[ المناقشات ] : "جنت على نفسها براقش"

[الشريف الصعب]

اخواني واخواتي مستوى سابع في اعتقادي ان الاختبار كان فيه نوع من الصعوبة وآمل ان هذا الاختبار ما يكون فيه تأثير على تحصيلكم العلمي لبقيت المقررات المتبقية تعلمون اننا مقبلون على المراحل الاخيرة في الحصاد لدرجة البكالوريوس اجعلوا اختبار مقرر علم الاجتماع الصناعي للنسيان , نصب جل اهتمامنا في المقررات الاخرى اسال الله الكريم رب العرش العظيم لي ولكم التوفيق والسداد وفالكم التوفيق باذن الله
تحياتي لكم جميعا وفقكم الله وسدد خطاكم ,,

[مهاة الجنوب]

المشاركة الأصلية كتبت بواسطة المشعلي

السلام عليكم ورحمة الله وبركاته

دفعتي الغاليه ( مستوى سابع ) وجميع زملائي بالتعليم عن بعد " ذكور واناث .. رعاكم الله

قد اجتمعنا في هذا الملتقى وخلف الشاشات من سنوات او من اشهر لنتبادل المعلومات والمذاكره سويا" لنتجاوز كل مرحلة بمجهودنا وتعاوننا .. وبنهاية كل ترم ترسوا سفننا على شواطئ السلامه وقد بذلنا الوقت في المذاكره وانعزلنا عن الاهل والابناء والاقارب .. من اجل ان نختم اتعابنا بالنجاح بعد توفيق الله ..
لا اطيل عليكم كي لا تملوا
نتسال احيانا" ونقول لما الاسئلة بهذه الصعوبه لما الدكتور الفلاني لم يعد يدرسنا لما ولما الى ان تمضي عجلة التقدم .. لاحظت وخصوصا الترمين الماضيه وخصوصا هذا الترم تغير جذري في بعض دكاترة المواد اللذين تعودنا على اسلوبهم وطريقتهم بالاسئلة اما بانهم لن يدرسوا هذا الترم اوتم تغييرهم من المنهج .. والامر الثاني نتفاجأ بانه عند وضع الاسئلة نجد فيها من التغيير والتجديد وقد يكون فيه من الصعوبه قليلا" ونندب الدكتور واحيانا يصل الامر الى اللعن والعياذ بالله او السب والشتم ,,
الم نسأل انفسنا لماذا ؟؟ انا اجيبكم قد يكون هناك متابعين بل اكيد ان هناك متابعين لملتقانا الطيب بكم ومن السهل ذلك ..
تاتينا احيانا اسئلة قد يكون هذا اسلوب الدكتور بها وتكون فيها بعض التشابه مع الاترام الماضيه لتقارب المنهج والهدف لدى الدكتور ان يذاكر الطالب لاكن للاسف نجد في الانطباعات من الكلمات والنسخ واللصق وغيرها ما الله به عليم والمديح والدكتور في غنا عن ذلك ..
لانه من الطبيعي ان يصل الانطباع للمسؤلين فهذا مايحصل ..(جنت على نفسها براقش) ,,
الاولى اخي واختي ان تحمد الله على انك اديت الاختبارات وانت في احسن حال .. وان كان الاختبار جيد تحمد الله وتثني للدكتور بالدعاء الطيب لانك بكلماتك ( نسخ, لصق)قد يجد منها امرا" في عمله ,, وان كان الاختبار فيه شيئا" من الصعوبه وهذا الامر يعتمد حقيقتا" على مذاكرة الطالب فقل الحمد لله على كل حال وماكتب الله لك شيئا فاعلم انه خيرا" لك ,,

اتمنى ان تكون رسالتي وصلت وفهمت لاني لست باعلمكم ولا ادلكم .. فما ضركم ضرني وما سركم سرني ,,نحن اخوة واخوات نجتمع ولا نريد ان نذكر احدا الا بخير وستكون هذه الايام ذكرى نبتسم لها رغم مرارتها ,, :s_45:

اخوكم ومحبكم المشعلي ,,

بصراحة من زمان وهذا شيء رافع ضغطِ وبذات الحركات الطفوليه في المحاضرات المباشره لاكن مقدر أقول شي لن ماني وكيلة آدم على ذريته وعلى قولت شيبانا كلن برشده يعيش وربي ماعد حضرت اي محاضره مباشره صرت استحي لهم بس استودعت الله في كل شيء اخشى فقدانه واشكركم على التنبيه فهذا يدل على ايجابيتكم 😔😔😔

[SOZA]

زبدة الموضوع وآخر منتهاه اتقوا شر الحليم آليا غضب
جاء من فرنسا جاء من برلين
يمشي علي سياسة الجامعه
نصبر ونشوف وش بيصر باقي الاختبارات

😆😊

[أم جسار]

الحمد لله على كل حال الله يسامحه

[بو ضيدان]

كلامك عين الصواب
استاذ يالمشعلي
كلام حكيم من حكيم

الله يجزاك خير

[بو ضيدان]

المشاركة الأصلية كتبت بواسطة aalabdulwahed

بيض الله وجهك يالمشعلي وصح لسانك ياكبيررررررررررررر
وزيادة على كلامك

الدكتور اول ماجاء السعودية له سنتين وقرر السنه الجايه انه يغادر .. والسبب انه كان مستاء جدا من طريقة تعليمنا ومناهجنا ..

كون انه دكتور تونسي مثقف جدا ودارس كله حياته بفرنسا وفوق هذا مؤلف كتب اجتماعية باللغة الفرنسية وعديده وله حوارات على القنوات العربية في موضوعات اجتماعية ..

لدرجة انه قال في بلادهم يتعلمو من مرحلة المتوسط في الاختبارات انه يكتب الأجوبة بمقال سسيولوجي وذكر ان الطالب لمن يوصل مرحلته الجامعية يستطيع بسبب التاسيس الصحيح على كتابة المقال ابشكله الصحيح بدون تعب ... ولمن تعاقد مع الجامعه وشاف نظام تعليمنا والاسئله الموضوعية انصدم وقال ان هذا مايعتبر اختبار هذا لعب على العقول وانها طريقة تهدم العقول و لاتساعد على تنمية التعبير الحر وطريقة الربط بين المواضيع وعمل المقارانات الخ..

طيب بما انه له سنتين وين مادرس هالماده الا هالسمستر

متاكد انت عبدالوهاب له سنتين

[عبقور]

جزاك الله خير المشعلي ماقصرت وفيت وكفيت
وكلامك كله صح
عاد انا ودي بصراحه الملتقى يسوي باسوورد للاعضاء عشان الدكاتره مايشوفون كلامنا وتحلطمنا هههههههههههههههههه
وانا اتفق مع الفيصل انو احنا مانعطي الماده حقها ولكن ماانكر الصعوبه المقصوده ف طرح بعض الدكاتره دون فايده
يعني انا ماغيرت اسلوبي بالمذاكره وكل ترم اجيب معدل مرتفع الحمدالله بس هذا الترم الاحصاء والصناعي حسبي الله عليهم
بجد انصدمت لمن شفت اخطائي فيهم كيف خاصه الصناعي اشك اجيبd مع اني ماقد جبتd فلا تلومونا .





بالتوفيق للكل

[عبقور]

المشاركة الأصلية كتبت بواسطة Qublan

وش استفيد من سؤال عن تايلور او فايل اين عملو في مصنع او مطعم او غيره

ليش تجاهل الاشياء المهمة في المنهج واللي تعطينا فكرة واضحة عنه
وركز على اشياء لاتسمن ولا تغني من جوع ومافيه اي داعي لمعرفتها .

هل من العدل والانصاف : ان يضع الدكتور جل اسئلته حول محورين وشخصين فقط ويقيس ذكائنا بهم ؟
وبما ان الدكتور عاش في فرنسا و يحب فرنسا !!
وش ذنبي يسرد لي 10 اسئلة عن العالم الفرنسي هنري فايول ؟

اكون ضحية لعواطفه وحبه للفرنسيين واعطائهم جل اهتمامه في منهجه ليييييه ؟



طيب وبقية المنهج اللي درسناه وقرأناه وحفظنا منه ماحفظنا ، وين راح ؟



نبله ونشرب مويته !!!

كنت ابقول نفس الكلام بس ماعرفت اكتب
يومين اذاكر العلماء والتواريخ والكتب والنظريات انا احفظ واختي تسمع لي وحفظتهم احسن من اسمي والملزمه قريتها مرتين بتمعن

[حواء ال المدينة]

الدكتور الكشيدة كان مركز أكثر شئ على النقاط الي تجينا دائما جميع ما سبق وهذا خطأ لأنها نقاط غير مهمة
وحتى لو ان الطالب ذاكرها بتضيع منه من كثرتها وتشابهها الله يذكر القطاونة بالخير في نظرية المعرفة أسئلته روضت المادة رغم صعوبتها ركز على النقاط الرئيسية والواضحة

[عدووول44]

فعلاً كلامك صحيح تماماً يجونك ناس الله يهديهم مدرعمين ولاتخافون الدكتور جايب اسئلة الترم الي راح ماغير فيها شي والا جايبهم نسخ لصق ليه كذا خلوا الكلام ف نفسكم انتوا عارفين واحنا عارفين لاتشهرون فعلاً الترم الماضي كانو شديدين والترم هذا اشد ع قد ما ذاكرت الترم هذا ع قد ماحفظت وفهمت الا ان ولا اختبار طلعت منه والابتسامه شاقه وجهي ومو انا بس كل الي اشوفهم يطلعون معانا نفس الحاله مشكرين