ڛڪر عٌيُوُنْڪ..*

[عاشقة H]

صباح الخير
صباحكم نعس و نوم
احس بعد باقي كم يوم و بصير انام و انا واقفه

ي فلانة إلي تبينهم تعالي خذي لولو و انا بنامم

[عاشقة H]

سبحان الله
الواحد لازم تمر عليه فترات صعبه و صعبه جداً
في الاخير نقول الحمدالله رب العالمين

اختبار من الله نشوف لاي درجة يوصل صبرنا و تحملنا
انا عن نفسي اعتبر في اختبار جداً صعب مو قادرة اتعداه و كل ماله يتصعب كل ما قلت فُرجت ترجع تتصعب و تتعقد اكثر و اكثر معن ادري بعدين في النهاية بيرجع كل شي مثل اول و احسن و كل شي بيتعوض بس بعد وشو بعد ما ينهلك الجسم و ينهلك المخ
افكر في اشياء ؛ لازم اساعد في اشياء ؛ انا محتاجة المساعدة بس مو محصله من اساعدني و ساكته و متحمله بيني و بين نفسي مو متعودة اتكلم مع احد عن شي بداخلي الصياح اهو صديقي الاول و الاخير عادي اقعد بروحي اصيح لين ارتاح
انا بالاصح فيه من اساعدني بس مستحيل اطلب من احد لان جربت و طلبت و قامو يتحججو و كذا ف خلاص مستحيل مستحيل مستحيل اطلب من احد شي
يبغو من عندك بس لا تطلب منهم شي ياخدو بس ما يعطو لما اقعد افكر اقول المفروض ما اطلب منهم شي لان في النهاية انا من بيتحمل مسؤلية كل شي اهم مو موجودين معاي على طول

نهاية كلامي على هالفضفضه ما اقول غير
الحمدالله رب العالمين دائماً و ابداً

هذا اقل من القليل من الكلام إلي في قلبي

[عاشقة H]

اشتقت لذاككك الشخص
إلي اذا احتجته لو عنده اشغال الدنيا يفضي نفسه عشاني
مشتاقه لك

[عاشقة H]

اليوم المزاج رايق على التعب و السهر و الوجه المفقع و الوجه الاصفر و الدم النازل بس ما بخليهم ينكدو علي بقهرهم و بستانس
طالعين استراحة و كذا

[عاشقة H]

هذا اقدر عليه
بس الكلام مستحيل مستحيل

[عاشقة H]

انا العناد عايش فيني
بس موضوع ان مابي اودي بنتي المستشفى هذا كيفي
اول شي بنتي و كيفي ثاني شي اهي بعدها صغيره ما كملت شهرين و معروف في ال3 شهور الاولى الم البطن ما يفكهم
و مابيعطوني لها علاج و انا مابي العلاج لو كان فيه علاج

يعني يجيني احد و يقولي ليش ما وديتي البنت المستشفى فهموني انا بس ابي افهم اهم شنو بيعطوني لها

عنيده و عنادي عاجبني كيفي

[عاشقة H]

انا مرتاحة مره في مدونتي و الكتابة فيها

و انا اسفة اذا ازعجتك

[عاشقة H]

بعض فعاليات امس

[عاشقة H]

امس استانست بشكل مو طبيعي
طلعت طاقتي السلبية بأكثر من شي
بس الاكثر السباحة اخذت المسبح رايحه جايه رجعت شقتي على تعبتي بس مرتاحة مرتاحة مره و مروقه فوق الروقان هههههههه

[عاشقة H]

تصريح عن نفسي
انا وحدة جبانة خوافة مجازفة في اشياء بس مو كل شي
عقدتي ف الحياة و خوفي الكبير و إلي ما اتوقع اقدرر اتخلص منه اهو الخوف من كرسي الاسنان انا اعتبره كرسي المقصبه اخاف من الادوات انا ما اخاف من الابر بس ابرة البنج فيني رعب منها بشكل مو طبيعي
يوم السبت عندي موعد في عيادة الاسنان كل ما راح يوم اخاف اكثر و حتى لو قلت ما بخاف بس اشوف الكرسي احس إني جايه انتحر
البعض يقولي انتي تبالغي في الخوف
انا ما ابالغ ولله بس اخاااااااف عندي فوبيا من عيادات الاسنان هههههه

ثاني شي و إلي ما توقعته اصير
عادتي لما نطلع استراحة و يكون فيها مسبح انزل و اقعد لي في مكان ما اتحرك اخاف لان مره و انا صغيرة كنت بغرق بس الحمدالله انقذوني و صرت اخاف ما احب حركات الدف بدون ما ادري
بس هالمره انجاز سويته بالنسبة لي
يعني اعرف بس مو عدل مره مره
قلت لاختي و بنت عمي انا بروح بنطلق اذا فقتوني دوروني في ارضية المسبح ههههه
بس الحمدالله ما احتاجو ادوروني لان كنت انا حذرة على نفسي
فرغت مو بس طاقة فرغت طاقات سلبية قاعدة على قلبي