحمدلله عدينا

فلهذا تعوذ من الشيطان وكمل وخل عنا الخرابيط الحياة كلها ماشيه عكس مسكت على هالجامعة

حياك الله اخوي وكلامك جميل لاكن ذكرت في ردودي السابقه على من تفضلوا من الاخوه والاخوات وجهة نظري والدوافع التي خلتني اقدح على هذه الجامعه واقرر الخروج

لذلك قررت اني اقدح عليها صدق

[القداح]

المشاركة الأصلية كتبت بواسطة عبدالله بن ابراهيم

الله يكتب لك الخير

واتوقع الاخوان ماقصرو معك بالنصايح

الله يوفقك وين ماتروح

يعطيك الف عافية

شكراً أخي بالتوفيق للجميع

[القداح]

المشاركة الأصلية كتبت بواسطة night angel

الفرصه تجي مره بــالحيــاة

و نصيحه مــدامهــا جتك استغلهــاا

<< داخل عشــان صديقي
هــاذي اشطبهــا من قامووسك عشاان تقدر تكمل
الله يجــزاه خير مــا قصر و جالس يشجعك تدرس
بس الحين جــاء دوورك
طور نفسك و ادرس
والشهــاده اكيد بتنفعك

و بتــوفيــق يــــارب

حياك الله اختي

وشكراً على هذا الكلام الطيب

بالتوفيق لك وللجميع