ي جرح من وين أبتدي =( !

[بيآض]

_


تدرون ودي أقول لكم شي وأفضفض ياعزيزيني
من صحيت اليوم وأنا أحس بشعور شوق قوي كذا مسيطر على قلبي
وعجزت أتجاهله حتى اللحين وأنا أكتب لكم معي الشعور المشكله مو هِنا المشكله
لو تدرون هالشوق لمين أقول للإختبارات لحد يعصب

جد لكن جايني هالشعور مدري يمكن عشاني أحب وقتي ينشغل بزياده
أحب شعور الإرهاق والسهر وقهوة الفجريه وكوب كوفي رايح وكوب جاي والدلع وقت الإختبارات
اللي اول ماتخلص مااشوفه

لكن زعلانه شوي إني بإذن الله بتخرج وبفقد هالشعور كله بس إن شاء الله أعوضه وأنشغل بأي شي
لو أبيع مسابيح وخواتم مو مشكله أهم شي أنشغل


وووبس


.

[بيآض]

_

وجهة نظر

:

بعيداً عن المجتمع والعينات اللي ترفع الضغط فيه بحكي عن عينه ماتعجبني
لي قروب بالواتس مع زميلات لي ومتى ماشفت نفسي فاضيه دخلته
الا اليوم وحده ترحب بي هلا بالمزه والثانيه تقول لصديقتها وينك يالوصخه
والثالثه تقول بعلمك سالفة الخروف اللي اليوم
سؤالي للبنات وش تحسون يوم تكون الفاظكم بهالطريقه يمكن البعض يشوفها شي عادي
لكن أنا أستثقلها جد من فم البنت والحمدلله ماعمرها طلعت مني ف رققو كلماتكم ياصبايا
وخلوكم بعيد عن هالمصطلحات اللي لافيها دلع ولا ادب ولا شي من هالقبيل

_ الشي الثاني إني من صحيت وخشمي يحكني ياناس مدري حساسيه والا وشو لكنه معصبني
تاركه كل شي بالحياه ومنشغله فيه .. عطوني حل



.

[بيآض]

_


لاتغلط تعاتب حد مو مهتم يسمع لك عتاب
ولا عمرك تنادي اللي لو زلزل نداك الأرض ماجاوب جواب
عز نفسك لايهينك ، داري في صدرك حنينك
مين يستاهل دموعك ، كسرتك ، عقدة جبينك


آخ توي سمعتها كلماتها جمييييله وصوته أجمل مو وقت شعور اخر الليل


.

[بيآض]

_


المفروض الجامعه يصرفون لنا بدل مساج
على مقابل هالمشروع ليل نهار ظهري ماأحس فيه من الوجع
مره منكسر خاطري على نفسي ويوم شطبت أحسب إني خلصته أضافو زيادات
وين الواحد يروح يعني


.

[بيآض]

_

:

:


لا يأتي النسيان دفعة واحدة ، بكل اغنية لك وخزة. .
بكل شتاء ، بكل زحام بكل جملة دافئة تعترض قراءاتك
بكل قصيدة رثاء تزهر فوق قلبك " لك ذكرى "

.

[بيآض]

_

:

:

سبحان الله كثران الغبار هالسنه عندنا مع إن الحمدلله ماعندي حساسيه من الجو ولا شي
بس من صحيت وأنا أعاطس وأمي تقول أكيد شاربه بارد وتهزيئ
قلت والله ماشربت شي شكلي تحسست من الجو يعني اللحين أفكر إن شاء الله لما نختبر
ويجي غبار بيعلقون إختباراتنا والا لا


.

[بيآض]

_


اللحين بقول لكم شي عني أحبه وماأحبه وهو إن كل الناس المقربه تجزم إن فيني صفة العناد
ويباس الراس وأنا أدري بهالشي بس أنكره قدامهم

مثلاً لو صحيت من النوم قلت اليوم بغير هالشي بغرفتي لازم أغيره والا ماانام الليل
وأسعى وأجاهد لكن بالأخير لازم أسوي اللي براسي ومع إحترامي لنفسي غالب الأشياء اللي أسويها
بغباء وتنعكس سلباً علي

موقف ثاني عشان تستوعبون كمية هبالي بيوم من الأيام قالت امي بننزل الخبر قلت خلاص أبي أروح الظهران
شعندك ماعندك قلت أبي أشتري فستان وش المناسبه ؟ قلت ابد بدون أكوده بالدولاب مع الموجود
طبعاً طبعي لما انضغط نفسياً وكذا أطلع حرتي بالشوبينق بحاجه وبدون حاجه ورحت الظهران ودخلت مية محل
وعادتي مااتعب احد معاي اوقف عند باب المحل واعطي المحل نظره كليه وأقرر إنه جاز او ماجاز لي مع إن أحيان لما انجبر انبش القى اشياء تعجبني شافوني اهلي كذا مطوله قالو روحي خلصي لحالك واحنا بنتقهوى وكذا ولا اخفيكم ماجاز لي شي ابد بس قلت لا قايله بشتري بشتري وادخل اول محل قدامي واخذ فستان مو عاجبني واطلع بس إسم إني شريته ويوم رحت أوريهم قالو متأكده تبينه
قلت ايه عاجبني وانا طول اليوم اجلس منكده ياربي وش هالفستان مو حلو واهاوش نفسي داخلياً
آخر شي ماقدرت اكتم شعوري قلت لهم بروح أرجعه تراه ماجاز لي ولا شي بس كذا أخذته عشان ودي اخذ شي ومافيني صبر انتظر ورحت ورجعته وتيتي تيتي زي ماروحتي جيتي

عاقله انا مو


نجي للموقف كله سلبي لكن الإيجابي إني أعترفت بصفه فيني مااحبها بس عجزت اتخلص منها


.

[بيآض]

_




الفرحَ يفقد الكثير من قيمته إن لم يكن لك من تشاركه به
والحزنَ يفقد الكثير من قسوته إن وجدت من يكون معك ..


.

[بيآض]

_

:

:

:





اللهُم راحة بال وقلب بارد كقطعة جليد أو أشدّ
اسألك شعور اللاشعور ولذة اللامبالاة ونعيم الطمأنينة في قناعه

.

[بيآض]

_

:


للحين أقول بكل ما أملك من إحساس
الحلو في مستقبلي ؟ ذكرياتي ..



.