[ تجمع ] : الشعور اللي تجاهك غير حروف القوافي

[2COOL]

،'


لي كرامة وجه ما تقبل انصاف الشعور
ولي طموح ٍ لا لجو للبشر .. لله لجا

لا طغوا عِبادة الوقت .. و الدنيا تدور
ما حسبت حساب منهو غرق ولا نجا

اترك العالم تنافس على حب الظهور
واظهر بوجهٍ يبيّــن لو انه في دجا


،'

[قعناص]

وين أودي شوق قلبي والوله ؟
‏لو غديت بعيد عني ما أسمعك

‏تملك احساسي وفكري تشغله
‏ترحل طيوفك وفكري يجمعك

‏هاك قلبي هاك .. ليتك تقبله
‏خذ سنين العمر أو خذني معك

‏أنت تالي العمر .. وأنت أوله
‏من يقول اني نسيتك .. يخدعك

[قعناص]

النهايه طعمها مرّ والتهميش شين
‏لو يحس المبتلي بـ إنكسار المبتلا
‏.
‏المواجع كنّها القبر ما تاخذ اثنين
‏واحدٍ يدله و يسلا و واحد ما سلا
‏.
‏دوروا لي قلب يصبر ولو اشريه دين
‏غير قلبٍ صب فيه الحزن لين إمتلا
‏.
‏يعلم الله ما درى غير رب العالمين
‏أبتسم للناس وانثر دموعي فالخلا

[n0_0r]

ان كان شمسك تساومني على ظلك
‏ما عاد ابي منك لا شمس ولا فيه

‏اما تعال لقلبٍ فز لك كلك
‏و إلا اتركني ما ابي لك بالهوى جيه

[قعناص]

‏ماوحشتك ؟ روح وأسأل هـ الأماكن
كلّ ما مرّيتها .. كنّي : " غريب " !

إنت : أوّل شخص .. حبّيته ، ولكن :
كنت : آخر .. من توقّعته " يغيب " !

[قعناص]

‏لآ يغَرك لو تسليت وضَحكت
‏آفهمك حتى لو آني مَا أسمعك

‏والله إني لآ هقيت إنك ، تعَبت
‏كل قطعه في آلجسد ، تتعب معك

[2COOL]

،'


الظما درب سلكته في سبيلك
يوم الحّت رغبتي على غيابي

قلت وش تبغى و قلت ابغى دليلك
نجّني ولا تمكّن من صوابي

لا تسولف لي عن اقصى مستحيلك
انا عمري ضاع و احساسي ضبابي

،'

[2COOL]

،'

وينه اللي كل ماابعدت عن جو القصيد
يقترب مثل اقتراب الحلول المُثرية

كل يوم يقل ذكرك .. ونسيانك يزيد
ودي أطلع من هواك بنتيجة مُرضية

ان عَصَف ريح المفارق بماضيك التليد
اعتبر حالة طواريك .. حالة مُزرية

خايف ان ذابت طيوفك ذوبان الجليد
ما تمرّ بـ عزف كوبليه وبـ لحن أُغنية

،'

[2COOL]

،'


غلطتك يوم الغلا راح بـ عيونك سدى
وغلطتي أصغر بواجد من عتاب وملام

مت أنادي ولا يرد لـ نداي إلا الصدى
ومت أكثر بـ الكلام وماهي بلحية كلام

كيف من كنت لـ هبوبه تمايل وتحدى
صرت لا من هب من شرق أخذت ورحت شام

كل شي يهون من ما حصلي ماعدى
أنك تسهرني الليل و تروح وتنام

مدري ميّت قلب من طيب ولا من ردى
هقوتي أنك ما تعرف الحلال من الحرام

،'

[n0_0r]

ياغايبه ماني مثل ماتظنين
‏ما علموك أخباري ومادريتي

‏وكنت اتضايق كل ما أنِت تضيقين
‏وآستصغر الدنيا لامنك بكيتي

‏وكنتي تحبيني وكنتي تخافين
‏من وحشة دروب المفارق نسيتي

‏ودار الزمن هاللحين وينك وأنا وين
‏معقوله أخترتي الفراق وجفيتي