رفع شكوى إلى وزير التعليم عزام الدخيل

[عادل بن عبدالله]

لا تجيب طاري الشكاوى خارج الجامعة يزعلون عليك الطلاب!!

أنا سبق أرسلت للعميد أطلب منه إما العدل وإحقاق الحق في رصد الأعمال الفصلية وتتحمل الجامعة نتائج أخطاءها أو إلغاء الدرجات الفصلية جملة وتفصيلا

[Turning point]

في تصوري دمج التعليم العام مع التعليم العالي سيكون له أثر في استقلالية قرارات الجامعات
وستحظى بالمزيد من الثقه .. ولن يكون هناك تدخل في الرؤيه والهدف لكل جامعه
اسوة بالجامعات العالمية التي تحظى باستقلاليه تامه ..

ولن يكون للشكوى أثر هذه قرارات بسيطة جداً .. لن يتدخل وزير فيها أبداً ..

[علمتني الحياه]

سلام عليكم ورحمة الله وبركاته
نصيحة محب آمل قبل مخاطبة الجهات الرسمية أخذ أمرين في الإعتبار

اولاً : عدم تخطي المراتب الوظيفية في الجامعة مثل عميد التعليم عن بعد وإذا لم يفي بالغرض مدير الجامعة وإذا لم يفي بالغرض وزير التعليم .
وذلك إحترام لمراتبهم العلمية والإدارية وحفظ لحقوقك في التسلسل النظامي في ما ترغب الحصول عليه.

ثانياً : في حالة طرح فكرة أو رغبة آمل عمل إستطلاع او أستفتاء جماعي لمعرفة آراء الناس من حولك ورغباتهم وهل تتفق معك ام لا وحينها يمكن الشروع بشكل رسمي في رغباتك وفيها إحترام لرغبات الآخرين وتحقيق لهدف منشود بطريقة رسمية قانونية بشكل جيد.

وشكراً

[سكايب عطـر]

ماعمري نسخت اجوبتي بالعكس اكتبها بكل امانه ولا نقصت درجه وحده مانقصوني ابد
والي ينسخون يستاهلون الي جاهم لانه ماودهم يضغطون ع كم حرف بس في السوالف عادي يعبون لك صفحه كامله بس المناقشات صعبه يحلونها

عجيب امركم انا ضد اختبار ب ١٠٠ درجة كثير راح يتورط عندكم ترم كامل حلوها اول باول مابيجيكم تعليق ولا شي في الموقع لانكم ارتحتو من همها

[ام حاتم427]

انا ضد ان الاختبار يكون 100 درجه
اخي الله يعينك على الي حصل
بس مثل ماقالو الاخوان والاخوات
الجامعه ليست عباره عن طالب واحد
وبالنسبه لي ما اعتبر 30 درجه هديه
هذي انا اجيبها بتعب في التحميل والكتابه
واحيانا احمل واتابع المحاضرات المسجله اول باول عشان اضمن الدرجه
يعني اخذها وانا مستحقتها عن جداره

بدل كلامك هذا رح للجامعه وحاجهم وطالب بدرجاتك الي ماحسبوها لك
او الافضل يجتمع كل الي خسفت درجاتهم ويطالبون فيها
عشان تكون كلمتكم اقوى
بس لا تخرق السفينه الي شايلتنا كلنا وتغرقنا عشانك مهتوي السباحه

[✶ جُمان ✶]

المشاركة الأصلية كتبت بواسطة الــغـــدراء

،،


من وجهة نظري إذا بنرفع شكوى لوزير التعليم فهناك ما هو أهم من درجات المشاركة :
طلبنا مساواة شهادة التعليم عن بعد بشهادة الإنتظام في جميع الأمتيازات الوظيفية وخاصة التعليمية

.

مع رأي أخوي أبوفهد ...
من المفترض مساواة خريج الأنتساب بالمنتظم في القبول الوظيفي
مثلا قطاع التعليم من الأنتساب <<< لايقبل الا خريج اللغة الأنجليزية
لما لايتم قبووول جميع التخصصات ..
ونصيحة اللي بيرفع للوزير الجديد تكون الصيغة مو شكوى انما بطريقة تساؤل وطلب
علها باذن الله تكووون أحرى لقبولها والتفاعل معها ورفعها للخدمة المدنية لأنه كما تعلمون القيود الوظيفية
على القبول بالوظائف التعليمية محددة من قبل وزارة الخدمة المدنية وليس وزارة التعليم ...

[منير علي]

اتفق على العرب على أن لا يتفقوا
وشكراً

[دبرها]

شكرا

[مسيرة الجاكل]

لا اويد ابداء فكرتك 30 درجه بجيبي و70 درجه اختبار افضل من اني اختبر 100 درجه

[عبيط زمانه]

المقهى اللي عنده نت قوي تقدر تجيب مثله 4g يحمل احسن مايكون واذا عندك عائق فيه الالياف الضوئيه اسرع واسرع ماتحصلهها بالمقاهي الحمدلله الوضع تمام بس كن واقعي وقل انك تجي تحمل المحاضرات وتحل الواجبات قبل الاختبار بـ 10 ايام شي طبيعي بيكون السيرفر مضغوط لانه بالالف عليه من الطلاب واحمد ربك علي 30 درجه هديه من الجامعه وبخصوص تقول ان المقاهي مايقبل منها مالوم الجامعه يروح الطالب للمقهي والا مكتبه يعطيه فلوس عشان ينزل محاضرات ويحل له الواجبات وش الفايده تسجل بالجامعه وهي ماسوت كذا الا عشان تستفيد والا بالعقل هي وش خسرانه والا بتقول مشغول كلنا موظفين وعندنا اسره وعيال بس حدث العاقل بما يعقل خلص امورك من بدري اتمنى كلامي الواقعي ماحد يزعل منه