[ اللغة الانجليزية ] : هنآ الآستفسآر عن دكآترة اللغة الانجليزيه ..

[الـ ماء]

-


راح أعطي الانبطاعات المهمة الي أخذتهم عن الدكاترة الي درسوني..

1) بتول بخاري.
دكتورة تدرّس بأمانة .. تشرح تشرح لين تتأكّد أن الكل فاهمْ،
جوّ كلاسها حلو، لا هو جدّي مرة ولا طول الوقت سوالف.
تعطي واجبات كثير .. عشان مصلحة الطالبة .. بصراحة تكرف الطالبة ،
تعطي كويزّات، وتاخذ أحسن درجات وتجمعهم..
البنت الي يهمها الشرح وانها تفهم، ولآ يهمها قد أيش تكرف، تاخذ عندها ..
* تآخذ كل الوقت تبع المحاضرة .. ماتطلع قبل.

2) أمل الصيخان.
أخذت عندها استماع.. ما عجبني شرحها .. ولما قريت عنها هنا شفت كثير يتّفقو معي..
حليوة هي، بس كشرح .. مو مرّة.

3) فآسنثي.
حسّيتها مزاجيّة .. درّستني إنشاء 1 .
تغشش علَني .. تعطي الأجوبة علني عادي عندها،
مجموعي كان 45 .. وحملت المادّة عندها ؟

4) سارية .
جديدة أتوقع، أخذت عندها إنشاء 1 .
عادي تتأخري عندها لو نص ساعه خخ ..
حليو شرحها بس ماحسّيته مرّة .
* غالبًا كانت تطلّعنا بدري.

5) فدوى العساف.
درّستني الانجليزي العام، وأخذت معها كتابة ..
حبيتها هالدكتورة.. تفهّم كويس ومن النوع الشديد .

6) هدى القصبي.
أخذت عندها لغويات .. حبّوبة وقت المحاضرة وراعية سوآلف،
نظامها : توزّع البنات قروبات، يسوّو عروض ويشرحو .. وهي تجلس وتعلّق.
فاهمة المادة صح - تخصصها - .
حذفت لنا كثير أشياء، لخصت المادة يعني.
بس وقت الاختبار جتنا أشياء مو محدّدة + جابت أشياء مش مهمّة
يعني فيه أهم منها دايم تركّز عليها بالمحاضرة وماجابتها ..؟
الاختبار كان مُخيف خخ .. كل فقرة عليها 10 .. عدا التعاريف من 10 كل تعريف عليه درجتين .
* تطلّع بدري ، تقريبًا تاخذ ساعة بس من وقت المحاضرة .

7) منال الخضر ..
مدري اذا موجودة الحين ولا لا ..
من الدكاترة الي حبيتهم وودي أدرس معهم مرّة ثانية،
جو كلاسها حلوّ ، مش جدّي مرة ولا سوالف طول الوقت،
تشرح من قلب وتفهّم الطالبة .. الطالبة تهمها باختصار َ.

[Amy14]

بنات لو سمحتوا ممكن تتكلمون اكثر عن مادة اللغويات التطبيقية عن ايش تتكلم المادة لاني دورت بالمواضيع مالقيت شرح واضح عن هالمادة لاني للحين محتارة اغلب اللي سالتهم يرشحون احمد ابراهيم ومحد تكلم عن ازدهار ابي اتاكد من قراري ياليت تساعدونا
وشكررا للكل اللي جاوبوني من قبل

[آناستازيآ]

اللغويات التطبيقية اخذتها مع هدى القصبي زي ما قالو البنات تقسم البنات قروبات للشرح وهي تساعدنا
طبيعة المادة حلوه وخفيفة مواضيع منوعه اغلبها عن طرق واساليب تعلم لغة اخرى غير اللغة الأم
يعني ابد ماتخوف المادة بس اسمها اكبر منها

[SILENT.]

لو سمحتو وحده تتكلم عن مواد مستوى رابع .!

[Anoud.]

احمد ابراهيم و لا ازدهار لمادة اللغويات التطبيقيه؟

[صمتت]

رايكم برحمت احمد من ناحية الشرح وتقسيم الدرجات والوضوح

[nooni-s]

شرايكم بمنيره الازرقي ؟

[brro]

بنات وش رايكم ب ليلى العقيلي روايه حديثه ؟
و صباح العيسوي أدب أطفال؟

الله يعافييكم ابي جدول الاختبارات عشان ارتب جدولي ؟؟

[alaa1]

ابغى انجليزي عام واحده فعل تساعد بليززززززززززززززززز :(

[Amy14]

المشاركة الأصلية كتبت بواسطة آناستازيآ

اللغويات التطبيقية اخذتها مع هدى القصبي زي ما قالو البنات تقسم البنات قروبات للشرح وهي تساعدنا
طبيعة المادة حلوه وخفيفة مواضيع منوعه اغلبها عن طرق واساليب تعلم لغة اخرى غير اللغة الأم
يعني ابد ماتخوف المادة بس اسمها اكبر منها

شكراا جزيلاا