ضع سؤالك عن الانتساب وراح تلقى جوابك

[زهووورالعشب]

للجميع ارجوكم افيدوني والله تعبت انا درست سنتين بقسم رياضيات وبعدها فصلت والحين ابي ارجع اكمل دراستي كييييييييييييييف ووين مافيه اكيد الاعن طريق الانتساب ولكن لا يوجد رياضيات ولا ابي ارجع وابدا من الصفر دلوني الله يخليكم

[المهندس9]

مشكور وفقك الله

[*مريم*]

حبيبتـي زهـور روحي لكليتكَـم وأسألي العمآدهـ وموفقهـ يآرب وان شآءاللهـ خير

[زهووورالعشب]

هاه ياطالب5 وحياة الروح والجميع الله يفرج همكم عطوني خبر ايش الحل لازم اكمل دراستي
طبعا وكليتي اللي فصلت منها ماعاد فيه امل يرجعوني ولا تقولون لي ابدي من جديد اريد فقط ان اكمل مابداته

[*مريم*]

آميـن الله يوفقنآ كلبونآ

[*مريم*]

لللآسـف احنا انتسآب مطور ولاعندنا ريآضيآت ولاكان قلت قدمي معادلهـ وحيآكِ معنا ربي يفرج كربتكِ ويحلها من عندها

[meme* 3]

طيب كلمي الجامعه واسئليهم اهم را ح يريحونك ويقولون لك المطلوب منك



035895664

035895669

وبالتوفيق يارب,,

[زهووورالعشب]

الله يوفق كل من رد علي
هذا انا الحين ادق عليهم بس مااحد يرد

[حياة الرووح]

المشاركة الأصلية كتبت بواسطة زهووورالعشب

هاه ياطالب5 وحياة الروح والجميع الله يفرج همكم عطوني خبر ايش الحل لازم اكمل دراستي
طبعا وكليتي اللي فصلت منها ماعاد فيه امل يرجعوني ولا تقولون لي ابدي من جديد اريد فقط ان اكمل مابداته

حبيبتي سنين العمر ماشيه سواء درستي وبديتي من الصفر او اخترتي الجلوس في البيت


وال4 او 5 سنوات لاتستكثرينها راح تمر كأنها 4 او 5 شهور ,, اليوم احنا مستجدين وغدً خريجين والله كأني اشوف هذاك اليوم واحس انه قريب

فكري واستخيري الله وواتخذي قرارج وتوكلي على واحد احد


اما بالنسبه للتخصص ,, صح احنا ماعندنا رياضيات في نظام الانتساب لكن ماتدرين على حسب المواد اللي درستيها وعلى حسب الكليه نفسها اللي راح تنقبلين فيها

يطلبون منج السجل الاكاديمي واذا فيه مواد ممكن يعادلونها لج بيعادلونها مو مهم شنو تخصصج اكيد درستي احصاء مثلا او نحو او تحرير او عقيده او فقه او او او كل هذي تعتبر مواد عامه واحنا قاعدين ندرسها الحين



بس للعلم فقط حتى لو كان تخصص الرياضيات متوفر ,, من قوانين الجامعه انه اقصى عدد وحدات ممكن يعادلونه لج هو >> 15 وحده اي مايعادل مواد سمستر وااحد يعني 7 مواد تقريبا

يعني مافي شي اسمه خلصت سنتين وابي ادرس سنتين بس << هالشي مو موجود في النظام


فكري عدل وحلو الطموح وحلو انه الواحد يكون عنده عزيمه واصرار وتحدي حتى يصل الى اهدافه

لاتعتبرين انه السنتين اللي درستيهم في تخصص الرياضيات "سنوات ضايعه" لااا:nono:
انتي حصلتي على خبره ماشاءالله مدتها سنتين سواء اخذتي شهاده والا ما اخذتيها هذا مايمنع انج اتيحت لج فرصة دراسه سنتين لتخصص رائع وينمي الذكاء وسرعة البديهه بشكل ملحوظ << انتي محظوظه



اتمنى تفكرين وتتخذين قرارج بعد الاستخاره ونشوفج زميله لنا السمستر القادم
كما اتمنى لج التوفيق

[زهووورالعشب]

الله يخليك لكل عين ترجيك ياحياة الروح ياقمر
قسم بالله كلام يرفع المعنويات على الاخر