هنا نستقبل استفساراتكم عن كلية الطب بالأحساء

[اورجوان]

هل من الممكن اني احول من التمريض الى الطب اذا جبت معدل قوي في السنه التحضيرية؟

هو المفترض ممكن ..

لكن قريبه لي كانت بالحسا و حاولت تنقل الدمام و كان معدلها قوي و قالو لها ممنوع !

انا جديده على المنتدى وهذي اول مشاركه لي
حبيت أستفسر عن شيء
أنا انقبلت ولله الحمد في الطب بالأحساء وانتهيت الحين من اجراءات القبول كلها
لكن عندي مشكله لما أدخل على البانر وأدخل السجل الأكاديمي والرقم السري
اللي سجلت به للجامعه مايرضى يدخل

:mh19: احيان تكون الجامعة نفسها مغيرة البيانات و بالتالي لابد تاخذينه منهم !

وفي عندي شيء ثاني نموذج التعهدات اللي نسلمه مع الوثائق الأصليه عبيته كله ماعدا رقم التقديم اللي هو اساسا السجل الأكاديمي أبي أعرف هل هذا ياثر علي ؟
وهل يحتاج الموضوع أني أراجع الجامعه قبل تسجيل المواد لتعبئة رقم التقديم ؟

بيني و بينك , أحيان تكون الاشياء بسيطة و ما تدقق عليها الجامعة .. لكن ايضا اجيان تتسبب الجامعة و تقول ان كل شي مهم

فمن باب الاحوط انك تراجعينهم عن كل مشكلة تواجهينها ..

سواء عن رقمك الاكاديمي , اوراق ما عبيتيها .. اي شي !!

و مبروك لكم القبول

و موفقين ان شاء الله

[amoooudy]

المشاركة الأصلية كتبت بواسطة العون من الله

وفي عندي شيء ثاني نموذج التعهدات اللي نسلمه مع الوثائق الأصليه عبيته كله ماعدا رقم التقديم اللي هو اساسا السجل الأكاديمي أبي أعرف هل هذا ياثر علي ؟

السلام عليكم .....

بالنسبة الرقم الاكاديمي حتى انا ما حطيته لانه الموظف قالي ما يحتاج ..... لان النموذج بإسمي اولا وثانيا الورقة اللي طبعتيها من الموقع وحطو نسخها منها بالملف ونسخة ختم عليها الموظف وعطاك وياها موجوده وفيها كامل البيانات

المشاركة الأصلية كتبت بواسطة العون من الله

وهل يحتاج الموضوع أني أراجع الجامعه قبل تسجيل المواد لتعبئة رقم التقديم ؟

ما اتوقع يحتاج تزورين الجامعة .... لانه موجود رقم مجاني تقدرين تتصلين عليه .... بس ما اعرف رقم قسم النساء

تقدرين تخلي اي احد يتصل على قسم الرجال وياخذ الرقم او يستفسر منهم

وإذا كنتي بكلية الطب ما اتوقع يحتاج تسوي كل هذا لانه في نموذج ثاني بالكلية تعبيه وفيه نفس التعهدات

اتمنى اني اكون افدتك


تقبلوا مروري

[العون من الله]

مشكوره ارجوان على الاجابه عن استفساراتي
ماقصرت اخي مودي الف شكر لك
الله يعطيك العافيه

[amoooudy]

الله يعافيك

لا شكر على واجب والبركة في دكتورتنا ..... ارجوان ...

موب مقصره ابد

موفقين لكل خير

[دموع القمر]

..
السسسسسلآم

..

عندي كم أستفسار وأتمنى ألاقي عندكم اللي يريحني

أنا أنقبلت طب في الأحساء أول دفعه
وكنت حاطه في بالي أن بلاقي تحويل من الأحساء إلى الجامعه
بس أنصدمت بِ فصل الجامعتين

- سؤالي هل تتوقعون في أمل النقل ؟
- أبي أعرف معلومات عن دراسة الطب
كم سنه وكم سنه دراسة التخصص

[اورجوان]

سؤالي هل تتوقعون في أمل النقل ؟

تقريبا ما في أمل ,, لكن ما ضاع حق وراءه مطالب !

- أبي أعرف معلومات عن دراسة الطب
كم سنه وكم سنه دراسة التخصص

تدرسين 7 سنوات

سنة اولى = تحضيرية
بعدين خمس سنوات
بعدين سنة سابعة = طبيب امتياز

تتخرجين = طبيب عام

تبغين تتخصيين => اغلب التخصصات اربع سنوات
لكن الي تبع الجراحة ممكن تكون 6 سنوات

بالتوفيق

[المبدعة11]

حاليا النسبة الموزنة للقبول في كلية الطب لآخر دفعة أصبحت 87.88% ..

سؤالي هل هذه الدفعة وي الدفعة 5 هي آخر دفعة تقريبا ولن تقل النسبة الموزونة مستقبلا في الدفعات القادمة لو كان هناك دفعات ...؟؟؟


يعني مافي أمل تكون النسبة الموزونة 86.56%؟؟؟

أجيبوني بارك الله فيكم وعذرا على الإزعاج

[Like dream]

السلام عليكم ورحمة الله..
لو سمحتوا انا حابة استفسر عن تسجيل المواد فاانا الحين رايحه على سنه ثانيه وماادري كيف لافتحت نظام البانر وبأسمي يطلع اشياء غريبه ماادري وش اسوي ؟؟
او وشو المواد اللي اسجلها احس اني ضايعه وان شاء الله مايكون فاتني شي..؟؟

[اورجوان]

حاليا النسبة الموزنة للقبول في كلية الطب لآخر دفعة أصبحت 87.88% ..
سؤالي هل هذه الدفعة وي الدفعة 5 هي آخر دفعة تقريبا ولن تقل النسبة الموزونة مستقبلا في الدفعات القادمة لو كان هناك دفعات ...؟؟؟
يعني مافي أمل تكون النسبة الموزونة 86.56%؟؟؟
أجيبوني بارك الله فيكم وعذرا على الإزعاج

لما يحتاجون طالبات جدد, او لما ينسحبون طالبات من المقبولات => يختارون جدد من الي نسبهم اقل

و الله اعلم ما اذا فيه امل انهم يوصلون 86.56 او لا

الله يوفقك ان شاء الله

السلام عليكم ورحمة الله..
لو سمحتوا انا حابة استفسر عن تسجيل المواد فاانا الحين رايحه على سنه ثانيه وماادري كيف لافتحت نظام البانر وبأسمي يطلع اشياء غريبه ماادري وش اسوي ؟؟
او وشو المواد اللي اسجلها احس اني ضايعه وان شاء الله مايكون فاتني شي..؟؟

و عليكم السلام و رحمة الله و بركاته

أختي ,, التسجيل و تأكيد التسجيل راح يكونون بنهاية رمضان تقريبا

حاليا غير مسموح بالتسجيل لأي حد فعلشان كذا تطلع لك اشياء غريبة مثل ما تقولين

:mh19: المواد الي تسجلينها عزيزتي لازم تاخذين لها ارقام السي ار ان ,, دقي على حد من زميلاتك لانه اكيد الارقام عندهم :mh19: مواد سنة ثانية كثيرة من ضمنها " تشريح , وظائف اعضاء , كيمياء حيوية , علم انسجة و مواد دين و علم الجنين و مقدمة في الصحة الشاملة , :mh19: اتمنى ما اكون نسيت شي منهم "

انتظري عزيزتي لين يحين موعد التسجيل و ان شاء الله تتسهل الامور

لا تخافين

بالتوفيق للجميع ان شاء الله

[Dr.Esraa]

مرحبا اختي ارجوان كيفك ورمضان كريم

اهلا وسهلا اختي like dream

بالنسبة للتأكيد التسجيل يبدأ بتاريخ 7\10 ،، ولدفعتنا 2009 تأكيد التسجييل بيكون يوم الثلاثاء 10\10 ،، لكن احنا سجلنا المواد من زمان وباقي بس التأكيد ،، عالعموم اول مايفتح التسجيل راح يحطوا الارقام المرجعية للشعب ( crn ) ،،،، واذا كنتي من المجموعة الاولى ( شعبة 60 ) قولي لي عشان اعطيك الارقام