[ اسئلة اختبارات ] : رفع شكوى على بعض اسئلة اختبار موضوعات خاصة بالادارة

[مجنونهmeshoo]

الله يوفق الجميع وتوقعاتي الكل راح يجيب فيها درجات حلوه وبذات الي مرو على الاختبارات السابقه

[شوشو2000]

بالعكسسسسسس بيض الله وجهه دكتور مصدق والله الاسئله كانت جدا واضحه الله يسعده مثل ماسعدني اليوم ...

[أبان]

الرجال يبي يعترض وهذا رأيه و قراره بالأخير .... و النظام يكفل له حق الاعتراض

[ibrahim4444]

التعقيد في نسبتين متقاربتين 24 و 25 ٪ يعني يبي يلخبطك هههه

لاكن نقول هذا السؤال للدوافير علشان يتميزون بالنسبة هههه

[فهد ابو فيصل]

الحمدلله الأمور تمام والدكتور ماقصر

[المندوب السامي]

اخوي لك حق الاعتراض

ومن ابسط حقوقك

وايضا للجميع الحق في الدخول معك بالاعتراض او عدم الدخول

والمجال مفتوح بالخدمات الطلابية

زود الموضوع بتصويت واعرف من يريد الاعتراض معك

تعودنا كدفعه حديديه ان يكون صوتنا واحد ولكن بما يتفق عليه الغالبيه

وانا عن نفسي ساعترض معك مع اني مع الغالبية التي تقول ان الاسئله جداً سهله

ولم تخرج من المحتوى

المهم لايتحول الموضوع الى نقاشات لافائده منها نخسر بسببها اعضاء نحن بحاجه لهم

وهم بحاجه لنا

وفقكم الله

[الدكتور دافور]

عزيزي طلال .. هدي اعصابك وانا اخوك للمعلوميه الدكتور بصراحه كان مباشر في اسئلته وواضح ويوجد تكرار من الاسئله السابقه ولا نبغى نقول ان اسئلته كانت سهله علشان ما تزعل لكن اللي بس اطلع على الماده اطلاع خفيف راح ينجح ... سموك الكريم ماكله وشاربه معك سؤال المصريه .. يا عزيزي دام انه موجود في المحتوى من حق الدكتور يحط السؤال اللي يبغاه في دكاتره تجيب لك اسئله غير موجوده في المحتوى .. غير كذا معناته لو جاب لنا اسئله عن الشركات العائليه الايطاليه او الامريكيه بتقول وش دخلنا .. ومعناته اجل وش دخلنا سينج وسيمون وربعهم وش اكتشفوا .. ومعناته وش دخلنا في القائد التحويلي وخزعبلاته .. وآخرتها وش دخلنا في الماده نذاكرها .. عزيزي طلال مالنا اي حجه او سبب او حتى دليل واهي في الشكوى الا اننا نكسب ذنب فيها لاننا رفعنا شكوى من دون مبرر ولا تظن برفعك شكوى ان الدفعات القادمه راح يدعون لك يمكن تكون الدعوه عليك لانك سبب في تغيير اسلوب الدكتور من السهوله والوضوح الى الصعوبه والغموض .. قول الحمدالله اولا وآخرا ... على فكره ترى عندي 12 سؤال ما عرفت احلهم

[صآحبة طموح]

والله العظيم تضحكون وصلتوا اخر مستوى ولحد الان تعتمدون ع اسئلة الاترام الماضيه
واذا م حليتوا ركبتوا الدكتور الغلط وانتوا الصح نسيتوا ان الاعتراف ب الحق فضيله

[%كل الغلا%]

معليش مو كلما طلعنا من اختبار قلتو لنا اعتراض حنا بمستوى متقدم واشكال والوان من الابتداع بالاسئلة مرت علينا فأي كلمة وردت بالمحتوى طبيعي يجي عليها سؤال وللعلم بالنسبة المنهج كله ماورد فيه غير 4 نسب يعني مافي مجال لخبطة .

[amona33]

انا اشوف ان الدكتور ما قصر بس انا عندي ملاحظة علية في المحاضرات المباشرة قال انه ما راح يذكر علماء وحدد ان 80% الجميع راح يعرفها و 20% بتكون صعبه هذا الي فهمت منه ونفذه بالحرف الواحد