اللي انقبلت حاسب بعلوم الدمام تدخل!!!

[خفايا روح]

على حسب بعد الكلية عن بيتكم وزحمة الشوارع.. تقدرين تروحين وقت ماتبين المهم قبل ثمان.. لان ثمان بالضبط تقفل البوابة ويصير لازم تدخلين من بوابة الامن وهناكيسوون تحقيق لازم البطاقة عشان نتأكد انك عندنا وانتم للحين ماخذتوا بطاقتكم الجامعية .. الا كان راح يتهاونون بالبداية ما أدري,. لكن الافضل انك تطلعين من بيتكم بدري.. واساس الكلية فاتحة من الساعة ست وربع أو قبل بعد

[دمع حبي ولآ دمعي]

أسوووووووووووورة حلفي عاااااااد يقفلون البوابة بوجهي الساااعة 8 أنا مافتكيت من مدرستنا اللي كل يوم مقفلين الباب بوجهي يطلعولي هالجامعة

ألحييين مو هم قالو اننا بجاااااااااااااامعة ؟؟؟ يعني ندخل ونطلع وقت مانبي


المهم .. تفاعلت مع الساعة 8 ومارديت على صديقتنا .. اعذريني يا سوكيوت ..

أتوقع اذا ماني غلطانة احنا 10 بنات أو أقل أو أكثر..

وكيييف بنعرف بعض ؟؟ والله مدري كيييف بس يمكن من اللبس اللي لحد ألحين ماجهزته ..

وأنا من الدمام <<قايلة شي جديد وبالضبط من مخطط 71 قطعة د بعد أي أوامر ثانية عمتي

وأنتي من وين ياحلوووة ..؟؟؟

[كرزه حمراء]

لا مااعتقد انهم شديدين كذا ^^

<< مع اني مره مسكوني الامن عند بوابة الكليه لاني رايحه متأخر مع اختي

يمممممممممه يخووووفوووون >_<

الموووهيم

انا ماااالي خلق اداوم

باروح بأي لبسه بكرى

<< الشنطة للحين مافضيتها عشان كذا اول شي اشوفه راح البسه :hahaha_2008:

هي بنات مين اللي راح يجتمعون الساعه 9 أي البنات بالتحديد ^^

[دمع حبي ولآ دمعي]

ايش اللي تخلص الساعة 9 و 40 دقيقة ؟؟؟ ألحييييييين بيعطونا محاظرااااااااااات متى ؟؟؟؟؟؟؟؟؟

[خفايا روح]

بنات.. راح اعطيكم نبذة عن وقت المحاضرة..شوفوا اساس الدوام على اساس فترتين أو ثلاث فترات .. الفترة الاولى عبارة عن سعتين تقريبا.. ممكن تكون محاضرة وممكن تكون محاضرتين يعني لو المحاضرة نظري راح تكون ساعتين يعني من 8 إلى 9.40 ولو كتانت محاضرتين فهذا يعني انوا المحاضرتين عبارة عن تمارين هذا بالنسبة لنا ما أدري انتم المعامل العملي تكون ساعة او ساعتين.. الان بالنسبة لنا التمارين ساعة بس.. وبالتالي لو كانت ساعة راح تكون المحاضرة الاولى من 8 إلى 8.50 والثانية من 8.50 إلى 9.40 وبعدها راحة نص ساعة إلى 10.10 .. ومن 10.10 تبدأ الفترة الثانية ونفس الشي ممكن تكون محاضرة واحدة نظري ومكن تكون محاضرتين تمارين وهي إلى 12 لو كانت ساعتين .. فهمتوا

[خفايا روح]

دمعي.. طلعتي جارتي وانا مدري انا ساكنة بمخطط 71/د

[خفايا روح]

دمعي اي في تشديد تدرين ليه؟؟ لان في بنات الله يهديهم يسوون مشاكل وكذا وحدة مسكوها جاية ولا طالعة مع شاب.. وبعدين لازم تنتبهون لتصرفاتكم لانهم شكاكين من كثر اللي يواجههم .. اذكر اول مادخلت الكلية وحدة منهم كانت تسوي جولة وقت الراحة تشيك عالوضع وانا تفاجئت فيها بوجههي وزي اللي توترت من الخرعة وهي شكت فيني فكرتني اسوي شي غلط ولا عندي شي وماابيها تشوفه وصارت كل ماشافتني زي اللي تراقبني وظلت فترة لغاية ماشافتني ماشية سيدة وما العب وبطلت حركاتهم..
يعني توقعوا منهم اي شي..

[خفايا روح]

دمعي انا ماقلت راح تاخذون محاضرات لاني ما ادري عن نظام قسمكم لكنهم عادة يبدون من اول يوم .. وبعدين محسوب عليكم وقت محاضرة يعني لو صار لجتماع ماراح يطلعون عادة قبل نهاية المحاضرة لانكم توكم جدد واكيد يبون يشرحون كل شي بالتفصيل ويعلمونكم حتى طريقة اللجداول والمحاضرات والامتحانات هذا كله ياخذ وقت عادة

[خفايا روح]

وشغلة مهمة اتوقع يحتاج انبهخ عليها اللي هي البطاقة الجامعية مهمة تحافظين عليها معاك طول الوقت وماتعطينها احد .. وبالبطاقة ممكن لو تاخرتي بجية الكلية تدخلين عادي ومحد يقول لك المهم البطاقة معاك .لان فيه بنات باقيات للاعادة ومايجون الا وقت محاضرتهم يعني يتأخرون وانا عن نفسي ايام امتحان اعمال السنة طبعا الامتحان مو كل يوم وانما يو اي ويوم لا فالبنات يجون يوم الامتحان واليوم الثاني ثلاث ارباعهم غايبين لو ماكان كلهم عشان يذاكرون مادة اليوم الثاني انا عن نفسي لا كنت اجي متأخرة لان ايام امتحان اعمال السنة وقت الامتحان من ثمان لتسع وبعدها راحة يعني اللي ماعندها سشي راح تظل فاضية إلى 9.30 وانا كنت اجي الكلية بهذا الوقت عشان مايضيع وقتي.. فطبعا كنت اجي عادي المهم بطاقتي معاي..

[كرزه حمراء]

هيي شنوو محاضرات من اول اسبوع !!


والله ماعلي منهم

انا حاطه في راسي اني بس اداوم السبت