 |
|
||||||
| مدونات الأعضاء قسم خاص يستطيع العضو انشاء مدونة خاصة به يكتب فيها مايشاء حسب قوانين الملتقى. |
 |
|
|
أدوات الموضوع |
2016- 2- 11
|
#531 |
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
_
آنصحكم بإقتناء كتاب ( صور من حياة الصحابه )  كتاب ما املّه , اقرأ فيه لي 4 شهور ومازلت ببداية الكتاب , من جممال القصص اللي فيه اقرأ القصه اكثر من مره  رجعت 1400 سنه وعشت ايام تبكي القارئ شوقاً لذاك الوقت وللرسول صلى الله عليه وسلم لايفوتكم ..  وللمؤلف سلسلة عن سيره الرسول و صور من حياة الصحابيات .. .gif "(204)") / اكثر الكتب مبيعاً كتاب ( تثريب ) , بصراحه ماشفت فيه الشي الكبير اللي يستحق بعكس كتاب ( اقوم قيلا ) لنفس المؤلف كان افضل منه رغم تحفظي على بعض مايقول يمدحون الزنزانه وش رايكم به , مابعد تهورت .gif "(107)")
|
|
|
2016- 2- 11
|
#532 |
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
__
مآيحسون اللي يسحبوني بالغصب مايبوني احبحب جدتي  كانت بالمستشفى ومنعوني ما ازورهآ وسكت .. قلت ( تكفون ياللي تشوفونه ابي شوفه ) لي فتره ماشفتهآ ويوم شفتهآ ماتمالكت نفسي .. من اول اذا دخلت بيتها اسمع ترحيبهآ  والحين الله يشفيها ويعافيهآ يارب ماتتجاوب معنآ الا قليل ايي والله ان حالها محزني كثير ويوم ابي اخفف حزني اسولف معها قالوا لي اسكتي لاتتعبينها طيب انا اتعب لا احبحب ولااسولف خلوني احب خشمه والمس كفوفه لو كان اشوفه من الجمعه الى الجمعه  / قلت لجدتي , يالنوري غاديتن بنيه ماشاء الله عليتس هنآ واحدن جاي يقول ابي نوره انتي بتوافقين ؟ قالت منهو < تسن علومها زانت مع طاري العرس  قلت من ربعتس وتاجر , قالت ماخبرت واحد من ربعي تاجر يارب تشفيهآ وتشفي كل مريض  اهداء لكل اللي يجرجروني مايبوني معها https://www.youtube.com/watch?v=NTqhbmQEEjw |
|
|
|
2016- 2- 13
|
#533 |
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
-
يقول جدي " رحمه الله " الموت في قآع الرقبه < دائما يرددها يوم دخل المستشفى وبعد شفائه كتبوا له خروج .. خلاص الرجال بعافيه وبيطلع ، وهو جالس فجأه مسك رقبته وعليها الله يرحمه .. الموت في قآع الرقبه |
|
|
|
2016- 2- 13
|
#534 |
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
-
اضحك وابتسم ترى الدنيا فانيه 
|
|
|
|
2016- 2- 13
|
#535 |
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
-
الوعد بأول شهر مارس يالله انك تتتم فرحتي .gif "(269)")
|
|
|
|
2016- 2- 13
|
#536 |
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
-
تعرفون شعور اذا تكتبون بمذكرات و تحطون الدفتر بمكان بعيد عن الأنظار ماتبون احد يقرا هبهبتكم هههههههههههههههههه ويطيحون عليه ويقرونه حسيتوا بشعور الاحراج اللي يقطعك ترليون قطعه ؟ انا كذا بعد مادخل مدونتي ابو راشد (king) رئيس المجلس بكبره  تعالوا دوروا وجهي معي ماعاد عينتّه اللي يلقاه يعلمني كان يحسبني شخصيه عقلانيه لكن الحين اتوقع تغيرت علومه مع سالفه الخرفان خلاص مت  دخل ناو من قبل وعادي ولافندر وأبو محمد ، زي اهلي يمونون بس ابو راشد ضيف جديد كان مفروض اكنس المدونه وانفضها بجلس شهر مستحيه |
|
|
|
2016- 2- 15
|
#537 |
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
انا لي 8 سنين موجعتني كلمه مكونه من عده حروف
متخيلين تعمل هوآيل  فما بالكم بكلمه تهوي بصاحبها في النار سبعين خريف  انتقوا كلماتكم بدقه واعرفوا متى تقولونها ولاترمي قلبن يحبك |
|
|
|
2016- 2- 15
|
#538 |
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
شكرا على المشاركه الوجدآنيةة .. بس ترى علومي طيبه والحمدلله , انا مااتشكوى من شي
والخوآفي ربي اعلم بحآلها والله يعيننا على مابتلانا به ويكتب اجرنا,, اليوم اسعدني خبر , وحده تسألني عن تدوينه يمكن ب 2013 او 2014 قديمه ولكنها مفيده وانا مادريت والمسكينه راحت تفر المدونه لين لقتها ياشراف القسم لقفى بي الوقت احذفوا كلامي اللي ماله داعي واتركوا المفيد  ودآعاً .. |
|
|
|
2016- 2- 17
|
#539 |
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
-
عيب العمل الجماعي انك ترتبط مع أعضاء المجموعه ويربطك الوقت ويسبب لك احراج مع زملائك احب فالعمل أحط وقت بدايه ونهايه لاني كثير التزم بالوقت وبالمواعيد والوضع اللي انا فيه الحين عشوائي ومسبب لي احراج مع البقيه ، كل شي يهون ولايجيك ضيوف وذبايح ويضيعون وقتك اكثر .. والكوم الاخر اللي ابغضه بشده اذا عندي عشا (مفطح) او معزومه ع عشا (مفطح) هنا للأسف اجامل واسوي يعنني اكل علشان الضيف  طيب خلوا عزيمتكم غدا  الرز بالليل ممنوع عندي وإذا جاملت وأكلت انام بالمستشفى واقعد أسب آليوم اللي اكلت فيه والله العافيه مايوازنها شي اذكر العام يمكن تكلمت باللي حصل لي وقتها لكن بقوله الحين  اي تعبت تعب اعوذ بالله فالبدايه اول ماتعبت عادي قايمه مع الناس بس احس بشي غريب في كل جسمي احس حتى استيعابي ماش وثقيله ومره اتنفس ومره ماتنفس اقول للي عندي انا احس بشي غريب اول مره احس فيه قالوا مافيتس الا العافيه قلت ان شاء الله وانا ع يقين بان اللي فيني مب طبيعي بديت احس بضربات قلبي  وأصوات الناس احسها داخل راسي ولاحد صدقني لين طاح الفاس بالراس الله لايعيده اول مره في حياتي احس بالإحساس الغريب  المهم اني تعالجت ولانفع معي العلاج انتكست حالتي اكثر انا خلاص أقوم واطيح ماعاد بي حيل وتعبت من وضعي مره والعلاج مانفع معي وآخر الليل زاد معي فلاشعوريا من قو التعب سجدت وقلت يارب مانفع معي علاج ولاشي وادعي يشفيني مارفعت راسي الا الالم زال اي وقالوا اللي معي مزمن ولازم علاج دايم ، وبفضل الله لامزمن ولااحتاج لعلاجاتهم المخنزه الحمدلله على العافيه والله انها شي عظيم اي بقولكم الحين اذا نحب ناس بدون سبب ونقول لهم اننا نحبكم بدون سبب ولايصدقون وش نسوي بهم هل الحب يحتاج لموقف او صدفه او عشره علشان يقع بالقلب؟ احيانا احب أشخاص من نظره تجيك الوحده وجهها سمح وينحب مثلي جعلني والله اسلم  وأحيانا بدون حتى نظره ، ياخي والله متعبني الموضوع  ابي حل وش أرد ع اللي يسال
|
|
|
|
2016- 2- 19
|
#540 |
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
-
مسصب < مساء صباح الخير كل ماقلت للناس اني عصبيه قالوا مستحيل ههههههههههههههههههه والله اني عصبيه وقشرا ولكن فيني حلم بدرجه كبيره وهالشي اكتسبته من الاشراف لو يصير شي يستفزني فالسابق الحين مايستفزني بالعكس يصير وانا اقشم واشرب شاهي ولكن بعض المواقف تجبر الواحد انه يعصب مثل الفهم الخاطئ المهم انا كل شي عادي عندي ويهون واضبط نفسي فيه الا حاجه وحده لو تنقال عندي أصير قدر ضغط ويرتفع ضغطي ولا أمسك نفسي الا وهي (الهقوه الشينه) من شخص عزيز علي لاحظوا عزيز علي يعني اللي مايعز علي ماتفرق معي وش هقى بي ونفسي تكش عنه يعني مثلا قلت والله ان اسوي كذا وكذا وقال لي انتي ؟ مهيب لحيتس خلاص أزعل وأهون .. هالصفه بابوي  يقول اللي اشوف نيته معي شينه اهمّله هالشي صار اليوم بس كان الموضوع اكبر ، ويحمد ربه ماقطعت علاقتي مع الشخص المهم كانت الهقوه شينه في الخوه والامانه عاد اذبحوني عند الامانه انتم وش رايكم بالموضوع وش ردود أفعالكم بمن يظن فيكم ظن سوء و وين الحقيقه الغايبه |
|
التعديل الأخير تم بواسطة ريمنقو ; 2016- 2- 19 الساعة 12:58 AM |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
