الاخوه اللي مااشتكو ... ولم يصيبهم الظلم كلمة راس

[قلاقل]

تبي الصراحه انا ماشره عليك اشره على اللي راح يرد عليك.

[Abdulaziz o.a]

المشاركة الأصلية كتبت بواسطة bny2008

الله يوفقك
اتمنى تكتب شكواك بنفسك دون النسخ واللصق ... اذا شعرت بخطـا بحق .. عندك الايقونه

لاتنتظر من احد يحرضك ... طالما انك تعرف وش صار
وهذا كل الموضوع

اولا لا ترد على الاسئله والاستفسارات اللي تبيها وتخلي اللي ما تبيها

ثانيا موضوع الشكوى الحمد لله انا كتبت الشكوى بدون نسخ ولصق ولا فيه احد كتبها لي

واذا صار هالشيء فهو من باب حاجتي لاخواني واخواتي بمساعدتي ببلوره المشكله وصياغتها .

ثالث شيء وهو الاهم : قلنالك المسائله ما تحتاج تحريض بالاساس لان اللي قام فيه الدكتور

تعدي صارخ لقوانين الجامعه اللي هي بالاساس معلنه عنها ( ونصحتك تطلع عليها ) . يمكن تستفيد

رابعا وهذا مهم برضو : اتوقع كل اللي ردو على الموضوع هذا حاولو يفهمونك شغلات معينه انت

بالاساس مو راضي تقنع نفسك فيها . او مش راضي يتجاوزها عقلك

ومن هنا تبداء تصير مشكلتك مش مشكله احد ثاني

خليك على كلامك اللي مقتنع فيه وبالتوفيق اذا لك حظ فيه

تحياتي

[بوعمشه]

اشتكينا وخلصنا وبأنتظار الرد

موضه هاليومين تبي اكشن تبي تنعرف بالمنتدي خالف تعرف

ارجو من اخواني المظلومين والمشتكين عدم الرد وصكوا الموضوع وخلوكم من هالناس اللي تطبل للدكاترة

وتصبحون علي خير

[( ابو خالد )]

المشاركة الأصلية كتبت بواسطة bny2008

مافيه تتناقض في كلامي
انا قلت انغبنت يعني حسيت بتقصيري في عدم قراءة الملزم كامله
الاسئله ١٠٠٪ من الملزمه ..

الغبن ماعمره جاء في معنى الإحساس والتقصير أو حتى الإهمال
تنغبن من شخص يعني تنظلم أو تنخدع منه

المشاركة الأصلية كتبت بواسطة bny2008

فيه نقطه مهمه اخوي ابو خالد
انا قلت ما اواطنه يعني اكرهه صح؟
لكن هل كرهي له هل يستدعي ان اظلمه واهمضه حقه

لا بد ان اكون عادل قدر المستطاع ومشاعري انا حر فيها

ارجوا انك فهمتني

انت حر في مشاعرك ولم اطالبك بكتمانها او تثبيط عزيمتك من ( الشكوى ) منها فهي ملك لك وحدك
لكن كان مجرد استغراب مني انك ( ما تواطن - تكره ) شخص ليس بينك وبينه شئ ,, بل تعتبر بأن له أفضال كثيره عليك
والمعروف ان نكران الجميل من شيم اللئام - حاشاك أخي -

[مع ـآإأند]

عزيزي المططبلَ الكبيرَ ( bny2008 ) ...
الحينِ انت تججي في البدآيةةَ تقوول ( انظلمت ولآ اوآطنههِ ) .. بعدين تججي و تدآفع عــنهِ ..!
وش تحسسَ فيهه وانت تلععب على نفسسك ..!

ودآمك الحين تقول ( الأسئلةة من الملزمةة ) و مدري ايشَ .. روح لموضوع ( الأسئلةة الخارجةة عن الملزمةةِ ) و رد هنـآكك لو انك صـآدق بكـلآمكِ .. قوول لهمم السؤآل رقمم (...) تـلآقونه في الملزمةة صفحةة كذآ (...) ....!!

و بعدين لآ تتعب نفسسك و تحـآول تسسولف كثير ي عزيزيَ ..!
لأن مـآحد سـآمع لك و 90% من طـلآب المـآدةة اششتكوآ عليههِ : )

و ركــز كيف تصيغ كـلآمك مرره ثـآنيه

[saif88]

ما الفائدة اذا الدكتور يشرح شيء ويحل مسائل ونتابع محاضراته ولا يجي منه شيء
بحجة البحث عن المعلومة والتعليم المطور هذا اسمه تشتيت وضياع وقت للطالب بحفظ أشياء كثيرة يقولها الدكتور ولا يجيء منها شيء . الدكتور ملم بأشياء كثيرة بالمادة بحكم تخصصه فيها . وإذا كل دكتور عمل نفس هذا الدكتور مستحيل أحد يتخرج من الجامعة لأننا وكل الطلبة على مستوى العالم لا يعرفون معلومات كما يعرف الدكتور بتخصصه . لو دراستنا بالجامعة كلها صحة ولياقة فقط أنا معك في هذا .

[Samson]

ما نقدر نحكم على نظام جديد بأنه أفضل الا بعد تطبيقة بكم سنه و نشوف إيجابياتة و سلبياتة, الفكرة من الأختبارات النهائية أن الطالب مستوعب للمادة و فهم المعلومات اللي تلقاها, تصعيب الأسئلة ما راح يفيد أبداً في تحسين طريقة التعليم, أو طريقة الأسئلة اللي تعتمد كثير على الحفظ مو الفهم, للأسف أكثر الدكاترة و المعلمين يعتمد على هذي النوعين من الأسئلة أو الأسئلة المياشرة المبسطة, المفروض يقسم نوعية الأسئلة على عدد الأسئلة, 50 سؤال يعطيك مثلا 20 سؤال من الواجبات و أسئلة مباشرة , 20 سؤال تعتمد على فهمك للمادة ولا تكون مباشرة ولا تكون صعبة و تكون من المنهج, 10 أسئلة يكون مستواها أعلى لكن من المنهج و يعتمد على فهم الطالب و تقريبا هذا اللي أتبعه الدكتور حسن الهجهوج, يسهل على الطلاب و يكون التركيز أكثر على الفهم, لو حبيت تجيب معدل بتجيب, اذا حبيت تعدي المادة بتعديها, لو حبيت تستفيد راح تستفيد.

أختبار الصحة نتحمل جزء من صعوبتة لكن الدكتور يتحمل الجزء الأكبر, يعني يظلم أكثر من 3000 طالب و طالبة علشان طالبة وحده أستفزتة؟

نقول ممكن راجع نفسة و عرف أن نسخ و لصق أسئلة الأعوام اللي فاتت غلط و المفروض أنه يغير الأسئلة, أو نقول تم أستفزازه و قال بصعب الأسئلة لكن لا تطلع من المنهج؟ خلي أسئلتك تعتمد على الفهم مو الحفظ, لا تظلم الناس و تاخذ دعاوي على نفسك مثل كذا.

[dafers]

أخي الكريم انا اعارضك الرأي

الغاية من العملية التعليمية هو ايصال معلومة
وليس تحديد اسئلة الاختبار

بمعنى أن الطرف الاول طالب ليس لديه معلومة
والطرف الثاني معلم لديه معلومة

ودور الجامعة هو جمع الطرفين ليحصل الطرف الأول من الطرف الثاني على المعلومة وتسهيل الادوات والوسائل لذلك

ويوجد هدف ثانوي هو تحديد مستوى ايصال تلك المعلومة للطالب الا وهو الاختبار

لذلك هنااااااك فرق كبير بين من يجعل جل همه الهدف الثانوي (طريقة وضع الاختبار)
وبين من يتميز ليتمكن من ايصال المعلومة كاملة من المصدر "المعلم" الى الطالب

من وسائل النوعية الثانوية واساليبهم القذرة تتبع الثغرات لطرح المعلومة.... كمن يأتي بسؤال ليس بالمنهج .. ثم يقول انه ذكر جواب السؤال شفهيا ... فمن كان مركز معه سيجاوب...

والهدف الاول تنموي وينمي المعرفة

ومن يتتبع الهدف الثانوي ... سينتج لنا جيل قليل المعرفة

وسؤالي هنا .... ماذا يضر الجامعة اذا تخرج الجميع بامتياز ؟؟؟ وروعيت المنهجية الصحيحة في التلقين و الامتحان

اطلت عليكم .... دمتم بود

[medo0o0]

المشاركة الأصلية كتبت بواسطة f-fatimah

كيف يعني نكون اكبر من كذا ؟؟

شوف اخوي انا بالفصل الاول لمن قررو يشتكون الطلاب على الاداره عارضتهم وقلت انو الجامعه ماراح تسوي شئ لان الدكتور ماخرجت اسئلته عن الكتاب المقرر يعني الاسئلة في حدود المنهج والجامعه راح تكون معه مو ضده والاداره مهمة في تخصصنا واهم من الصحة واللياقة وهي من الاساسيات في هذا التخصص

لكن اختبار الصحة واللياقة شئ ثاني

مادة عامة ودسمة ومتشعبة

لامراجع ثابتة

لاملزمة ثقه نقدر نعتمد عليها

اسئلة محورة بشكل كبير

اسئلة من خارج المنهج المطلوب

تخيل لو تدرس في مجال صحي وعندك مادة دين كـ مادة عامة وجاتك اسئلة الاختبار عن فتاوي واحكام محتاجة مشايخ تجاوبك عليها كيف بتكون ردة فعلك ..؟!!

بتقول انا مسلم و هذا شئ من ديني ومفروض اكون عارفه لاء طبعاً لان مو كل من جاء يكون عالم بالدين وكل شئ ومتعمق فيه

كذا كان حالنا في اختبار الصحة واللياقة

......

انا معك اختي بس وش نسوي ما قلت لكم اول الدكتور ذا ما راح يعديها على خير وراح ميقلب فينا ......!!!!!!!
حسبي الله علية المشكلة انها مادة مساندة مو اساسية .......؟؟؟ من اجل هذا التعقيد
انا قبل بداية الاختبار رح نطيت في المستوى الثالث وسالتهم عن المادة ....؟؟؟؟
تدرون وش واجه ..؟؟
كلهم يستهبلون علي يقولون ندخل المادة ولا ذاكرنا ..
حسبي الله علية
خلونا نشتكي الطلق الي ما يصيب يدوش ...؟؟

[mo7ammo]

المشاركة الأصلية كتبت بواسطة bny2008

السلام عليكم


الاخوه والاخوات هذا الموضوع خاص بالاخوه اللي يرغبون (بالتعلم) وليس فقط الحصول على شهادة ومعدل ..


حقيقه انا كنت اطالع احصائيات هل سوف تشتكي واستانس ان هناك عدد قليل ماودهم يشتكون

قلت اكتب هالموضوع لعل نظرتنا واستشرافنا للموضوع بشكل مغاير عما هو حاصل من الاخواه المشتكين
الله يوفقنا وياهم لكن كل منا له نظره مختلفه وتفكير مختلف ...

لذلك اي كلام في الاسفل مايعني المشتكين واللي في حلوقهم غصه من اختبار الصحه
نهائياً .... انا مقدر وضعهم


* اكيد انه مايخفى عليكم ان نظام التعليم المطور للانتساب الــذي ننتمي اليه
هو نظام تعليم يعتمد على نظام التلقين للطالب ، أي (محاضرة مسجله ثم مذاكرة كتاب ....
مخلص وتمارين ع اسئله تتكرر كل عام -
ثم اختبار ونجاح باقل تحصيل علمي وربما بمعدل مرتفع ورقياً ) .
وهذا شي لاباس به لمن يرغب فقط ( بالشهاده ) .

بس بعض الطلاب يبي تعلم وتطوير قدرات وامكانيات وليس فقط شهاده ومعدل.

* ولهذا السبب برز نظام اخر سوف يحيل هذا النظام التلقيني الى المتحف . وهذا اللي حاصل حتى على المستوى العالمي .

* واقصد نظام اشراك الطالب في العمليه التعليمة وتحمله مسئولية التعلم وحده
والمعلم مجرد مساعد . اي الطالب هو من يبحث عن المعلومه .

* سمعنا عن الغاء نظام التعليم المطور للانتساب
وانه سيكون تدريجياً خلال الاربع سنوات القادمه.
اللي دعاني لكتابه هالموضوع لمعرفه الفرق بين طالب التلقين(انتساب) وطالب التعلم الجديد.

وهو ان طالب التلقين اذا حصل خروج عن المنهج الذي تم تلقينه اياه ،،
او انه حصل ان الاسئله غير مطابقه لاسئله الاعوام الماضية فهذا يعني بالنسبه له
(ظلم من الدكتور يتبعها شكواى واحساس بالظلم والقهر والخ من الاحاسيس ).

وهو حقيقه مايلام لانه مبرمج على التلقين وليس على التعليم الذاتي المفترض يكون عليه .

انا ما ودي اخوض في مهاترات مع احد من اللي مااستوعبوا اللي حصل في الصحه من (د. مطر)
والتحليل الاحصائي من (د. النجار) لان لابد ان هناك مساحه محترمه لاحسان الظن بهولاء الدكاتره
ولعل مايقدمون من علم وفائده اكبر دليل على (حسن نيتهم ) وهم اقرب الى تعدد مصادر التعلم ….

تعددية مصادر التعلم يعني انه السؤال في الامتحان ليس بالضروره من نفسه المنهج ربما من منهج قريب ... المهم هو المعلومه الصحيحه وليس المنهج الملزم فيه .

وعلى فكره النجار اصبح وكيل الجامعة الالكترونيه وهو نفسه الذي وضع اسئله مادة التحليل الاحصائي .

اللي حبيت اوصل له ان كل جامعه تحرص على ان تكون مخرجاتها افضل مايكون
ومافي شي يمنع من هالجامعه ...
تعتمد مستقبلاً النظام الجديد لذا يفضل الاستعداد لاي تغيير ممكن يطرأ مستقبلا .

والله اعلم

اها وبعدين وش تبي توصل له هع ،، واضح انك ما تدرين وش السالفه وجاي تبربر بس هع
الله يصبرنا على اشكالك