[ تجمع ] : الشعور اللي تجاهك غير حروف القوافي

[قعناص]

على الوعد وان كان ماجيت عادي
‏انا انتظرتك عمر . . من غير ميعاد

[قعناص]

‏"قلت لك
‏ما أبيك رغم إني أبيك
‏وقلت لك بـ انساك
‏لكن ما وعدتك
‏جيت قبلك
‏و أنا حالف ما أجيك*
‏انتظرتك .. تفتقدني
‏و افتقدتك"

[قعناص]

‏غاب فيني كل شي في غيابك
‏ مابقى إلا دمتي والحزن فيها
‏خذت فرحاتي ع شدة ركابك
‏ وانا جالس حول عينك احتريها

[قعناص]

المحبّه أنت و أنـت الغير عادي
‏من عرفتك و المشاعر مستقرّه

‏يبتسم يومي ، و يطرب بك فؤادي
‏راحتي بـ رضـاك حلّت كـل مُرّه

‏هاك قلب وهاك عين وهاك غادي
‏دلّه لـ دربك و خذ خيـره و شرّه

‏وش أبي بـ وجيه خلق الله و أنادي
‏وجهك الله خالقه طيب و مسرّه

[قعناص]

وشلون تهجرني وانا مالي على الهجر احتمال
‏وشلون تهملني وانا مانيب اطيق اهمالها

‏وشلون تقطعني بسيف البعد قطاع الوصال
‏وانا لو اقطع عرق قلبي ماقطعت اوصالها

[قعناص]

‏لا تخليني على الدنيا لحالي
‏خايفٍ يرجاك لا تترك يدينه

‏لا ذكرت غيابك المرّ وطرى لي
‏جرّ ليل الحزن في صدري ونينه

‏لا تخليني وجمر البعد صالي
‏قلبي اللي جاك لا تقطع وتينه

‏وانت تدري من بعدكم ما بقى لي
‏غير دفتر يجمع ابياتي الحزينه

[2COOL]

،'

والله انك في شرايني تمشّـى
والله ان باب الرجا عاده مسايف

مـا لح ـبك طبّ مادامه تفشّـى
في عروق اللي ورى العوج النحايف

،'

[قعناص]

عهدٍ على قلبي و يمين
‏عمري بدونك أحرقة

‏لو انتظر موتي يحين
‏موتي على حبك بقى

‏لون الهوى فيني يبين
‏بعروق دمي موثقة

‏فيني تخالطني الحنين
‏حتى شعوري تسبقه..

[قعناص]

‏من فوق قدر الناس … قدرك تعلا
‏كيف اوصلك وانت بخفوقي تمكنت
‏
‏صحيح احبك … بس ما بيدي إلا :
‏اقعد مع اي انسان ( واتخيله انت )

[قعناص]

ياللّي تمكّنت بعروقي و هيمنت
‏يا امس حاجاتي . . وحس إنتمائي !
‏أنا شبعت وجيه خلق الله ، إلاّ أنت
‏علِّمني أوصل فيك " حد إكتفائي " .!