مذاكرة جماعية لمادة بحوث الأعمال

[ليدي لندا]

والله كلنا ياصمت
المشاغل كل مالها وتزيد
يااااارب يسهل. علينا ويبارك لنا بالوقت
ابي اسال كل من شاف المحاضرات حق هالماده هل استفاد منها بشي ولا نسحب عليها

[غدوو}]

الله يستر من هالدكتور

حتى لما سألته بالمباشرة علشان يشرح لي شيء ما رضى يعني بالله شسوي بعمري
أقول له شفت المحاضرة و قريت الكتاب و مافهمت يقول شوفي المحاضرة

[صَمْتّ مُؤْلِمْ]

هو كذا ما يشرح وأظن آنه ينسى المحاضرات أصلاً


لأني مجربه سألته بالترم الماضي عن نقطة في مادة أخلاقيات الأعمال
وقال لي نفس الشيء شوفي المحاضرة وما أخذت منه شرح لها .......

[غدوو}]

هو يشرح من المحاضرات أصلا ؟
هو في وادي و المحاضرات في وادي
الله يهديه بس دوخ روسنا و هو يفرفر في البوربوينت

[شــامخة الآفـق]

المشاركة الأصلية كتبت بواسطة غدوو}

هو يشرح من المحاضرات أصلا ؟
هو في وادي و المحاضرات في وادي
الله يهديه بس دوخ روسنا و هو يفرفر في البوربوينت

قلتي الي بقلبي
معك حق هو بوووووادي والمحاضرات بوادي
انا اساساً سحبت ع محاضراته ولاسمعتها فيه شيء ينرفزني فيه
توكلت ع ربي وقرأت المحتوى والكتاب جاب لي اكتئاب
وبخصوص ان ماشرح لك بالمحاضرة اكيد ان ناسي فعشان كذا يقول لك ارجعي للمحاضرة

[alali]

قرأت المحتوى والكتاب ،، جاب لي اكتئآب

هذي ميزة المادة خلتك تقولين شعر وانتي ما تدرين

المشكلة حتى المحتوى جلست ساعة ابي افهم معنى الافتراضيه وعجزت

مع اني طول عمري اقول للناس افترض افترض افترض

طلعت معنا افترض غلط

توهنا

[رائد علي]

يعطيكم العافية جميعاً
و أبو ريان دائماً في الطليعة ما شاء الله عليه

عندي سؤال أخوي أبو ريان في الواجب الثالث لهذه المادة ..
السؤال الرابع يقول :

أي من المقترحات التالية صحيحاً :
-الفرضية و هي عبارة مصاغة بشكل قابل للقياس تتنبأ بوجود علاقة بين متغيرين على الأقل .
-التعميم التجريبي يعمم التعبير التجريبي عن علاقة تمثل الاسلوب الاستقرائي بمعنى تتبع الجزئيات -للوصول الى حكم كلي .
-الحقيقة البديهية تعبر النظرية البديهية عن العلاقات الشائعة جداً و المترابطة و المتداخلة .
-جميع ما ذكر أعلاه .

[تذكــآر]

^^

توكلوا على بس وبتصير سهالاات ,
لا صدقوني انتم فاهمين المنهج وبتذاكرونه كوييس وبتجيبون الدجة الكامله بعد ,
ترا الدكتور صدق يجيب كم سؤال يلحس المخ بس الاختبار ماهو صعب ,,

انا ماسجلتها عندي تعارض عمليات -__-


موفقييين ..

[alali]

يا هلا ومسهلا بالشيخ رائد
تو ما نور القروب

بخصوص الواجب والله يا خوك الدكتور هذا عجزت فيه اغلب واجباته كل ما ذكر اعلاه

جرب إن شاء الله بتصيب معك

[alali]

المشاركة الأصلية كتبت بواسطة تذكــآر

^^

توكلوا على بس وبتصير سهالاات ,
لا صدقوني انتم فاهمين المنهج وبتذاكرونه كوييس وبتجيبون الدجة الكامله بعد ,
ترا الدكتور صدق يجيب كم سؤال يلحس المخ بس الاختبار ماهو صعب ,,

انا ماسجلتها عندي تعارض عمليات -__-


موفقييين ..

الله فكك

ولا كان علوم