[ تجمع ] : الشعور اللي تجاهك غير حروف القوافي

[2COOL]

،'



طال الكلام وكثرة الشوق تعذيب
من وين ابلقى ضو يجلى ظلامي

طال الكلام وعثرة العشق تهذيب
بين الوله والخوف يسكن غرامي

طال الهيام وقلة الوصل ترهيب
كثر الشكاوي ماحملها كلامي

طال المنام وكثرة النوم ترغيب
يمكن تجي صدفه كذا في منامي


،'

[قعناص]

من قال احبـك لا تصـدق كلامه
‏حتى تشوف من المواقف براهين

‏جــرب تشــوفه فـالزعل والملامه
‏يشري وجودك أو يبيعك على مين ؟

يابن الحلال خلونا نلقى احد يقول احبك
عشان نشوفه بالزعل
لو يبيعه في سوق الطيور

[2COOL]

،'




لقيتك على مفرق طرق والظروف تسير
حلالاه لو إني .. مقابلك من بدري

سرحت بخيالي فيك وأسهبت فالتفكير
وطلّعت كل اللي مخبّى ورى صدري


',

[قعناص]

‏لو ان ربـي خـالق الصـدر شفاف
بقول طـالع خــافقي وانت تدري
والله لو * اللي* بالاعماق* ينشاف
ماتلمح الاصـورتك وسط صدري

[قعناص]

تعال احبك واترك الناس عنّك
الناس ما تعطيك من قلبها شي

وانا عطـيتك نبض قلبي لـ أنّك
دم الوريد اللي بدونه مانا حي....

[2COOL]

،'


ما ودّي انّك تواخذني على إهمالي
أنا شعوري غريب .. وحرّتي ، حرّة

نفسيّة الشاعر .. اللي ما لها والي
تزين وتشين فـ الساعة مية مرّة

،'

[2COOL]

،'


مايصنع التاريخ من هاب الأخطار
ولا رقا في قمة المجد تايــه

ولا يعلم الانسان عن بعض الاقدار
يمكن بعد خط النهايه بدايه


،'

[2COOL]

،'



احياناً الحاجه تجيك بطول بال و قوّ حيل
واحياناً الحاجه تجي من غير لا تشقى بها

واللي حسبت حسابها حلوه ولكن مستحيل
انها تكون احلى من اللي ماحسبت حسابها


،'

[2COOL]

',


الاوادم تجتهد غير الحظيظ مبدّا
جاملينا يا الليالي المقبلات و هدّي

المعادن تختلف و الحظ جاب و ودّا
و نكبة الطيّب تجي من حظّه المتردّي

الذهب ، لو يدفنونه في الثرى ما صدّا
و الحديد الصلب لو طال الزمان يصدّي


،'

[قعناص]

باب الوصل دامك تشوفه و تبغيه
‏ تقدر تحث خطاك صوبي وتآتي