[ السنة التحضيــرية ] : هنآ الآستفسآر عن دكآتره السنه التحضيريه ~

[ندى جاسم]

اممممل ياسسين للأحصاء
دكتورة جميلة بمعنى الكلمة
تسسسهل المادة حححيل عليك للعلم اني كنت اسمع عن المادة دسمة وثقيله حيل بسس تخففها عليك بشكل جميل انصصصصصح جدأ وبقوة

[عناقيد الضياء]

صح امل ياسين خطططيره انصحححححكك وبقوة بعد

اول ما اخذتها قلت بحملها وكذا

بعدين نجحت فيها من اول مره الحمدالله

[ندى جاسم]

لا لا لا لاا لا لا لا لا لا وبقوةةة لا تاخذينها أبدأأأأأأأأأأً

أمل الطعيمي

[فطوشكا]

انا أخذت 1- الأحصاء عن دكتورة سودانية نجلاء الزين
اسألتها سهلة بس انا ما كنت افهم شرحها لأنو باللهجة السودانية
بس عروضها تفهم مره وتساعد وتعطي درجات
2- نحو تطبيقي 1 نصيحة لحد ياخذ عند صفاء الغنيم مابي اشرح معاناتي مع ذيك الأنسانه
3- مهارات التعلم والتفكير اسماء عبدالقادر حلووه مره
4- تلاوة وتجويد و 5- فقة السيرة انا اخذتو عند زهراء القحطاني هادية تشرح من قلب وتعطي درجات
6- القراءة والمحادثة عفاف العتيق زينة بس تتفلسف كثير الله يهديها
7- انجليزي عام اخذتو عند ياسمين حداد يعني زوينه بس مش بالزاف
8- تذوق أدبي عند دكتور سلامة علي شرحه حلو مرره وعطانا درجات بالهبل الله يجزآه الجنة
9- علم اجتماع فاطمة الموسى نصيحة لحد ياخذ عندها ميتة وماتشرح زين وكل شي على البنات واخر شي تخسف فينا !
10- صحة ولياقة ايات الشرع مسكينة مره وهادية وزوينه وتعطي درجات
11- النظام الاجتماعي قماشة العتيبي ثقيلة دم شوي واسئلتها من العيار الثقيل ولكن الحمدالله عديت
12- تقنية المعلومات عند دكتورة تونسية اسمها منى النفزي او شي زي كذا
مره تجنن او جمانة القضاة حلوه بعد
13- برامج الحاسب ايمان العمري زوينه بس النهائي حقها غبي مره وصعب وخربطتنا كثير
14- التحرير العربي حنان الحارثي زوينه وطيبة مره
15- مبادئ ادارة مصرية امل اتوقع اسمها الزبدة اسم ابوها عبدالفتاح اذكر

هآذي كانت تجربتي مع الدكاترة في السنة التحضيرية الحمدالله ولآ مادة حملتها
بس باقي لي من السمستر الثاني 3 مواد انا ما اخذتها وباخذها بأذن الله بعدين ..

[r_zo]

تذوق ادبي اخذته عند حصه الدوسري ، شرحها مرا حلو انصحكم فيهاا وبشده
2- مبادى الأداره اخذته عند امل عبد الفتاح ، حلو شرحها تشرح بعدين تئشر المهم وتخفف من الماده
3- مهارات التعلم اسماء عبد السلام شرحهاا حلو ماعليه كلام

:

وانصحكم اذا الماده دسمه وصعبه افضل تاخذونها عند دكتوره مش دكتور
علشان كل مساعده تقدرين توصلين لها بسهوله

[r_zo]

المشاركة الأصلية كتبت بواسطة saroonh

وش افضل دكتورة لبرامج الحاسب المكتبية

مها القاضي او عذاري الراجحي

[r_zo]

المشاركة الأصلية كتبت بواسطة زهرة 99

وش رايكم بالدكتورة حصة الدوسري تدرس مادة تذوق ادبي؟؟

لاتترددي ابد عند حصه الدوسري

[Af.1995]

تجربتي مع الدكاتره في هذا السمستر ..

اخذت هالسمستر 5 مواد فقط عشان اقدر ارفع معدلي و الحمدلله قدرت ارفعه من 2.68 إلى 3،18 *الحمدلله*

المادة الاولى ؛ برامج الحاسب المكتبية (عملي) المادة جدًا سهلة يبي لها تركيز شوي وكل محاضره تحضرينها و تشوف الدكتوره تطبيقك عليها درجتين + 10 درجات مشروع عرض بوربوينت + 30 اختبار الميد تيرم و الفاينل من 50 (الاختبار موضوعي و عملي) . اخذته عند الدكتورة اللطيفة *مها القاضي ، دكتوره مره كويسه و شرحها كويس .. جبت فيها a

المادة الثانية ؛ مبادئ ادارة ، المادة سهلة جدًا لكن شوي معلوماتها كثيره بالرغم انهم يحددون بس سهلة جدًا ، 25 اختبار الميد + 25 على عرض بوربوينت و شرح و طباعة العرض و تسليمه الفاينل من 50 و الاختبار موضوعي ، اخذته عند د.نبيلة العمري كويسه بس تعطي ملاحظات كثير للبنات اللي يتكلمون و تطلعنا بدري .. اخذت فيها b+

المادة الثالثة ؛ مهارات التعلم و التفكير ، مادة دسمة شوي معلوماتها و فهمها كثير صعبة شوي بالنسبة لي كون اني ما كنت استوعب زين في الكلاس لانه كنا تقريبًا 50 طالبة في الكلاس و كلاس صغير و الدكتورة تطول بزيادة في الشرح و تجلس إلى اخر شيء ، اخذته عند د.اسماء اممم يعني تقدرون تقولون شوي كويسه تدخل الكلاس 12 و عشر نبدا محاضرة 12 ونص نخلص 1 و 37 دقيقة :( و مرات 2 ، مرة تطول في الشرح -دقيقة بالنسبة للبحوث و التكاليف-عكس الدكتورة نورة اخذوها صديقاتي بالرغم انها تغيب كثير الا انهم معانا ماشين بنفس الخطة و تخلصهم بدري و دايم تتواصل ع البلاك بورد و تنزل محاضرات و يقولون متعاونة و تساعد ، 30 درجة للميد ، 10 درجات تكليف جماعي + 5 درجات واجب + 5 درجات مشاركة + 10 درجات بحث الفاينل من 40 الاختبار موضوعي .. امم تكلمت كثير عن هذي المادة .. اخذت فيها c+
المادة الرابعة ؛ تلاوة و تجويد ؛ المادة عبارة عن حفظ جزئية الملك إلى المرسلات و تلاوة جزء من القران بس ما اذكر ايش هو .. تقسيم دكتورتنا 5 درجات على عرض بوربوينت ، 25 درجة اختبار تجويد (مقالي) . 15 درجة ع الحفظ و 15 ع التلاوة ، كل سورة تلاوة او حفظ عليها 10 درجات في نهاية السمستر ال عشرات اللي جمعتيها تضربها في مدري كم و تقسمها و يطلع معدلك من 15 طبعًا المجموع من 60 الفاينل تسميع فقط و تلاوة 20 على كل واحد فيهم .. اخذته عند د.مريم مغربي امم كشرح كويسة امم العيب الوحيد فيها لو ما سمعتي بنفس الكلاس ما تسمعك مره ثانية تاخذين صفر و ايضًا و قت اختبار الفاينل طولنا كثير و احنا تاخذ كل يوم شعبة .. بعكس الدكتورة هيلة صديقتي اخذت عندها و كانت تسمع لهم بوقت ثاني للي ما تسمع و الفاينل تاخذ شعبتين و تخلصهم بدري .. بس عمومًا المادة سهلة و كل دكتورة و لها نظامها .. جبت فيها b

المادة الخامسة و الاخيرة ؛ نحو 2 .. معانتي الشديدة جدًا ، اكره النحو كثير ، نحو 2 اسهل من الاول امم الدكتورة كشرح نقدر نقول كويسة بس كدرجات صراحة ما حسيت احسها تلعب شوي بس مدري اممم كان تقسيم دكتورتنا 5 درجات مشاركة + 20 درجة اختبار ميد تيرم + 5 درجات اختبار قصير + 10 درجات للتكاليف الفردية و 10 درجات للتكاليف الجماعية ( طبعًا الاختبار القصير نكون قروبات وكل كلاس تختبر بنفس موضوع المحاضرة و مرة الاختبار يكون من درجتين مره 3 .. الخ ) توقعت ما تخيله من 5 مفروض ع الدرجات اللي نجمعها .. الاختبار الفاينل كان صعب مش نفس الميد .. *الميد و الفاينل مقالي* كنت حاطة عند د.رزان لكن غيروها إلى د.فوزية المزروع .. اخذت فيها c توقعت دي او احملها بس حمدلله عديتها ..

*بالنهاية هذا رأي الشخصي و اتمنى اكون افدتكم لو شوي و اي انتقاد في اي دكتورة يمثلني أنا ممكن تاخذين عند نفس الدكتورة اللي انتقدتها و تمشين في المادة و الحمدلله أنا شديت حيلي اكثر شيء بالفاينل و عديت المواد و لله الحمد .. بالتوفيق للكل

[نرتقي بافكارنا]

بنات بسالكم عن اميمه مغربي كيف
انجليزي عااام

[شوق الزهر]

بنات وش رايكم بسارة الفايز لنحو 1
منى الغامدي تحرير عربي
زهراء القحطاني فقة السيرة
لاني متعثرة واخاف ارد احملهم..الله يوفقها الي ترد