[ اسئلة اختبارات ] : شكوى ضد الدكتور عفانه مهم جدا جدا أرجو من الجميع المشاركة

[احترت معاك]

والله ياليته جايب اسئله مقاليه ولا هاللون عشان نشوف بعض الناس شلون تحل اسئلته ع فكره ماله داعي الهيااااط اوكيييه ..كل واحد وعنده ظروفه وبعدين داشين بفلوسنا موببلاش غصب نحمل الماده ونعيدها يعني <<<<عصبت

[أَبُو يـَزَنْ]

المشاركة الأصلية كتبت بواسطة joooood

الدكتور قال الماده تعتمد ع الفهم واسئلته اليوم تدل ع الحفظ في اغلب الاسئله طيب الماده معلومات كثييييره نحفظ مزايا ولا فوائد ولا عيوب وغير كذا لازم نفرق طريقة وضعه بالاسئله تشتت وتشكك

الأسئلة صراحة على الفهم حتى في المزايا او العيوب الخيارات متباعدة يا انك تلقي فيها عدم او ليس

[ابو عزام]

صباح.الخير..
كل دكتور بنقدم عليه شكوئ وكل شي ماراح يعجبنا !!!
صح اننا انتساب والمفروض الجامعه تقدر هالشي .
ولاكن مايصير بعد كل ماده نفتح موضوع اعتراض والاخر يفتح موضوع شكر .

انا بمادة التوريد اراجع ثلاث ايام ودخلن الاختبار وطلعت مدري وش حليت صح او خطاء .
الماده بالاساس صعبه جداً ... والدكتور اذا تساهل طيب منه واذا صعبها هذي الاوامر اللي عنده .

اذا فيكم شدة للشكاوي طالبوا الفريدان ... يعطي اوامر للدكاتره بتبسيط الاسئله ومراعاة ضروفنا لأننا انتساب .
ارفض شكوئ دكتور عن دكتور اخر ... وارفض بشدة شكر دكتور عن دكتور اخر .

واتمنئ مانكون متذمرين دائماً ...هذا قدرنا وهذا مستقبلنا ... وهذا امر الله فوق كل شي .
لاحد يتضايق من ردي يشهد الله انكم اغلئ عندي من الجامعه وشهادتها .

[Tornado]

السلام عليكم ورحمة الله وبركاته،
أنا أشوف مافي داعي ها الموضوع عن نفسي انا بدعت في الاختبار رغم أنني ما فتحت المادة إلا قبل يومين بس الشاهده لله ذكرت خلال اليومين وتعبت وكرفت والأسئلة كانت وأضحت اغلابها من وجهت نظري وما فيها لف ودوران مثل مادة الاستراتيجية الله يهديه 70٪ من الأسئلة الي جابه من خارج المحتوى واغلاب الأسئلة تدخلك متاهات لف ودوران
والله يوفق الجميع إن شاء الله

[ابو سعود 111]

لا والله الجامعة ما تامر ابدا بتصعيب الاسئلة
اصلا هذا وصل للتعقيد 90 من الاسئلة واضح فيها المكر والخداع
ياخي اغلب الدكاترة نص سهل ونص صعب
الله ينتقم من كل متسلط ومتجبر

[قتال القلوب]

انا معك

الاختبار كان الاختبار تعقيييييييييييييييييييييييييييييييد للغايه

[قتال القلوب]

انا اذا على الاجوبه اللي حلوها الشباب

الله يستر شكلنا جبنا العيييييييييييد

[أبو مروان]

المشاركة الأصلية كتبت بواسطة أبوفيصل البياعي

بصراحة اشوف ان الاختبار كان متوسط مائل للسهولة اما ان الطالب يهمل ويلقي بالملامة على الدكتور هذا شي غير صحيح نرجوا الانصاف فالدكتور جهاد لم يأتي بأسئلة من خارج المحتوى وكان ٨٠٪ من الاختبار سهل
وهو نوه بالمحاضرات المباشرة انه راح يضع كم سؤال ليميز الطالب المجتهد

فشكراً له من الاعماق

أتفق معك تماماً أخي الكريم..
يوجد لدينا عينة طلاب تبغى الدكتور يجيهم لحد البيت ويعطيهم الأسئلة ومحلولة بعد..
كفى إعتمادية وإهمال وإسفاف..
للمعلومية أنا أعمل في قطاع خاص 6 أيام في الاسبوع ولاإجازات في وقت الاختبارات إلا من رصيدي ومتزوج ولدي أولاد فلا يجي أحد يزايد علي بالكلام ويقول حنا مشغولين ولاتقارن نفسك فينا ومن هالخرابيط..

[قلب غالي]

المشاركة الأصلية كتبت بواسطة joooood

يعني السالفه صارت اللي فحط وهو يذاكر غرز بالاختبار واللي ذاكرها قبل الاختبار ب24 ساعه حل وضبطت معاه وجاي يقول الاسئله سهله هذي يسمونها ضربة حظ

كانك تتكلمين عني ضربة حظ وبقوه

[زعيم عالمي]

الاسئلة معقدة وصعبة
والطالب الي يقول سهله افوله اتقي الله واتقى دعوة المظلوم