[ شعر ] : الكلام الجميل ← قصائدهم

[نورة بنت فهد]

يآلبى قلبه كل مآ قآل " لبيـه "

ويالبى صوتهـ كل ما قال :لي هاهـ

بالحالتين ان ترجمت شفتهـ / إيه

أضيع من كلي وادورني ما القاهـ

يشل عقلي كل ما جيت أحاكيه

وأنسى أني أصلاً كنت في شي أبغاهـ

أذوب في حرفهـ وصوتهـ يحليه

.. واللي يجنني إذا حرّكـ إشفاه

وتعانقت من نشوة الشوق/ والتيه

وش حيلتي غير التناهيد والآهـ

يضماهـ سمعي وانتظر لين يرويه

. والمشكلهـ حتى وهو يمي أضماهـ

حُبهـ مثل طيرٍ يبي بيت يأويه

وانا ادري انهـ داخل القلب مأوآهـ

وحدهـ بقلبي دوم محدٍ يسآويه

وانا بقلبهـ طول هالعمر أملاهـ

الشوق محدٍ غير صوتهـ يدآويه

ويجذ نار الغيض فيني من اقصاهـ

صوتهـ مطر في جيتهـ في تجليه

تطفي عذوبة قطرتهـ شوق مضناهـ

صوتهـ صدى تغريد طيرٍ يغنيه

صوتهـ نسيم الصبح في طلعة ضياهـ

صوتهـ نغم تطربني رقة اغآنيه

صوتهـ عليه أدمنت ودوآي من دآهـ

صوتهـ هدير الموج لامر شآطيه

وانا بشوقي كل ما الريح وداهـ

يذهل شعورهـ مسمعي كل مدعيه

.. كني على ضفة بحر يحتري ماهـ

أرقب طيوفهـ كل ما زارني فيه

ويدق قلبي كل ما مر طرياهـ

وان حظّني وقتي بشوفهـ اداريه

عن كل مخلوقٍ يضرهـ وانا معاهـ

ما ودي حتى الشوكـ تلمس برجليه

واغار من نسمهـ / تداعب محياهـ

والود ودي وسط عيني أخليه

والحفهـ رمشي وبالعين أدفاهـ

يعيش بي حلمٍ سرقني بيديه

واعيش بهـ واقع مَلكـ كل ما جآه

لين أوصل بشوقي لحدهـ واناديه

واحاول القاني وانا ضايع وياهـ

ويرد لي من رقة إشفاهـ | لبيه

واضيع من ثاني وانا اقول لهـ هاهـ

[نورة بنت فهد]

بفاارقك ♡ حمد البريدي
بفارقك لو كان ماخترت فرقاك
بفارقك وانا في رجوا وصالك

البعد لو به خير ماكان خلاك
تقطع من عيون المحب أتصالك

ماكثرك فالصده وفا الوصل ماشواك
الكبر لله لايغرك جمالك

خليتني للبعد والبعد قساك
خلاك تنسى واحدآ قد وفالك

سليت سيف الهجر كني من أعداك
وذبحت شوق الروح شاللي جرالك

العام ماتصعب الى قلت بلقاك
واليوم من دون المواصيل هالك

مانت بردي حسبي على الوقت رداك
غير صفاك وطيبتك واعتدالك

حاولت نسيانك وعيت لنساك
لاجيت ابنسى ذيب صدري عوالك♡

لو أنك بترجع كثر ماتمناك
ماكان ذا حالي ولا ذا بحالك

كثر الجفا وآنا استغفر الله اشراك
حبك كفربي لعن ابو من صفالك

خذاك مني البعد ماعاد بقاك
لاكن على قول المثل مش حالك

تدري وش اللي يقتل الشوق ياذاك
لاني بولد عمك ولا بولد خالك

الشوق برد ودافي الوصل لقياك
وثلج الجفا خرب طريق اللقالك

علمتني حبك وعلمني انساك
لوكان من دنياي مابه بدالك

تبغي تضيق خاطري جعله فداك
ماهوب انا اللي يعاتبك في حلالك

طلبتني قلبي وأنا قلتلك جاك
والحين سو في خافقي مابدالك.
!!!


http://cdn.top4top.net/d_e43637766d0.mp3
جميل يابو عبدالله داائماااااااا♡

[نورة بنت فهد]

ألا يا وقت أضحك لي دخيلك خاطري مكسور ..
دخيلك مـابـقـى فينـي مـحـل فـيـه تطعنـي ..
تعبت أداري العالم وحزني داخلي محفور
تعبت أسمع لشكواهم ولابه منهو يسمعني ..
صبرت وقلت بتحمل ولكن ماهو بالمقدور
أخبي دمعه طاحت على جفني تجرحني ..
ابي ابكي ابي اصرخ بفجر من دموعي بحور
لان الدنيا ضاقت بي وكثر الصمت يذبحني ..
ابي احكي ابي اشكي بقول اللي ببالي يدور
أبيهم كلهم يدرون وش اللي حيل محزني ..
لي قلب امتلأ بالجرح وصار الحزن به معمور
وصدر يشتعل نيران لهبها دوم يحرقني .
وهموم مالها آخر على راسي تجي بالدور
وأمل ضايع وفرج صاير أناديله ويصد عني ..
ألا يا وقت اضحك لي دخيلك خاطري مكسور
دخيلك ما مضى يكفي ألا يا وقت ارحمني..

[نورة بنت فهد]

علامك جيت ياقلبي وراجع خاطرَك مكسور؟؟

علامك جيت ياقلبي وراجع خاطرَك مكسور؟؟
أبد لاينكسر خاطرك دامـه صاحبـي جايـر


أبي تنسى مبادئنا وتترك طبعنـا المغـرور
وأبي هالحين ترجع له.. وقلّه يطلب ويامر


وإذا جت عينك بعينه أبي تشهد شهادة زور
بأني مذنب ومخطي.. وقلبه ناسي وغافـر


وقلّه لايخليني على حزنـي أبـات شهـور
لأن الموت أشوالي وأنا من طبعي ماكابـر


ولايفكّر يقول: (انسى وغيري بالبشر مذكور)
لأني ماخبر غيره / قسـم بالله مـو خابـر


أحس اللي خلق زينه خلق باقي البشر ديكور
وأحس الورد لاشمه يميل وينثنـي شاكـر


وربي هالبشر بعده هياكل والبيـوت قبـور
ولابه شي بالدنيا يجـاري غيابـه الكافـر


حبيبي يابعد كل الحبايـب والزمـان يـدور
علامك ماتخاف الله تعال وشوفنـي وناظـر


لك الله دنيتي عقبك ظلام ٍ ماغشاهـا نـور
ألا يانور هالدنيا بعينـي وجوّهـا العاطـر


ترى قدرك بعيني صعب أحصِرْه بغلا وشعور
أبي باصبعك تشّر لي وأجيلك وقتهـا طايـر


ألا ياصاحبي القاسي بدونك هالحياة تغووور
ألا ياسبّـة جروحـي..ألا ياحظـي العاثـر


أحبك.. يامنى عمري وغيرك يمسك الطابـور
أحبك يامولّعنـي وأذوب بصوتـك الخاثـر


أنا من كثر مااحبك أحس إني معك مسحور
فديتك خلني مسحور إذا تبقى لـي الساحـر


أنا لك مثل ماودك قصيد وشاعـر وجمهـور
فداك اللي قصدته أمس واللي بَقصِده باكـر


أنا ادري فيك خابرني شجاع ولا علي قصور
ولكن لو وصل أمري بيدّك... آآه ياساتـر!!


دخيلك انتبه! لا..لا.. تمادى مع رجل مقهور
ترى قهر الرجال أكبر من اللي تحسب وفاكر


أنا حبي معك والله عفيف وطاهر ومستـور
حشا صعبه تلاقي قلب شروى قلبي الطاهر


إذا ناوي تجربني ترى وقتك معـي مهـدور
أموت بنار طغيانك.. ولاينقال لـي صابـر!


أمانه روح ياقلبي وأبي تضبط عليه الـدور
أمانه طير له تكفى وأبي هالحين ياشاطر


أبيك تحب لي راسه وتنسى طبعنا المغـرور
ترانا اثنيننـا والله بدونـه نكسـر الخاطـر