هنا نستقبل استفساراتكم عن كلية الطب بالأحساء

[اورجوان]

السلام عليكم

و عليكم السلام و رحمة الله و بركاته

اختي العزيزة ... ارجوان ... اكرر شكري لك على تفاعلك وتميزك وتألقك المتواصل

و لو ,, هذا واجبنا أخوي ..

اناا ولله الحمد تم قبولي من الدفعة الاولى بالطب لهذا العام وانهيت كافة الاجراءات ومن ضمنها كشف اللياقة المهنية
بس طلعت روحي وانا رايح وجاي بين اللجنة الطبية والعمادة وكلية الطب علىاشياء روتينية لاني من اول الواصلين للكلية

فرحت كثيرا لقبولي بالكلية لذلك سحبت من جامعة البترول وفرحوا لي كل الأهل والحبايب لانه كان حلم عمري دخول كلية الطب وبالخصوص في (( هجر .. فديتها ))

ألف مبروك القبول أخوي , و يا رب تتسهل أمورك ..

المهم عندي سؤالين اتمنى احصل على رد مبدع كما عودتنا سابقا يوضح لي ما كنت اجهله :

س/ بالنسبة للجدول اللي سوف اقوم بترتيبه ان شاء سبحانه في تاريخ 7 شوال .... سؤالي : من اي ناحية برتبه .. يعني برتب الساعات او الدكاتره او ....... شنو بالضبط (( لو تكرمتي ابي معلومات وافيه عن ذا السؤال ونصائح ))

الطب أخوي محظوظين في هذي الشغلة كثير ,, مش هم الي يرتبون جداولهم !

هم فقط يسجلون المواد الي تبع مجموعتهم

لأن الكلية راح تحطهم في مجموعات << فصول زي المدرسة يعني << مجموعة أولى و مجموعة ثانية و مجموعة ثالثة

و كل مجموعة =فصل >> راح يدرس بحسب جدوله و تكون القاعة ثابتة عادة ً و اذا بيغيرونها فلمرات قليلة جدا جدا ..

و من ناحية الدكاترة ,, فلكل دكتور ساعات مكتبية تقدر تروح له فيها ,, و هو الدكتور الي يحط لنفسه جدول بهذا الخصوص و تشوف جدوله معلق برا مكتبه ! و اي وقت تحتاجه فيه .. تروح له بالساعات المكتبية .

س/ اناااا اعلم انه إذا قل المعدل عن 3 يتم التحويل ذاتيا الى كلية اخرى ولكن السؤال : هل الكلية من الكليات الصحية او من كليات الجامعة الاخرى

بما انك انقبلت يا أخوي في الاحساء , فلا يوجد في الاحساء كلية صحية سوى الطب و الصيدلة :mh19: فقط تقريبا !

و الصيدلة بمستوى الطب , يعني و للاسف ما تقدر تحول لها على ما أظن ,, و اغلب الي اعرفهم من الي طلعوا بسبب هذي المشكلة راحو كلية العلوم :mh19: و البعض كليات اخرى مشابهة , لكن يمكن تقدر تحول الى كلية العلوم الطبية بالدمام :mh19: لأني تقريبا سمعت عن بنت انها سوت زي هذي الحركة ,, و البعض الاخر قدم على بعثة و راح يدرس برا ..

اخوي , المعدل 3 يحتاج " شوية " مجهود و الاغلب يجيبه , يعني قول ان شاء الله انك بتاخذ الاعلى منه , فقد اجتهد

لكي خالص الاحترام والمحبة

موفقه لكل خيير

حياك الله أخوي ..

---------------------------------------------

تم استلام وثائقك والتأكد من مطابقتها وقد تم قبولك نهائيا بالجامعة.. ونود تذكيرك أن موعد بدء الدراسة سيكون بمشيئة الله يوم السبت 14-10-1430 هـ الموافق 3-10-2009 م.

في حالة عدم قيامك بإجراء فحص اللياقة المهنية الخاص بالكليات الصحية


سويت الفحص الطبي والمقابلة اليوم هل باقي لي شي اسويه ؟

ألف مبروك يا طير ,,

و ما أظن ان باقي لك شي بعد تسويه !

خلاص , استمتعـ / ـي بالعطلة ..

و رمضان كريم لكم جميعا

[saveen]

شكرا اختي ارجوان على تفاعلك معي بس ممكن توضحيلي اش قصدك بالبعثات وشكرا لك

[اورجوان]

أختي الكريمة ..

المقصود بالبعثات = بعثات خادم الحرمين الملك عبدالله ..

هذي كل الي يبتعثون عن طريقها= يدرسون طب تقريبا ..

و أنا أعرف بنات .. درسوا في كلية البنات العلمية لمدة سنة <<< قبل ما يضمونها تبع الجامعة

و بعدين قدموا على بعثة , و لما طلعت لهم راحوا يدرسون برا ..

و البعض الاخر ,, ما قدر يحقق المعدل المطلوب للطب في سنة أولى الي هو 3 ,, فسجل فيها و خذوه فراح

:mh19:

حاليا في تجديد في الانظمة .. و لكني لا اعلم بها ..


بامكانك الاطلاع على هذا الموقع .. يمكن يفيدك بخصوص البعثات و متى يكون التسجيل فيها

http://www.mohe.gov.sa/Arabic/Pages/default.aspx

موفقه

[البحر الهادئ]

السلام عليكم
سؤالي اختي
قالوا لنا تابعوا الموقع عشان تسجيل المواد يمكن يبدا في شهر 9
وسجلوا كل مواد السنه التحضيريه
كيف نعرف ان التسجيل بدا؟ طيب واذا سافرنا وما سجلنا وش راح يصير
سؤال اخر
كيف اتغلب على مشكلة اللغه الانجليزيه في البدايه؟


شاكرين لك حسن تعاونك

[اورجوان]

السلام عليكم

و عليكم السلام و رحمة الله و بركاته

سؤالي اختي
قالوا لنا تابعوا الموقع عشان تسجيل المواد يمكن يبدا في شهر 9
وسجلوا كل مواد السنه التحضيريه
كيف نعرف ان التسجيل بدا؟

راح يكتبون لك في موقع الجامعة إعلان بهذا الشيء .. << و بالخط العريض بعد

طيب واذا سافرنا وما سجلنا وش راح يصير

ما راح تنحسب لك السنة حتى لو درستيها!
لأن اسمك ما راح يكون مكتوب عند الدكاترة لعدم تسجيلك
إذا بتسافرين .. خلي حد من اقاربك " ثقة " .. يسجلك

سؤال اخر
كيف اتغلب على مشكلة اللغه الانجليزيه في البدايه؟

بالترجمة كبداية !
في بداية السنة راح تترجمين كثير كثير ..
و شوي شوي .. راح تشوفين نفسك خزنتي كم حلو من الكلمات الانجليزية
فقط حاولي تركزين وش يقولون الدكاترة ,, حتى لو ما كنتي تفهمين !!
و اذا شفتي الدكتورة تردد كلمة أكثر من مرة .. كتبيها و ترجميها في البيت على طول
علشان تتعودين على اسلوب كل دكتورة .. و تفهمين عن شنو كان الدرس !
و طبعا مش كل شي ينتترجم .. !
المواد العلمية هي اهم شي لابد تترجمينه
اما المواد الانجليزية .. زي مادة القراءة .. ما له داعي تترجمين كل القطعة و تتعبين حالك
فقط ترجمي الكلمات الي تحسين انها تتكرر كثير و محور القطعة كله يدور حولها ..

شاكرين لك حسن تعاونك

العفو أختي ..
حياك الله

[amoooudy]

لك خاااااااااالص التحية على المعلومات


موفقه لكل خير

[اورجوان]

حياك الله أخوي ..

[دكتورة بتنورة]

هل يمكن التحويل من كلية الطب في الاحساء الى كلية الطب في الدمام؟ وكيق يتم ذلك بالتفصيل؟

[دكتورة بتنورة]

هل من الممكن اني احول من التمريض الى الطب اذا جبت معدل قوي في السنه التحضيرية؟

[العون من الله]

انا جديده على المنتدى وهذي اول مشاركه لي
حبيت أستفسر عن شيء
أنا انقبلت ولله الحمد في الطب بالأحساء وانتهيت الحين من اجراءات القبول كلها
لكن عندي مشكله لما أدخل على البانر وأدخل السجل الأكاديمي والرقم السري
اللي سجلت به للجامعه مايرضى يدخل


وفي عندي شيء ثاني نموذج التعهدات اللي نسلمه مع الوثائق الأصليه عبيته كله ماعدا رقم التقديم اللي هو اساسا السجل الأكاديمي أبي أعرف هل هذا ياثر علي ؟
وهل يحتاج الموضوع أني أراجع الجامعه قبل تسجيل المواد لتعبئة رقم التقديم ؟