[ موضوع عام ] ◈| المقبلين على مستوى ثالث ~ انجليزي ~ حياكم الله |◈

[بحااااار]

اختي تغريد

استفدنا منك الكثير

الف شكر لك

ولا خلا ولا عدم



..

[صمت شاعر]

يعطيك العافية ياليت تنزلين لنا موضوع يحتوي على اسماء المواد مع اسماء الدكاترة مع يوم الاختبار لانا بمستوى ثاني انضغطت مرة اخذت 9 مواد بس الحمد الله كلها سهله عدا الاحصاء علشان قبل اسجل المواد اكون عارفة ايش اختار

[سارا 99]

انا مأجله الاحصاء واحس مالي نيه اخذه :/
بس وراي وراي
في لها يوم فاضي تنصحين انزلها والا لا ؟؟
يقولون بغيرون دكتورها هالترم
او انزل قضاياا معاصره من مستوى خامس ؟؟

ويعطيج الف عافيه ياتغريد ع المجهود الروعه
يجعله ربي في موازين اعمالج والجميع يارب =)

[taghreed.Alotaibi]

المشاركة الأصلية كتبت بواسطة الشريف.

السلام عليكم ورحمه لله وبركاته مسائكم معطر بريحه الصداقه والمحبه في الله تعالي اولا اشكر حبيبتنا تغريد ربي يسعدك ويفتح ابواب السعاده والرضا فوحهك وانسا كلللللللللللللل اخبابي في هالملتقي الرائع ثانيا انا ابي مشورتكم انا فاللغه لكم علي مو ذاك الزود بس عندي اجتهاد ابدا من بدايه الترم وابدبمذاكره فعليه لاني جربتها فالمستوا اللي راح والحمدلله احس اني حليت زين في معظم المواد بستثناء الماده اللي الكل تجزع منها الاحصاء بالعلم اني حفظت كلللللللل حرف فالملزمه ومريت ع الكتاب لكن قدر الله وماشاء فعل الشي الثاني وهو المهم فيه بعض الاخوات والاخوان الله يهديهم يفتون بلامايعلمون يجون الضعيفين امثالي ومترددين فالتخصص ويجيك انواااااع الترهيب ويشترطون وجود خلفيه ممتازه عن اللغه او داخله دوره او معي مدرسه او او او او او والله ما اخفيكم اني خفت وفكرت احول لتخصص ثاني لكن ثبت نفسي ولازااال في خاطري ترردد علي هذا التخصص عشان كذا انا اسال ينفع اني اغوص معاكم في هذا التخصص بقدراتي المتواضعه وهي اني احتهد من بدايه الترم واحاول بطرق شتي البحث عن المعلومه اللي اجهلها وااااااسفه جدا علي الاطاله لكن نصيحه مني اللي عنده امكانيات خارقه يراعي غيره اللي امكانياتهم متواضعه امثالي وفيه غيري الكثير وشكررررا :)

وعليكم السلام ورحمة الله وبركاته
حياكِ الله

جميل انك تثقين بقدراتك وتثبتين لغيرك انك قدها بـ هالشي
مو ضروري تكون خلفيتك ذاك الزود بالانجليزي و لا يحتاج لا دوره ولا شيء !
انتي جالسه تستكشفين هاللغة لسه وتدرسينها دراسه صح
من كل النواحي , سواء قراءة ولا كتابة ولا حوار .. الافضل بما انك تميلين لتعلم الانجليزية استمري
وربي يوفقك ويسدد خطاك ويسهل عليك كل عسير .

المشاركة الأصلية كتبت بواسطة أشراقة أمل 2

أالسلام عليكم ورحمة الله وبركاته
أوﻻ شكرأ لك اخت تغريد على كل جهودك في المنتدى
أنا أخذت فكرة عامه من موضوعاتك عن مواد المستوى الثالث
وأنا شاء الله راح انزلها كلها لكن ايش المادة الممكن انزالها من المستوى الرابع
صراحه متردده في تنزيل مادة الاحصاء المادة الباقية لي من مواد المستوى الثاني
ومادة حاضرة العالم الاسلامي و مدخل الى اللغويات من مواد المستوى الرابع
ايش رأيك فيهم ايش أفضل مادة منهم لاضافتها على مواد المستوى الثالث

وعليكم السلام ورحمة الله وبركاته , حياكِ الله حبيبتي
اعتقد لو بتزيدين على الجدول 3 مواد ماينفع لان بتكون اكثر من 18 ساعه
نصيحتي لك انك تاخذين الاحصاء و اللغويات بكذا يكون جدولك 18 ساعه وتمام
و المستوى الرابع بيكون 17 ساعه لا ضغط ولا شيء و بإمكانك تركزين بدراستك وتجيبين معدل ينفعك
اما بخصوص المستويات الجاية مثلا المستوى الخامس عدد ساعاته 20 فـ لازم تأجلين مادة تقدرين تأجلين مادة وتاخذينها المستوى السادس و تأجلين مادة من مستوى سادس وتاخذينها مستوى سابع
بحيث مايكون اجلتي مادة مستوى خامس لـ سابع مثلاً !
لان كل شيء متسلسل ويعتمد على اللي قبله
فـ لا تسبقين الاحداث و امشي على خطة الجامعة باضافة او حذف مادة او مادتين بالكثير
اتمنى انك فهمتي لان شرحي يلحس المخ
موفقه .

المشاركة الأصلية كتبت بواسطة Serious Smile

الله يجزاك خير أختي تغريد ما قصرتي والله بمساعدتك لنا

بالرغم من أن لديك مشاكلك الخاصه لكن أسأل الله أن يسهل عليك أمور حياتك

أبغى أخذ رايك أختي ..

أنا بالترم الثاني أجلت النحو .. وأتوقع راح أضيفها معايا بالمستوى الثالث

لكن راح تكون مع الانشاء والتعبير بنفس اليوم .. الفرق بالفترات !!!

تعتقدي انها راح تكون سهله بحكم أن النحو عدد ساعاتها ( 1 ) ؟؟

سؤالي الثاني ..

برأيك إضافة مدخل الى اللغويات لمستوى ثالث يكون حلو وتخفيف

لمستوى رابع ؟ بالعلم أن لغتي الانجليزية ممتازة وعندي خلفية كبيره عن

القواعد وما شابه ذلك !!

أتمنى أجابتك بأسرع وقت

واشكرك جززززززززيل الشكر ..

المشاركة الأصلية كتبت بواسطة راع المروه

انا مثلك بالظبط اجلت نفس المادة النحو

وننتظر الرد

حياكم الله ..

اولاً انا مثلكم اجلت النحو ولا كان عندي مشكلة اني اخذها مع الانشاء بحكم ان الاختبار بيكون بيوم واحد باختلاف الفترات
لكن ندمت اني ماعطيت المادة من وقتي ! و ركزت اكثر بالانشاء لان عدد ساعاته 3
نصيحتي لكم اذا خلفيتكم كويسه بالانجليزي ( قراءة و استماع وقواعد ايضًا ) فـ خذوا مواد 3 كاملة + النحو
و ركزوا على النحو لا تطنشون هالماده و تذاكرونها قبل الاختبار بيوم
شوفوا الشروحات لها و حاولوا تدرسونها من بدري
كذلك مواد المستوى هذا ايضًا اجتهدوا فيها
اللغويات نعم الافضل تاخذونها هالترم لان المستوى الرابع فيه اكثر من ماده عدد ساعاتها 3
و لو خليتوها لمستوى رابع مادري وش بيصير في معدلكم بصراحه
لان 3 ساعات مو لعبه كيف لو كانت اكثر من مادة !

موفقين .

المشاركة الأصلية كتبت بواسطة أمآل تُـنتظـر

سؤلل خارج عن الموضوع
الصيفي ليش بس فالاحساء!!!!
ليش مايكون في جميع المناطق؟؟؟؟؟
نفسي الاقي اجابه

اعتقد هالترم الصيفي بيكون باكثر من منطقة لكن انتظري اعلان الجامعة بهالخصوص
الى الآن مو متأكدة من هالخبر .

المشاركة الأصلية كتبت بواسطة أم الجميع

السلام عليكم

اولا اشكرك جزيل الشكر علي مشاعرك الطيبه ورغبتك بمساعدتنا الله يوفقك
اما سؤالي...
انا اجلت الاحصا لاني اكرهه و لااجد منه مفر لكن احاول تأجيله الي ان يسهل الله امره
افكر اتركه للصيف مابعد القادم اذا كان لنا عمر ان شاء الله
فرايحه انزل جميع مواد هذا المستوي واضيف لها اللغويات
ايش رايك ؟؟
علما باني ماعندي فكره عن مدي صعوبتها وتوافقها مع بقية مواد الجدول
لاني اطلعت عليه ولقيته بتواريخ شهر 2 ليش؟
واخيرا الف الف شكر ودمتي بخير

وعليكم السلام و رحمة الله
حياكِ الله يا أمنا
الاحصاء اذا بتاخذينه صيفي فهذي تعتبر خطوة كويسة لك
اللغويات اي انصحك انك تاخذينها عشان تخففين عنك بالمستويات الجاية
كذلك لا تشدين حيلك بهالمادة وتتركين مواد هالمستوى
اجتهدي من البداية عشان تحصلين لك معدل يبرد على قلبك
الجدول ان شاء الله بانزله بالتواريخ الجديدة قريب ,
موفقة .

المشاركة الأصلية كتبت بواسطة منااي

السلام عليكم جميعاا

انا مقبله على مستوى رابع الحمدلله

بما ان زواجي في نص شهر 5 والاختبارات في بدايه 7 اممممم وانتوا عارفين طبعاا

بيصير مافي وقت عندي لان توني جديده على الحياه الزوجيه ومن هالكلام

وانا مااجله مادة القراءه والمحادثه من مستوى ثاني وقراءات ومطالعات من مستوى ثالث

افكر اني اخذ القراءه والمحادثه مع 3 مواد سهله تكون من المواد العامه ومن مواد التخصص

وش تنحوني اخذ

بالرغم اني خايفه من مادتين احملها

وعليكم السلام ورحمة الله وبركاته
حياكِ الله ياعروسة
الله يتمم لك على خير ويكتب لك التوفيق والسعادة بحياتك

نصيحتي لكِ انك تأجلين هالترم .. لان مستوى رابع يبيله اجتهاد من اوله , مواد التخصص مو لعبه
وانتي اعتقد انك تبين درجات كويسه فـ عشان تريحين بالك أجلي هالترم و ابدأي الترم الجاي
ولا انك تاخذين هالترم وتندمين على درجاتك
هذي نصيحتي لك اما اذا ملزمة تكملين فـ خذي مادتين من مواد التخصص و اطلعي انتي على المواد وشوفيها عن ايش عشان تقررين بنفسك + القراءة والمحادثة و القراءات والمطالعات عشان ماتنضغطين بالمستويات الجاية ..

موفقة حبيبتي .

المشاركة الأصلية كتبت بواسطة انطلاقه

السلام عليكم
جهود واضحه تغريد تشكرين عليها جزاج الله خير
لفت نظري كلمة التعرف على الدكاتره
بصراحه علامه استفهام وتخوف من الدكتور المعاني
ما ادري من كلام اللي قريته استنتجت انه نسخه ثانيه من النجار
باختصار يصعب الاختبارات وما يراعي الاسس اللي المفروض يوضع عليها الاختبار
ما ادري في حيره وتردد اخذ مواده ولا اخليها بعدين لين الله يفرجها ويغيرونه ؟
واهم سؤال عندي بكل مستوياتنا كم ماده يدرسها ؟ وما هي ؟
بانتظار احد يشرح لي شوي عن هالدكتور

وعليكم السلام ورحمة الله وبركاته
حياكِ الله حبيبتي ..
لا تعتمدين على كلام غيرك بـ تحديد مستقبلك بحيث انك ماتاخذين مواد هالدكتور لانك سمعتي انه يصعّب الاسئلة .. انتي اجتهدي بكل المواد
تابعي مع الدكتور , حلي التمارين , حلي الواجبات لوحدك , ذاكري و راجعي المادة من بدري
و بإذن الله انا اضمن لك الـ A+ سواء بمواد الدكتور عمار المعاني او بمواد غيره
هو على الاجتهاد .. اذا اجتهدتي الله مايضيع لك تعب
انا من ناحيتي كانت تجربتي مع الاستاذ عمار الحمدلله مافيها اي صعوبة والدليل اني عديت المستوى الثاني مادة الانجليزي بدرجة حلوة مع ان الكل يشتكي من هالاختبار ويقول صعب واعرف كثير حملوا هالمادة !
الاشياء اللي صعبه عليك ليست بالضرورة صعبه على غيرك فـ مستواك محد يحدده الا انتي
نصيحتي لك اجتهدي من اول الترم
ولا راح تحصلين الا الدرجات العالية والمعدل الحلو
موفقة .

المشاركة الأصلية كتبت بواسطة dl3al7ooor

شكرا تغريد على فتح هالموضوع

حبيت أخذ رأيك بجدولي المستوى الثالث ان شاء الله
ناوية احذ المواد كلها + تجويد من المستوى الثاني
سؤالي / المستوى الرابع 20 ساعه هل بامكاني تأجيل مادة من مواده الى المستوى السابع او الثامن ولا مالها مكان بالجدول ..يعني لازم اضيفها بالمستوى الثالث ؟

العفو حبيبتي ..

حلو , التجويد سهل الحمدلله و بيرفع لك معدلك ,
اي تقدرين تأجلين مادة معينه وتاخذينها اي ترم تبين
شوفي هنا الخطة الدراسية لتخصصنا :
###
حاولي تسوين لك جدول دراسي خاص فيك .. و ترتبين موادك بحيث مايكون فيه تعارض
و ترتاحين مره وحده بدال ماتشيلين هم كل مادة ومتى تاخذينها :)
موفقة .

المشاركة الأصلية كتبت بواسطة ليالي الشوق3

انا مأجله علم اجتماع من مستوى ثاني مافي مجال اخذه فباخذ مواد مستوى ثالث كلها وبضيف عليها مدخل الى اللغويات وحاضر العالم الاسلامي

ايش رايك ؟؟؟؟

تقدرين تاخذين علم اجتماع و مدخل الى اللغويات افضل
من جهة عشان تخلصين مواد مستوى 2 , و من جهة ثانية فكري بـ ان مادة حاضر العالم سهله و راح تكون بمستوى رابع كـ تغيير لك لان مافيه الا مادتين غير التخصص اللي هي حاضر العالم الاسلامي و قواعد البيانات
موفقة .

المشاركة الأصلية كتبت بواسطة سؤال عالماشي

الحين بدا تسجيل المواد والا لسا ؟؟؟

لسه .. راح يبدأ تسجيل المواد في 25/3/1435

المشاركة الأصلية كتبت بواسطة سؤال عالماشي

اذا فيه احد بياخذ مدخل الى اللغويات
علموني اخذها معكم
محتاره اخذها والا اخذ غيرها

شوفي لك مادة من المواد اللي عدد ساعاتها 3 وخذيها مستوى 3 لو ماعندك مواد مأجلتها من مستوى ثاني او اول
عشان تخففين عنك مواد مستوى 4 فيه اكثر من مادة 3 ساعات و صعبه عليك تاخذينها كلها بترم واحد
ضغط مرة ,
موفقة .

المشاركة الأصلية كتبت بواسطة T.M.G

سؤال آخر لا هنتم ..

أقدر آخذ من مواد المستوى الرابع ؟؟

تقدر تاخذ من اي مستوى و تسجل المواد اللي تبيها .

المشاركة الأصلية كتبت بواسطة hora

تغرريد ربي يجازيك على مجهوودك الرائع

انا افكر اني اخذ هسمستر

حاضر العالم الاسلامي
قراءة ومطالعات
استماع وستيعاب
التركيب اللغوي
انشاء وتعبير
اتصالات ونترنت

ومادة الاخلاق اخذتها في سمستر ثاني جدولي يضبط كذا ولا يبي له اضافات وعدد الساعات كذا تصير 15 ساعه يحتاج اني اضيف مواد اكثر من رابع ولا ..؟!

ويجزاكِ بالمثل

حلو جدولك
الافضل خذي لك مادة من مستوى رابع عدد ساعاتها 3 عشان تخففين عنك بالمستويات الجاية :) ,
موفقة .

المشاركة الأصلية كتبت بواسطة ليالــ k.s.a ـي

السلام عليكم ورحمة الله وبركاته

ماشاء الله منورين وعساه دوم هالهمه يارب
الله يجزاك كل خير تغريد على المساعدة والتعاون .... بالنسبه لي هذا جدولي وان شاء الله يكون مخططي صح

قراءة ومطالعات
استماع واستيعاب
انشاء وتعبير
اتصالات وانترنت
اخلاق اسلاميه
التركيب اللغوي

وانا مآجله النحو وراح اضيفه وباخذ من رابع مادة اللغويات .
وبكذا يكون عندي تقريبا 17 ساعة .

وربي يوفقنا وييسر امورنا

وعليكم السلام ورحمة الله وبركاته
حياكِ الله
جدولك
ومخططه صح
موفقة عزيزتي .

المشاركة الأصلية كتبت بواسطة راع المروه

مادة النحو اذا اخذناها بيصير معها مادة ثانيه

مادتين في يوم واحد صعبه شوي

لا مو صعبه اذا نظمت وقتك بحيث تخلص مذاكرة قبل الاختبارات باسبوع و قبل الاختبار بيوم تبدأ تراجع و تركز على الاشياء المهمة

المشاركة الأصلية كتبت بواسطة طموح وامل

اول شيء باقولك ترئ كنت أذاكر التذوق وأدعي لك عالملزمة لأنك انتجتيها واختصرتي لنا الله يسعدك دنيا واخرة ويبارك لك بكل خطوة تخطينها ويحقق لك كل امانيك
ثاني شيء بسالك بما انك مستوى رابع تنصحين نأخذ مواد مستوى ثالث كامله ونضيف من الرابع ولا نبقي عليها وبس علما بان معنا مادة من مستوى ثاني

الله يسعدكِ
اذا عندك مادة من مستوى ثاني الافضل تاخذينها مع مواد مستوى 3 و لو عندك امكانية تزيدين مادة خذي من مستوى رابع مادة تكون 3 ساعات ..
موفقة .

المشاركة الأصلية كتبت بواسطة Ana sasaa

تغريد حبيبتي ربي يسعدكك يسهلكك اممرك زي م سهلتي امورنا يآربي ويحرم وجهكك من النآر يآرب <3

بس حآببهه اقولكك اني انا م اخدت مادة التلاوه والتجويد من السمستر اللي فات ؟

آخددههآ دححييين ؟؟؟ ربي يسهلك

آمين حبيبتي وياكِ ان شاء الله
اي الافضل تاخذينها والتجويد سهل الحمدلله
موفقة .

المشاركة الأصلية كتبت بواسطة صمت شاعر

يعطيك العافية ياليت تنزلين لنا موضوع يحتوي على اسماء المواد مع اسماء الدكاترة مع يوم الاختبار لانا بمستوى ثاني انضغطت مرة اخذت 9 مواد بس الحمد الله كلها سهله عدا الاحصاء علشان قبل اسجل المواد اكون عارفة ايش اختار

ان شاء الله بعد ماتنزل المواد في النظام وتبدأ الدراسة انزل لكم كل شيء تحتاجونه عشان اتأكد بس من الدكاتره .

المشاركة الأصلية كتبت بواسطة سارا 99

انا مأجله الاحصاء واحس مالي نيه اخذه :/
بس وراي وراي
في لها يوم فاضي تنصحين انزلها والا لا ؟؟
يقولون بغيرون دكتورها هالترم
او انزل قضاياا معاصره من مستوى خامس ؟؟

ويعطيج الف عافيه ياتغريد ع المجهود الروعه
يجعله ربي في موازين اعمالج والجميع يارب =)

قلتيها انتي وراك وراك ..
خذيها هالترم وتابع مع الدكتور و ادرسيها من بدري
و خذي مواد 3 كاملة
هالمواد اللي غير عن التخصص ما انصحك تاخذينها
لانها من المواد اللي بتكون سهله عليك بعدين و مع مواد التخصص بيكون عندك على الاقل مادة مختلفه عن الانجليزي ..
الله يعافيكِ و موفقة .




-


اخيرًا هذي تعتبر نصائح لكم
وانا مثلكم افيد واستفيد من الطلاب والطالبات اللي سبقوني
اتمنى اني كفيت و وفيت
و اعتذر للي مارديت عليهم لو كان فيه احد مارديت عليه

ربي يوفقكم .

[SALEH ALOTAIBI]

أفكر أسجل كل مواد ثالث بالإضافة إلى مدخل إلى اللغويات وقواعد البيانات وبكذا يكون عندي18 ساعة بالتمام

ومباديء الاحصاء راح أخذها صيفي.

أيش رأي من سبقونا؟

[taghreed.Alotaibi]

المشاركة الأصلية كتبت بواسطة saleh alotaibi

أفكر أسجل كل مواد ثالث بالإضافة إلى مدخل إلى اللغويات وقواعد البيانات وبكذا يكون عندي18 ساعة بالتمام

ومباديء الاحصاء راح أخذها صيفي.

أيش رأي من سبقونا؟

اذا ناوي تاخذ مادتين الافضل تاخذ ماده اسهل من قواعد البيانات
اخذ حاضر العالم الاسلامي
نفس عدد الساعات بتكون ..

[Manar Aseeri]

اول شيء يعطيك العافيه حبيبتي
ثاني شيء ممكن نبذه عن المواد اللي بناخذها و ثاني شيء كم عدد الساعات اللي مسموحه لنا
هي 18 ساعه مثل السمستر الثاني او لا ؟
و غير كذا انا حملت العقيده قلت بنزلها الترم هذا هي ومادة النحو التطبيقي 2 مع المواد حقت الخطة الاساسيه
وش رايك ؟!
و اشكرك مرة ثانيه

[taghreed.Alotaibi]

المشاركة الأصلية كتبت بواسطة Manar Aseeri

اول شيء يعطيك العافيه حبيبتي
ثاني شيء ممكن نبذه عن المواد اللي بناخذها و ثاني شيء كم عدد الساعات اللي مسموحه لنا
هي 18 ساعه مثل السمستر الثاني او لا ؟
و اشكرك مرة ثانيه

الله يعافيكِ
هنا توصيف لكل مقررات التخصص : ###
و عدد الساعات اقصى حد 18 ساعة ومافي مجال تتجاوزينها .

[Manar Aseeri]

و غير كذا انا حملت العقيده قلت بنزلها الترم هذا هي ومادة النحو التطبيقي 2 مع المواد حقت الخطة الاساسيه
وش رايك ؟!

[taghreed.Alotaibi]

المشاركة الأصلية كتبت بواسطة Manar Aseeri

و غير كذا انا حملت العقيده قلت بنزلها الترم هذا هي ومادة النحو التطبيقي 2 مع المواد حقت الخطة الاساسيه
وش رايك ؟!

اي ينفع وتصير عندك عدد الساعات 16 لان اعتقد العقيدة ساعتين والنحو ساعة
موفقة