بعيداً عن الفلسفة والتعقيد الزآئد ~

[عَبيرْ ♥]

.
,
.

انآ أغبى مخلوقة في الكلاندر مدري التقويم اللي هو حق التواريخ

سبحآن الله مع انه كان في كل ركن معلّق في بيتنآ أبوي مآله غنى عنه

أشك ان فيه علاقة عشق بين أبوي والكلاندر مايتعامل الا فيه

وكآن أكره موقف اذا قال لي ابوي قومي شوفي كم التاريخ في الكالندر

أقوله اصبر بشوفه في اللاب توب

علشان ما اروح اتنح قدام اللوحه ساعه وأسمع كم تهزيئه وأرجع أدراجي بدون نتيجة

يلخبط عييت أفهمه وبعدين مشوار كأني أجلس أبني شوارع مهوب أدوّر لي تاريخ

أبشركم وأخيراً رتبت الاستديوآ مآبغيت

صنآعة صاروخ صآر

وش أسوّي جآيني كسل العالم كله

تبغون تشوفونه والا مايحتآج

.
,
.

[عَبيرْ ♥]

.
,
.

فيني كئآبة ..,

فيني شوق ..,,

فيني شعور متضآرب ومتناقض ..,

فجأة أبتسم وفجأة أكشّر عن أنيآبي ..,,

الريآض غيرت شخصيتي للأسوأ

وربي مآكنت كذآ أبداً أعوذبالله ..,

حتى اذا طلعت أتمشى تطلع شيآطيني تنطنط فوق رآسي وأقلب الطلعة نكد ..,

إشتقت لأختي النتفة الوحيدة وإشتقت أتضآرب معهآ ..,

إشتقت لسمرآتي في الحوش مع قططي الجميلة ..,

إشتقت لأمي وتعليقآتهآ ومحآضرآتهآ لي ..,

إشتقت لأبوي كل شوي وأنآ نآطه عنده أقوله عطني حنآن ..,

إشتقت لأخوآني واستهبالآتهم ..

شووو بني يآعآلم شووو بني



.
,
.

فضفضة قلب مشتآق

[عَبيرْ ♥]

يآرجلي رجلآه ويآرآسي رآسآه ويآ أعصآبي أعصآبآه

ياللا أجر أجر إن شآءالله

أهم شيء ان أخوي جآنآ من الشرقية ونورنآ ..,

مدري ليش أتفائل اذا شفت حد من هلي الله لايحرمني منهم

اذا جآ أبوي بتمسّك فيه تمسّك القملة في الشعرة <- قلّت التشبيهآت

يازينه زينآه أبوي أحلف وأبصم وأجزم ان محد مثله

جعلني ما أنحرم يآرب

الموهم رحت لجدّي اليوم متنوّم الله يعطيه الصحه والعآفيه ويقوّمه بالسلآمه ..,

أنآ عندي رعب من هالامور يعني اللي متنومين والمغذيآت ..,

ما أقدر أوقّف كثير على حيلي تشوفون عيوني مبحلقة في السقف علشان ماأشوف شيء

الله يشافي جميع المرضى يآرب كبآر كآنوآ والا صغآر ..,

.
,
.

بقول شيء بس معليش يعني لحد يزعل منّي <- ما أقدر ما أقدر أخلي شيء في خآطري أموت

وش الموضة اللي طايحين فيهآ ذي الفترة ( ترك المنتدى )

اللي تجيه ظروف والا يملّ والا والا .. وتمنعه من انه يدخل المنتدى الله يسهّل له دروبه

عآدي يعني ..,

وبعدين خلاص كبرنآ على حركآت أنآ بترك المنتدى ومدري وشو ..,

معليش مدري أحس انه مهوب أكبر هموم البشر منتدى ونت ومآ الى ذلك ..,

عآدي كل البشر يغيبون ويرجعون يروحون ويجون مآفيهآ شيء

هذآ حآل الدنيآ ..,

وتوته توته خلصت الحتوته

[عَبيرْ ♥]

.
,
.


أعطني النآي وغنّي .., فـ الغنى سر الوجود ..,,

وتيرآ رآم تيرآ رآم

الله الله يافيروز الفن ..,

صبآحكم فيروز

.
,
.

[عَبيرْ ♥]

.
,
.

طبعاً الحمدلله أنآ إنسآنه ما أحب أدقق في أمور غيري ولا أجلس أنبّش وأرآقب النآس ..,

آخر همّي أصلا ..,

ممكن أمر من ممر وتسألوني وش شفتي فيه بقول ( مدري ماركزت )

وحده جالسه معي تسولف ممكن أنسى وش لبسهآ بالضبط ..,

ليش ؟!

لأني ما أحب أدقق مثل غيري اللي عيونهم يبغآلهآ تفقيع

مثآل :

في إنتظآر النسآء لآزم كذآ وحدة عيونهآ مبحلقة في الخلق مآتخلّي وحدة جآلسه الا وفحصتهآ فحص بعيونهآ أعوذبالله جعلها العمى .., ليش شايفه كآئنآت غريبة مثلاً ..,

هذي النوعيه عطوهم جوآل يلعبون فيه ويسلّون نفسهم بدآل مرآقبة العآلم ..,

والنوع الثآني ..,

تكون جنبك واذا طلعتي جوآلك تقط عيونها معك في الجوآل .. خيييير إن شآءالله <- هذي أعتبرهآ أنآ وقآحه بصرآحه ..,

أستثني من كلآمي العجآيز الكبآر في السن .., لأن سبحآن الله هذآ طبعهم عآدي

حتى جدآتنآ كذآ يحبّون يراقبون بس معروف من اللي أقصدهم ..,

وجع قلّة أدب

<- عصّبت

.
,
.

[عَبيرْ ♥]

للأمآنه ودّي كذآ يعني أقدّم شيء للمنتدى

أي مكآن أستفيد منه أحب اني اترك بصمة فايدة فيه ..,

بس وش أسوّي في مخّي المتّنح شكل اجازته مطوّلة ذآ المخ النآدر

الله يقدرني وأقدر أنتج شيء حلو ..,

والله يجي منّي ترون بس مشكلتي مزآجية درجة أولي

[عَبيرْ ♥]

.
,
.

ننطلق للاستديو الجميل نصوّر لنآ صورة كذآ حلوة

.
,
.

[عَبيرْ ♥]

عــدنــــآآآآآآآآآآآآ

وهذي نتايجي يوم دخلت الاستديو علشان أجدد نشآطي شوي



.



.



.

وهذي صورة الورشة



.
,
.


وبس

هنـــآ الموضوع في قسم التصوير

إضطغوآ هنآ

[عَبيرْ ♥]

.
,
.

يآزين الروقآن والمخمخة على ( علي كآفيه ) والسوآلف مع أحلى أب في الكون

مع اني معصّبة بس يكفيني أشوف وجه هالقمر أبوي وأنسى الدنيآ باللي فيهآ ..,

الله لايحرمني منك يآ أحلى شيء في الوجود

يكره أقوله ( وشفيك ) يعصّب يقول لي تعرفين اني ما أحبهآ ..,

قلت له : بس أشوفك تفكّر ..,

قال : وش فيها اذا فكّرت ..,

قلت : شاركني وش تفكّر ممنوع تفكّر ولا تعلمني

<-- نشبة

قال لي : وانتي وش تفكرين فيه ..,

قلت : مآ أفكّر انا أقرأ في التويتر

قال لي : نفس الشيء

.
,
.

[عَبيرْ ♥]

.. اللهم إجعل همّي الآخرة ..