ارجو من الجميع الدخول

[وفاء ام طلال]

اختي الغاليه همس التميمي اولاجزاك الله خير على كل ماقدمتيه لنا واسال الله ان يجعله في ميزان حسناتك اما بالنسبه لموضوع الانسحاب ليش هالتشائم تفائلي بالخير تجديه وان شاء الله يكون المعدل عال العال اختي الغاليه حتى لو قدر الله ولم تنجحي فاجعلي عدم النجاح سبب للاجتهاد والعزم على الحصول على الشهاده الجامعيه صدقيني اختي الغاليه من حط براسه شي وكان له هدف راح يوصل حبيبتي انا اكثرمن عشر سنوات وانا احاول ادخل الجامعه ولم يكتب الله لي وقدر الله بفضل منه ان التحق بالجامعه هالسنه فلله الحمد ان حقق حلمي فلا استطيع اوصف لك فرحي بدخولي الجامعه رغم ظروفي الصعبه مسوئلية بيت وزوج واعيال ثلاث اكبرهم ثاني ابتدائي واصغرهم بالروضه ومافي شغاله يعني ضغط بمعنى الكلمه والكل يقول ايش لك بالجامعه لكن كان هدفي حصولي على الشهاده ويشهد الله ان الي ساعدني الكثير من الاخوات والاخوان في هالمنتدى ومنهم انتي رغم مشاركتي القليله ومتابعتي الكثيره لكم فجزاكم الله عني كل خير اعلم اني اطلت عليك لكن رغم ظروفي لم ولن افكر بالانسحاب ان شاء الله وانتي ياختي الغاليه انسي هالفكره وخلي الشهاده هدف لك وانك ستحصلين عليها مهما حصل وان شاء الله ننتقل لبيتنا الجديد بمستوى ثالت من دون مانفقد احد لا للانسحاب ونعم للجهاد والحصول على الشهاده واسفه على الاطاله

[ام بسام]

صدمني موضوعج بصراحه بس أناوحده ضد فكرة أي أحد يقول بخلي الدراسه باالأخص أنتي تدرين ليه لأني جربت خليتها عشان كنت مريضه وياليت ماخليتها ندمت حيل لدرجة مرت علي أيام أشوف كل اللي حوالي كل وحده معها شهاده وأنا لا والله موحسد لأحد لكن الشهاده مافيه مثلها للحرمه خليتها وماكان باقي لي الا سنه للتخرج وذقت مرارة تركها سنين لين من الله علي وانتسبت لدرجة حتى الرفيدان قال لأخوي حتى شهادتها الثانويه ماعاد تنفع لاتخلين مستقبلج تحت أي ضرف والظروف اللي تمر على الأنسان تصنع قوته إذا أتكل على ربه ولاتوقفين عند معدل أو ماده حملتيها جاهدي نفسج لاتستسلمين لأي ضرف مهما كان وكلنا حواليج وأنا وحده أتمنى أتعرف عليج شخصيآ لأني أروح الدمام بأستمرار إذا ماعندج مانع وبعطيج كتب قيمه تخليج تفكرين مية مره قبل لاتخلين دراستج كتاب هكذا هزموا اليأس أنصحج فيه لسلوى العضيدان أقريه بهاالفتره كان يسليني سنين ويقوي من عزيمتي وكلنا عندنا ضروف الترم هذا كان صعب علي بسبب حملي لكن والله كنت كل ماحسيت أني ماعاد أقدر أواصل تذكرت أيام فرطت فيها بالدراسه وأستمر وغير عيالي يدرسون لكن بأذن الله ماراح أخليها والله وأنا قاعده أحل بالأمتحان أحس ببكي من كثر ماأنا ضاغطه على نفسي وأنا أذاكر لكن الحمد لله هانت وأدعولي الله يقومني بالسلامه آسفه طولت لكن يعلم الله من حبي لج طلعت هاالكلام

[كلي غموض]

انتي ماقصرتي معنا كلنا

وبعدين شنو انسحاب !

هموس وش فيك ؟

تعوذي من ابليس هاذي اثار الاختبارات

لاتضيقين صدري انتي انسانه عزيزه وغاليه على قلبي

والله اني ادعي لك دايم بظهر الغيب

الله لايحرمنا من بعض

[احمد السّيار]

باذن الله اختي همس تستمرين معانا
وجودك بيننا ضروري فانتي انسانه استفدنا منها الكثير
وانسانه لها قيمتها
وان شاء الله تحصلين اعلى المعدلات
ونتخرج مع بعض
دعواتي لك بالتوفيق

[وفاء ام طلال]

الله يهون عليك ياام بسام ويوفقك وتحصلين على الشهاده وقسم بالله وانتي صاجه بالزمن الي ماعنده شهاده مايسوى شي ربي يسر لنا ونحصل عليها بيسر وسهوله وتفوق وتكون همس معنا ومن المتفوقات ان شاء الله

[ولد ابو متعب]

الله يوفقك يا اخت همس بالعكس ما شفنا من الا كل خير
وانا صراحه واحد من الناس اللي لج افضال عليه خاصة بالكورس الاول ماقصرتي
سواء بالملخصات وغيره.
بالتوفيق ان شاء
اتمنى لك السعاده والتوفيق في الدارين

[منويه الشمري]

الله يوفقك ويسر امورك .. يارب ...

[أم زيودي]

هموسه يا قلبي يشهد الله اني احبك في الله وأسأل الله انه يسير امورك وتكملي دراستك ترى وأنا اختك هذا الزمن زمن شهادات وحتى لو النتائج مومشكله وش ورانا عسانا ناخذها في 10سنين
ههههههههههههههههههههههه

[وفاء ام طلال]

اخي احمد السيار من زمان وانا حابه اشكرك فانت احد اسباب نجاحي في المستوى الاول انت وبنت الاسلام وهمس التميمي وفزيائيه والكثير ماودي انسى احد بس قسم بالله دايم ادعوا لكم بالتوفيق والنجاح ويسعدكم بالدنيا والاخره ويفرج عنكم اهمومكم كما فرجتوا عنا فجزاكم كل خير وبيض الله وجوهكم

[يوسف العبدالله]

ماقصرتي وبيض الله وجهك

نفعتي الكثير بعد الله سبحانه وتعالى

لكن انسحاب شيليها من راسك

واصلي والله يوفقنا واياك