[ المناقشات ] : رسالة لعميد جامعة الملك فيصل

[: ابو ليان :]

رايك على العين والراس

لكن لي وجهة نظر بالموضوع

انت الان تدرس بجامعة والكل يعرف ان المنتظمين طوال السنه تعب وشراء كتب وملخصات وووالخ

واحنا نجي قبل الاختبار بيوم نذاكر وننجح هذي نعمه من الله دام نقدر على النجاح يعني إلا نجيب معدل فوق 4

المجتهد طوال الـ 15 اسبوع متابع مع الدكتور لو كل اسبوع ٤ ساعات ، كيف نتساوى بهم

الوقت ؟ كل واحد عنده اشغال مافيه احد فاضي ( المسئلة تنظيم )

لكن للحياة اولويات تلاقي الجامعة آخر اولوياتنا ،إلا عند الاختبار ، وهذي مشكلتنا

كل الاختبارات حتى الان بشكل عام مقبوله ولا يوجد دكتور تعمد التعقيد قلت التجويد فيه صعوبة لكن اشوف الاغلب يقول سهله ؟ ايقنت ان المشكله مني وهو الحاصل فعلاً ماعطيت الماده حقها

الجدول ممتاز جداً المواد الصعبه يكون قبلها يوم مافيه اختبار اجل كيف لو جات مادتين باليوم ؟ علماً ان الكل يقدر ينسق الجدول من بداية تنزيل المواد

آخيراً : انا فقط اعتب على المنهج يبيله تحديث والابتعاد عن الحشو لان الحاجات عديمة الفائده كثيرة والمفيده قليله + موقع الجامعة يبيله سيرفرات قوية ونظام قوي يليق بالجامعه ؟

هذا اللي عندي واعتذر عن الاطاله

[دوسريه كفو]

عندي نحو بعده حاسب بعد انجليزي كلهن ورى بعض مابينهم فاصل وين التنظيم فالموضوع
ـ هم اللي حاطين الجدول مهو حنا ـ لحد يضغطني ويقول ماذاكرتواـ مذاكرين لدرجة اني لي ثلاث اسابيع ماشفت امي ـ يكفي اللي جاني من التذوق والتجويد
لآسقاهآ من دراسه حطتنا شرق وغرب ـ وانتوا ماعندكم كلام يواسي ماغير ماتذاكرون وحافظين الحكمه اللي تقول لكل مجتهد نصيب ـ وين يصيب وذي الاسئله الغبرا

[prensesa 22]

لوجربت أختبار الانتظام لو مادة وحدة تحل أسئلتها بيدك على الطريقة القديمة أسئلة من تحدث أو أذكر بالتفصيل
والله ماتكتب كلمة وحدة مادام شايفين شايفين أن دكاترة الانتساب مشددين علينا وأسئلتهم صعبة
الواحد أذا يبغى النحاج الحقيقي لازم يتعب ويحس بطعم النحاح ويرتب وقتة بيت مسئوليات في بيتة
وظيفتة وبين تحيق حلمة .وعلى العموم جميع الاختبارات كان من النوع السهل والمتوسط وليس الصب
لدرجة أن الطالب لايستطيع أنة يحصل 20 من 50 يكفي أن أغلبها من أسئلة قديمة أخوي الله يوفقك
بالدرجات العلى ذاكر من المحتوى وأجعل الاسئلة القديمة كمراجعة فقط وﻻ تعتمد عليها أعتماد كلي
والله ماضيعكم غيرها للاسف فية طلاب يحفظ الاسئلة حقت الاختبارات السابقة ويقول خلاص ذاكرت ومستعد.

[البروفسورة]

شكرا للتفاعل

بالنسبة لطريقة المذاكرة فضلا عدم التعميم

مو الكل يذاكر قبل الامتحان بيوم .. يوجد الاف الطلاب مو كلهم يدرسون نفس الطريقة

1- فيه ناس من اول السنه تخصص وقت تشوف فيها المحاضرات وتحضرها وتحملها وتحل المناقشات والواجب عشان ما تتراكم عليها وتشارك بملاحظات

وناس قبل بشهر تذاكر وتحمل

وناس يمكن قبل بأسبوع

كل هذا حسب كل واحد وواحده وظروفهم

وهنا ما اتكلم عن نفسي والا عن رأي شخصي لا


كل هذا ممكن تلاحظه في المنتدى وطريقة التفاعل والحرص والمتابعة والملاحظات والتعديلات اللي تجي منهم

مو بيوم انا اتكلم عن مجموعه كبيرة بالمنتدى ونستفيد منهم كثير والا كان المنتدى نايم وما يصحى الا اخر السنه ..ولكن اللي يحصل هو الضغط فقط يكون على الرسيفر اخر السنه ولكن هذا لا يعني انا ما فيه ناس تذاكر وتتابع من اول السنه

وعلى فكره شكرا لكل المتابعين من اول السنه لأن ملاحظاتهم واهتمامهم له دور كبير في كل شيء

والا لو كان الكل يذاكر قبل بيوم كان صار فيه صدمات من كل شيء


وبصراحه الكل هنا ما قصر بدون ذكر اسماء وانا عن نفسي اذا تابعت كويزات اختبارات مثبته او حملت ملازم او تابعت المنتدى ادعي لهم كلهم الله يجزاهم خير عظيم الجزاء .


حتى وقت الاختبار ومراكز الاختبار والتنظيم والاسلوب يشكرون عليه


وانا اكتب هنا وأخذ بالحسبان جميع الشرائح الموجودة في الجامعة

( العمر , المسؤولية , الموظف , الطموح , الهدف , اللي فاضي , اللي مشغول , اللي عبقري , اللي نص ونص , الهادي , العصبي , المضغوط , المرفه ) كل الانواع موجوده

وكيف ممكن الكل الكل بدون استثناء يستفيد من الدراسة والشهادة بأفضل طريقه

لانهم هم قرروا يكملوا دراستهم هم جو للجامعة بأنفسهم فأكيد ماجاء للجامعه الا عنده هدف بغض النظر عن نوع وحجم الهدف .


والله يوفقهم جميعا يارب

والله يوفق الجامعة .اللي تتعاون الناس وتعينهم على العلم .

و ان شاء الله في العلم اجر كبير.




((وَإِنَّ اللَّهَ فِي عَوْنِ الْعَبْدِ مَادَامَ الْعَبْدُ فِي عَوْنِ أَخِيهِ ))..


قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ سَتَرَ أَخَاهُ الْمُسْلِمَ ، سَتَرَهُ اللَّهُ يَوْمَ الْقِيَامَةِ ، وَمَنْ نَفَّسَ عَنْ أَخِيهِ كُرْبَةً مِنْ كُرَبِ الدُّنْيَا ، نَفَّسَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ ، وَإِنَّ اللَّهَ فِي عَوْنِ الْعَبْدِ مَادَامَ الْعَبْدُ فِي عَوْنِ أَخِيهِ " .
[

[يـــارا]

فيه ايميل للدكتور الفريدان
اتمنى طرح ارائكم عليه

يغلق ~