هنـا أسـئلة الأدارة الماليـة (1) جاهزة للطبـــاعة + مع الحـــلول والحالات العلمية+ ( ومواضيع مهمه ) $تحديث جديد 3$

[Dr Jekyll]

ابان سؤال 4
الاجابة صحيحة مع الناتج
انتبه لشيء مهم في التطبيق
2*12*400000
تقسيم .1*40
الكل تحت الجذر
=1549

جرب وشوف

تحياتي

[فهد112]

الله يثيبك ماقصرت ..
وكل اللي شاركوا في الاعداد الله يجزاكم الجنة

[ديبو الشمري]

مخي قفل وش الحل
نبي شي نهائي من أسلئة السمستر الي فات
والي قبله والله أحس أنه فاض بي ومليت
من إدارة الأعمال شكلي خلاص بس هالسمستر
وأحول لأي كليه أخرى
😖😝😖😝😖😝😖😝😖😝😖😝
😲😲😲😲😲😲😲
😡😡😡😡😡

[أبان]

المشاركة الأصلية كتبت بواسطة als

الكلام هذا فاهمنه والشرح اوكي بس متى اسوي كذا ومتى اسوي كذا

ويش يقول السؤال علشان اختار مستقبلية
وأيش يقول السؤال علشان اختار حالية

هل أعرف من الرقم ولا في كلام يقوله

أول شي نبيض اللي قلنا قبل شوي بلون مختلف لأن فيه تعديل طفيف:


عندنا 6 حالات وهي :

1- القيمة المستقبلية في نهاية الاستثمار ، يعني حط فلوسه مرة وحدة و الوعد آخر مدة الاستثمار.

2- القيمة الحالية للمبلغ الناتج في نهاية الاستثمار ، يعني الدراهم اللي حصلتهن بالفقرة السابقة (في آخر الاستثمار) كم قيمتهن الحقيقية الآن ؟


3- القيمة المستقبلية في نهاية الاستثمار مع وجود دفعات سنوية (ثابته ، منتظمة) يعني كل سنة يرفع (يضيف لـ) رأس ماله بنسبة ثابتة.

4- القيمة الحالية لاستثمار يدر عوائد سنوية (ثابتة، منتظمة) يعني كل سنة تجني منه أرباح بنسبة ثابتة.


5- القيمة المستقبلية في نهاية الاستثمار مع وجود دفعات سنوية (مختلفة) يعني كل سنة يرفع (يضيف لـ) رأس ماله بقسط مختلف

6- القيمة الحالية لاستثمار يدر عوائد سنوية (مختلفة) يعني كل سنة تجني منه أرباح مختلفة عن العام الماضي



الحين نربط الحالات بالجداول :

1- القيمة المستقبلية بآخر عمر المشروع + القيمة المستقبلية لدفعات غير منتظمة = جدول 1

2- القيمة المستقبلية لدفعات منتظمة = جدول 2

3- القيمة الحالية للنقود التي سيتم تحصيلها مرة واحد في آخر المشروع + القيمة الحالية للدفعات الغير منتظمة = جدول 3

4- القيمة الحالية لدفعات منتظمة = جدول 4






نجي للأمثلة حسب أرقام الحالات في الأعلى :

1/ ما هي القيمة المستقبلية لمشروع عائده 10% و رأس ماله 30,000 و مدته 4 سنوات ؟
هذا يبي القيمة المستقبلية بنهاية المشروع ، يعني بعد 4 سنوات



2/ ما هي القيمة الحالية لمشروع عائده 10% و رأس ماله 30,000 و مدته 4 سنوات ؟
هذا يبي القيمة الحالية للمشروع اللي تبي تطلع بعد 4 سنوات



3/ يستثمر شخص مبلغ 5,000 ريال في نهاية كل عام لمدة 3 سنوات و بمعدل عائد سنوي 4% ، ما هو قيمة الاستثمار المتجمع في نهاية المدة ؟



4/ استثمار يدر تدفقات نقدية سنوية 1,000 ريال لمدة 3 سنوات ، فما هي القيمة الحالية للتدفقات النقدية إذاعملت أن معدل الخصم هو 10% ؟



5/ استثمر شخص مبلغ 200 ريال في السنة الأولى و 400 ريال في السنة الثانية و 600 ريال في السنة الثالثة ، فما هو المبلغ المتجمع في نهاية العام الثالث إذا علمت أن العائد السنوي هو 10% ؟



6/ استثمار يدر تدفقات نقدية على النحو التالي : السنة الأولى 90 ريال ، السنة الثانية 75 ريال ، السنة الثالثة 60 ريال .
ما هي القيمة الحالية للمشروع إذا علمت أن معدل الخصم هو 10%؟

[Adel A]

عندي نموذج الأخ ( فهد ) والتنسيق غير واضح وفيه أخطاء وفيه أسئلة بدون أجوبة ..

روابط الأسئلة بالتنسيق الجديد من الأخ أبان في موقع التحميل ( مهنقه ) عندي ..
لو يتفضل أي شخص يرفقها في رده أو يرفعها على أي موقع تحميل آخر ، أكون شاكر له ..

ويارجال ، تسلم الأنامل ، عز الله أنكم كفو .. كنتوا سند هذي الدفعه القوية ..

..*

[ديبو الشمري]

والله عجزت استوعب أي شي
من الماده ولا دخل راسي اي معلومه منه

[كاتمة الضيم]

كبد فزيع بعد عمري ياليت صدق نفسها لاني انحست من سؤال للحاله العلمية للجدول لخبطه ولحست مخ

[mohammedaa]

افيدونا باخر رابط لاسئله السمستر اللي راح باخر تصحيح

الرابط باول صفحه ما يفتح

[Dr Jekyll]

المشاركة الأصلية كتبت بواسطة نسيم الصبا

في حال اختلاف العوائد(المتوسط)الأفضل استخدام معامل الاختلاف

اما في حال تساوي العوائد فالأفضل استخدام الأنحراف المعياري وذلك لأن معامل الأختلاف سيعطي نفس القرار

موجود الشرح في الملزمه بالخط العريض

تأكيدا على كلامك نسيم
"
في حال تساوي العائد المتوقع من المشروعات الاستمثارية فان المخاطرة يمكن التعبير عنها بالانحراف المعياري ، اما في حالة عدم تساوي العائد المتوقع فان الاعتماد على الانحراف المعياري او التباين قد لا يكون مناسبة للحكم على مخاطر المشروع ويفضل استخدام معامل الاختلاف للمفاضلة بين المشروعات الاستثمارية

الكتاب ص 201

"

الرجاء الانتباه لهذه النقطة ولا تخربطون فيها حرام تروح الدرجة على هذا السؤال

[Ameerh..~]

من كثر الصفحآت مآدري اذا الاسئله اللي انا اخذتها هي التصحيح الاخير ولا لا
بس اللي معي التحديث الرابع اللي فيها جدول تصحيح الاخطاء
بالنسبه للسؤال 37
على اي اسآس اخترتوا ب مو المفروض يكون أ لانها تدفقآت نقديه متسآويه وبكذا نستخدم الجدول الرابع
واذا كانت غلط صححولي واذا كانت صح وانتوصححتوها ضميري مايساعدني اكتشف غلط وماقوله لكم