التعليم عن بعد افضل من مسمى الانتساب

[seeham]

صراحه فرق .. طلاب الانتظام يتعبون أكثر مننا واسئلتهم مقاليه مو اختياري أما عندنا مو الكل يحضر محاضرات ولا ضروري اسمع شرح .. هو أقرب للانتساب صراحه الفرق بسيط جدا .. ع العموم المهم بالنهايه شهادة بكالريوس .. انا صوت لتعليم عن بعد كمسمى احسه احسن 😛

[moon2014]

أكيد مو راضيه عن دا التهميش لكن انا عندي امل ان تتعدل دي النظرة و من ثم الاعتراف بنا وبشهادة التعليم عن بعد

لأنو حرام نخسر ونتعب و الأخير يهمشونا !!

[اكاديمي منتسب]

المشاركة الأصلية كتبت بواسطة maithem

لكل من يتكلم بدون علم الخدمة المدنية فيها ثلاث خيارات انتساب + تعليم عن بعد + انتظام هذا اولا

ثانيا من يقول ان بيوظفونكم بشهادتكم انتساب او حتى تعليم عن بعد في وظائف حكومية ؟؟ (الله قادر على كل شي ) لكن طلاب وطالبات انتظام هذا هم جالسين في البيت يمكن من يستفيد من الشهادة ايا كان مسماها هم الموظفين الاي على راس العمل منشان تعديل وضعهم


ثالثا ياناس ياناس مسمى تعليم عن بعد احسن وينفعكم في التقديم على الوظائف في الشركات والبنوك والقطاعات الخاصة حتى ارامكو اي ارامكو عندك لغة وكمبيوتر الفيصل مقابلة يفصفصوك شافوك تصلح خذوك


فلا تربطون شهادتكم بوظائف الحكومة لان الحكومة مبتلشة بالاي عندها طلاب وطالبات الانتظام


ملاحظة : مرفق صورة تثبت ان في الخدمة المدنية تعليم عن بعد والله يعينكم على هالجامعة المادية ونصيحة الاي يعرف احد يبي يدرس يروح الجامعة السعودية الالكترونية افضل من جميع النواحي


سلام

هذه الصورة من جدارة فقط للاستفسار عن مؤهلك ، ولاتثبت ان الخدمة المدنية تعترف بالتعلم عن بعد


انا اتكلم لك من واقع تجربة مرت علي عند تسجيل مؤهلي، مااتكلم من منتديات واشاعات


بالتوفيق،،

[اكاديمي منتسب]

المشاركة الأصلية كتبت بواسطة dr.lavender

اخي الكريم . .
الجزء الاول من ردك اعتبرها وجهة نظرك واحترمها

والجزء الاخير من ردك عن التعليم عن بعد بانه مجرد عروض مكرره ومحاضرات مسجله ووو الخ

طيب وش يفرق عن الطلاب المنتظين ؟؟

يعني كل سمستر يجيبون لهم مقررات جديده غير اللي يدرسونها اللي قبلهم ؟؟

اكيد شي مكرر ومعاد لانها مواد او مناهج تتكرر لجميع الطلاب في كل التخصصات

مااذكر اذا كان كل سمستر له مواد جديده تختلف من سنه لسنه للمنتظمين

حالنا حالهم موادنا نفسها تتكرر لجميع المراحل مع بعض الاضافات او التعديلات البسيطه

اخي الكريم
انا ذكرت الموضوع من واقع تجربة، جربت نظام الانتظام، ونظام التعلم عن بعد (الانتساب المطور جامعة الملك فيصل ) ونظام الجامعة الالكترونية (25% حضور ،75% تعلم ذاتي من الموقع).
لو تسألني اين الافضل للدراسة ، اجاوبك نظام الجامعة الالكترونية +الجامعة العربية المفتوحة هذا خاص بالموظف.


الطالب الجديد : افضل له الانتظام
الدارس فقط للوثيقة كترقية وروتين العمل : نظام جامعة الملك فيصل( التعلم عن بعد).


الانتظام فيه تفاعل مع الدكتور حتى لو المقرر مكرر يكون الدكتور وضع فيه تحديث جديد عند الالقاء والعرض، كذلك فيه مناقشة يومية ، وفيه واجبات واسفسارات وعصف ذهني وتفاعل بين الزملاء.


بالتوفيق،،

[أفا يا قلب]

تتكلمون في جربه مقضوضه!!

[الغيث]

طيب لو تم الاعتراف بشهادة التعليم عن بعد !وتمت معادلتها بالانتساب أو أعلى منه !


وش بيكون رايكم بعدين

[totayah]

لما تحج البقره ع قرونها. . ولكل حادث حديث
سواء غيروها بعد سنين ومنين والا ما غيروها
فكروا بحاضركم واشتغلوا عليه واتركوا الغيبيات لرب العالمين
وكثرة الكلام لا تزيد ولاوتنقص ولا تحرك ساكن في الموضوع
اللي يبي يغير (الأفعال هي اللي تتكلم)

والا الهرج سهل وكل من يجيده

[Elfaris]

التعليم عن بعد او الانتساب كلها مثل بعض سعيد اخو مبارك وكلها مطلوب حضورك الاختبار بينما التعليم عن بعد اختبارك عن طريق اون لاين .بخصوص المجهود لا يوجد فرق كبير سواء الطالب المنتظم يذهب الي الجامعة كل يوم والغير منتظم يذهب وقت الاختبارات.
وهذه شهادة حكومية معتمدة وخاصه الجامعات العريقة كجامعة الملك سعود او جامعة الملك عبدالعزيز او جامعة الملك فيصل حتى منظر الشهادات يفتح النفس ومعتمده دولي

[Maithem]

المشاركة الأصلية كتبت بواسطة seeham

صراحه فرق .. طلاب الانتظام يتعبون أكثر مننا واسئلتهم مقاليه مو اختياري أما عندنا مو الكل يحضر محاضرات ولا ضروري اسمع شرح .. هو أقرب للانتساب صراحه الفرق بسيط جدا .. ع العموم المهم بالنهايه شهادة بكالريوس .. انا صوت لتعليم عن بعد كمسمى احسه احسن 😛

اخوي دكتور في وزارة الصحة دوبه مخلص ماجستير من جامعة الملك سعود جميع اختباراته كانت اختيارات من متعدد

[student3]

المشاركة الأصلية كتبت بواسطة dr.lavender

السلام عليكم

خلونا نناقش الموضوع بكل هدوء وسعه بال من غير سب او شتم او دعاء

اختلفت الأراء حول مسمى الوثيقه من ( انتساب ) الى ( تعليم عن بعد )

الكثير قالوا بأن ( التعليم عن بعد ) غير معترف فيه ؟

كيف غير معترف فيه ؟ ودراستنا حالياً تعليم عن بعد بمسمى ( انتساب )

يعني معترف فيها مافي شك ...

وكثير قالوا ( الانتساب ) معترف فيه وافضل من التعليم عن بعد

سواء كان انتساب او تعليم عن بعد كلها دراسه ومعترف فيها

لكن من وجهة نظري بدال مايكون المسمى ( انتساب ) يكون المسمى ( تعليم عن بعد )

انا اتكلم بصفتي كطالبه ادرس تعليم عن بعد

انزل المحاضرات واترجمها وافهمها واحل واجباتي واطبع الملخصات واحضر المحاضرات المباشره

واحل المناقشات واهتم بكل ماده

واتعب واجتهد واهتم في دراستي حالي حالي الطالب المنتظم

وش الفرق هنا ؟؟؟

يلزمني الحضور الشخصي فقط

من وجهة نظري اعتبرها شهاده طالب منتظم لاني مااشوف اي اختلاف من جميع النواحي

فليش اظلم شهادتي بمسمى ( الانتساب ) ؟؟

كثير يقللون من قيمة الشهاده بمسمى ( الانتساب )

تدرون ليش ؟؟

لان مسمى ( الانتساب )

من وجهة نظر الكثير بأنها مجرد حضور الاختبار في نهاية السمستر فقط

ولا لها اي قيمه بغض النظر عن معترف فيها او غير معترف فيها وووالخ

اذا تغير المسمى الى ( تعليم عن بعد ) راح تلاحضون الاختلاف من جميع النواحي

التعليم في تطور مستمر والتقنيات في تطور مستمر واحنا في زمن التعليم المطور

الموضوع في صالح الجميع . . .

وعليكم السلام ورحمة الله
فعلا انا مؤيد لكلامك اعتقد الانتساب صار كرت محروق وكثير اعرفهم معاهم شهادة انتساب ولا استفاد منها
السوق القادم سوق التعليم عن بعد والدليل الجامعة الالكترونية تعليم عن بعد معادل للانتظام والله يكتب مافيه الخير للجميع