تجميع لكل المواضيع الخاصه بفترة الاختبارات

[&& القناص &&]

ا

قووووول حسبنا الله ونعم الوكيل على من وضع مبادي الادارة ومن وضع التحرير في نفس اليوم بالجدوال راح فيها

[البلي]

الله لايوفق نذير ومن على شاكلته وانا بعد دقيت على اخوياي وقلت سجلوا في اي جامعه غير جامعه نذير الله يقلع وجهه لو شارون اللي حاط الاسئله اتوقع ماتجي مثل صعوبه هالاسئله اه ياقلبي ياخساره المذاكره من يوم الخميس وانا عاكف على مادته عساه يمده الذهاب

[الرامي]

لا اله الا الله ... خلونا في الجاي وكفاية تحسر على مبادئ الاداره :) الله يوفقنا اجمعين

[بيآض]

إي والله ليت كل الناس مثله ربي يوفقه أول مره نكون بهالكم مبسوطين

[ابو ناصر2]

عليان .. أخو سعيدان .. من لديه كلمة موجهة إليه فليضعها هنا ..

أنا شايف الدكاترة بدو يختبرون قوة الملاحظة عندنا وقياس مدى النباهة والفطنة ..!

أنا داخل الجامعة تخصص اجتماع .. ماعلاقتي بعلم الإدارة سوى أن أحفظ وأجيب ..

لست مجبر على فهم علم الإدارة .. لدي مفاهيمي الخاصة .. تريد أن أعلمك كيفية القيادة سلم نفسك لي مدة أسبوع وسأجعلك تخرج بنظرية تنافس بها نظرية y و x

يا أخي أنا أهوى دراسة علم الإجتماع .. جيبولي أحد يعلمني علم اجتماع ويحاسبني كيفما شاء .. ناشبي في زوري ليه ..! اسأل زي الناس طيب .. ليه اللف والدوران ..

اعذروني يا جماعة ودي أفضفض .. خايف أنفجر

[الماسي نجد]

التحرير مع اني ماذاكرته زييين

الا اني حليت ما اقول حليت كل شئ


لكن ان شاء الله ناجح

اما المبادى حآآآملها حآآملهاااا

فوق ظهري طبعا موب بكرشي

هههههه

[رايح بخرايطها]

كان جنبي واحد في كل الاختبارين والله ياهو مبرشم الكتب برشمه

كل شوي مطلع البراشيم الصغيره هههههههههه

والمراقبين كاشتين

قالت له يابن الحلال الغش حرام وتبي تاكل بكره حرام


قال ناشبه لي المادتين هذي حاملهم

ويقول اختبار بكره مثله برشومه

[مسك الفيصل]

الحلبي جعل ربي يوفقك

ويسعدك قلبك على هالأسئله

[ج ـودي]

مجد طبق على نفسو نظرية X

بس مانقول الله يسامحك والله انا جاوبت نص ونص اتوقع درجه النجاح مو اكتر

بس في طالبات طلعو يقولو اكيد بيحملو الماده

والحمدلله على التحرير برد قلبي الدكتور الله يوفقه دنيا واخره

[أبو جَنىَ]

المشاركة الأصلية كتبت بواسطة شايب جامعي

بكل صراحه مادة مبادئ الادارة كانت اسئلتها صعبه ودقيقه جدا في اختياراتها المتقاربه

وعلى ما اظن ان اغلب الاسئله من خارج الملزمه او من الكتاب اللي اللي يفوق

صفحاته الــ 300 ورقه ...

انا اعتقد ان دكتور مبادئ الادارة كان يبغى يعطي نظره للكل من ضمنهم

ادارة جامعة الملك فيصل انه دكتور حازم باسئلته ... وانه لامجال لدية للتساهل

بعكس دكتور التحرير اللي جزااه الله الف خير

سهل لنا الاسئله واكثر الخيارات واضحه للجميع

والتعريفات مثل تعريف الفعل وايضا الجمل الصحيحه .. كانت كلها واضحه

مع ان دكتور التحرير كان يقدر يصعب الاسئله لان مادة التحرير مادة معقدة

لكن هنا تبين شخصية الدكتور الذي يراعي مصلحة الجميع وبين الدكتور

الذي لايراعي الا سوا مصلحته

أنت تقول على ما أظن أن الأسئله من خارج الملزمه
وأنا متأكد أنّك ما ذاكرت ولا تدري عن الملزمه !

الملزمه هي ملزمة المعتقل 65 صفحه وليست 300 ورقه
وتُباع في المكاتب المعتمده لجماعة فيصل منها تميم بالرياض

أرجع لملزمة المعتقل صفحة 44 أول باروغراف
تعريف الكارزيما

وآخر باروغراف صفحة59
إلي هو الرقيب الخارجي : Ernest & young

وهذا نصّ من الملزمة أتى في الأختبار

صفحة 59 ثاني باروغراف

الرقابة حسب موعد أجرائها :

- .....
- الرقابه المتزامنة مع التنفيذ : هي التي تركز على ما يحدث أثناء تنفيذ العمل والأنجاز
( مثل التكنلوجيّه المستخدمه في مراقبة سائقي الشاحنات ) .



وهذا على سبيل المثال لا الحصر ..


ذاكر زين وأجتهد وراعِ مصلحتك أولاً وآخراً ودع عنك الدكتور وأتهاماتك له ورشقه
بالباطل بما ليس فيه , يُعاب عليه تقارب الأجوبه من بعض ولكن لم يشّذ بأسئله
من خارج ملزمة المعتقل إلا سؤالين وأعتقد أني لم أقرأها أو نسيتها ..