 |
|
||||||
| ملتقى الكليات الصحية بالاحساء ملتقى طلاب وطالبات الكليات الصحية التابعة لجامعة الملك فيصل بالأحساء |
 |
|
|
أدوات الموضوع |
2010- 8- 28
|
#51 |
|
أكـاديـمـي فـعّـال
|
رد: مدونتي & مذكرات طبيبة &
تقبل الله اعمالكم و صيامكم
اليوم راح نكمل ايامم ثالث ثانوي مثل ما لكل عارف انو ثالث ثانوي الواحد يكون فيها مشتت ذهنه و يكون في عزله و كئابة خايف على مستقبله و شلون راح يكون طبعا احنا في مدرستنا كانا البنات كثيير خايفين خصوصا انو في اختبار قدرات مع تحصيلي كنا في توتر اشلون راح تكون الاسئلة خصوصا انو احنا مو متعودين على اسئلة تخرج عن اسئلة معلماتنا كانوا البنات يرضون نفسهم و يخففون خوفهم انو راح يرحون معهد هجر يدرسون و الحمد لله الله ما خيب احلامهم فعلا كذا طالبة راحت هجر و الله يوفقهم فيه بالنسبة لي ايام كلما لقيت وقت فاضي رحت دخلت على اسئلة القدرات في النت و جلست اختبر نفسي طبعا طول هالفترة كنت خايفة اصرح بحلمي اني انا ابقى طب اخاف اني احلم تالي ما يتحقق شي فكنت الى هذا الوقت ما كلمت ابوي عن الموضوع يعني خفت يقولي لا تالي تتكسر مجادفي طبعا خلصت الاختبارات بعدها باسبوع اختبار القدرات فكانت رهبت القاعة و كثرة البنات الي مو متعودين لها مخلية قلبي يدق دقتين خوافين بس الحمد لله الاختبار كان سهلل كثير خصوصا مقارنة باختبار بنات الي قبلنا خوفاني حسسوني انو اختبار تعجيزي <<<طبعا كل واحد قدرات ما يعتمد على شخص و الحمد لله حسيت برضا عن نفسي انو قدمت افضل ما عندي الي حبيت اقوله للي يختبر قدرات انو دائما اسالوا عن اسئلة الي قبلكم خصوصا الي في نفس فترة الاختبارات لانو هم يجيبون بعض من اسئلة اليوم الي قبل جو التسجيلات و شو صار مع الطب الليلة |
|
|
2010- 8- 28
|
#52 |
|
أكـاديـمـي ألـمـاسـي
|
رد: مدونتي & مذكرات طبيبة &
سووو نايس
ننتظر اجواء التسجيل |
|
|
|
2010- 8- 29
|
#53 |
|
أكـاديـمـي فـعّـال
|
رد: مدونتي & مذكرات طبيبة &
مساء \ صباح الخير لكل المتواجدين في مدونتي :m22asmilies-com: في هذي المرة راح أتكلم عن اجواء التسجيلات طبعا قبل ما أبدأ احب اشكر من كل قلبي:131: خواتي ابتسامة خجل و ارجوان لانهم ساعدوني في كل شي و تحملوا ثقالة اسئلتي :smile1: فالله يعطيهم الف العافية نرجع المحور حديثا <<تحس روحها في صادوة المهم خلصنا حوسة الاختبارات :150: بدينا حوسة التسجيلات الي مانتهت الا في نهاية العطلة :no2: بدأ التسجيل في جامعة فيصل طبعا سجلت رغباتي كالتالي : طب << سر لا احد يعلم ابوي  صيدلة اكلينيكية علوم حاسب علوم زراعية وتغذية علوم حطيت الطب اول رغبة على شان اذا انقبلت اما اقنع ابوي او اني اكمل في الطب و اجيب معدل يخليني احول من طب <<كل شي يهون على شان خاطر الغالي طبعا كل هالتخصصات في الاحساء لاني ما احب اغترب غربة بسيطة احب اذا بغترب اغترب عدل يعني برا المملكة <<ايوا يا طموحة طبعا ظلينا ننتظر النتايج قبل ما تطلع النتايج بيوم ظليت اتناقش مع اخوي :conversation: <<<الي سبق و زرع فكرة الطب في خاطري طبعا نتناقش في بعثة للخارج <<لانو هو طلع بعثة امريكا فيبقيني اروح معو اذا ما انقبلت طب في الاحساء <<اقنعي ابوك قبل في نفس الليلة رحت لابوي كلمته قلت بابي ممكن اسجل في بعثة طبعا ابوي الغالي سمعه ثقيل قال لي يابنيتي <<فديت هالكلمة والله الطب مو زين << :no2: قلت له لا يُبى اقصد اني اروح بعثة مع اخوي بعد عمري ابوي  ماحب يقولي لي لا ظل يطق على فخذه بيده <<طبعا الي يعرف ابوي يعرف انو ذي الحركة تعني عدم اقتناع ابوي و رجع يتكلم عن الطب<<حاز في خاطره الطب طبعا خويتكم عرفت اجابة ابوها :s11: راحت لاخوها تصيح :s13:<<اخوي عامل احتياطه حاط قوارب نجاة في الغرفة على شان لا يغرق  طبعا ظل اخوي يهديني و انو خلاص اذا راحت البعثة السنة نعوضها السنة الجاية <<على أمل يقتنع الى السنة الجاية و من هالكلام الي يسر النفس و الخاطر و ينشف الدموع الى ان هديت ما يجي الصباح الا النتايج طلعت طيب شو انقبلتي ياحور  انقبلت حاسب حزنت بس مو كثير <<ايوا هذا الرضا بقضاء الله و قدره  يمكن مو كثير لانو ابوي هيك بدو بينما ابوي يفطر الا جيت له قلت بابي هنا ابوي وقف لقمته << طيب كان استنيتي لما يخلص انقبلت حاسب طبعا ولي الامر استانس قالي حاسب تمام شي زين الحاسب طلعت الدفعة الثانية بعدي حاسب طلعت الدفعة الثالثة الا قبلوني طب  طبعا في الفجر طلعت النتايج اروح اكلم اخوي ابشره تالي قلت طيب البابا شو بنعمل :mh19: قالي احسن حل انو تخلي اخونا الكبير هو الي يكلمه نبذة استقطاعية عن اخوي الكبير : رجال ناضج بمعنى الكلمة ابوي يسمع كلامه لانو واحد عقلاني و يفهم عقلية ابوي شنو تبقى و عنده قدرة اقناع فظيعة تخليك توافق على شي بدون ما تدري المهم قلت لاخوي الكبير على شان يكلم ابوي طبعا كان الكل جالس بالصالة الا انا <<قلت لكم ما أحب اشوف وجه ابوي و هو مو راضي عن شي بينما هم لاهيين يتجاذبون اطراف الاحاديث :783: الا يقول كبيرنا على البركة يبى على البركة :o2: هينا ابوي انصدم الله يبارك فيك بس على شنو حور قبلوها طب في فيصل ابوي انصدم اكثر اشلون قبلوها هم حاسب أخوي: اي يبى هم قبلوها كذا البداية بس الحين قبلوها طب لانو نسبتها مرتفعة و تدخلها طب ابوي نزل راسه و ظل يفكر :mh19: قاله اخوي خلاص يبى خلها تروح لا تحرمها منه و هي تبقي هذا الشي تالي ابوي طلع هالجوهرة و قال خلاص تتوكل على الله << يا بعد عمري من سمعت الموافقة  <<حشا زواج مو طب هبيت لابوي و بست راسه و تشكرته و تشكرت اخوي و الحمد لله الله و فقني و اجتزت سنة اولى برضا ابوي طبعا ابوي بعدين قام يفتخر فيني و دائما يقول لاخوي الصغير يالله ابيك تكبر و تصير دكتور مثل اختك طبعا اخوي نشبة من درا اني دكتورة يجي يصحيني من النوم :m1asmilies-com: خية خية انا بصير دتور زيش طيب صير دكتور بس خليني انام  و الحمد لله تمت بسلام انتظروني قريبا عن اول ايامي الجامعية <<واخيرا خلصنا من سالفة هالمدارس |
|
|
|
2010- 8- 29
|
#54 |
|
أكـاديـمـي فـعّـال
|
رد: مدونتي & مذكرات طبيبة &
مشكورة عزيزتي ملوكة على التواجد
و ننتظر بقية الاعضاء موفقين |
|
|
|
2010- 8- 29
|
#55 |
|
أكـاديـمـي نــشـط
|
رد: مدونتي & مذكرات طبيبة &
نفسي اول شيء انقبلت حاسب و الوالد استانس بس بعدين الحمد لله انقبلت طب مع إنه داعي قدامي إني ما انقبل طب
بس الحمد لله دعوته مو مستجابة >>>عيب يا بنت هذا ابوووك :no2: لكن بعد ما انقبلت و الناس تبارك له فرح و صار يمشي و يقول بنتي انقبلت طب >>شعور حلو إن ابوك يفتخر فيك مشكووووورة عالمدونة الرائعة حووووور
|
|
|
|
2010- 8- 29
|
#56 |
|
أكـاديـمـي
|
رد: مدونتي & مذكرات طبيبة &
ياسلام .. رووعة رووعة .. والله قصتش في غاية الروعة اختي حور لان فيها تغيرات مفاجئة ... واحلى شي مافي القصة اخوش الصغير خخ >>> اي من قدش دكتورة ماتقبلين الجهال ماتقبلين الا الكبارية خخ >> واصلي وفقك الله
|
|
|
|
2010- 8- 29
|
#57 |
|
أكـاديـمـي ألـمـاسـي
|
رد: مدونتي & مذكرات طبيبة &
بعدي ياحووور سوو نايس يابعدي
تدرين انا يوم النتايج <<<كنت متوقعه بنقبل طبعا بس كنت خايفه هع البابا كان جالس بالصاله مع الماما شفت انهم قبلوني طب ورحت انقز بالصاله<<<توني صغننه هع قال لي ابوي يابنت جنيتي قمت ارقص قلت له بابا ياحبيبي بابا ياحنون <<<طبعا الحنها له ههههههههه قال لي شفيك؟؟؟ طبعا انا قبلها كنت مقبوله بكل الجامعات االلي سجلت فيهم تخصص طب بس انتظرت فيصل لاني مابي اتغرب واذا فيصل ماطلعت كنت بروح الدمام :) المهم قالت امي لي انتي من خلصتي ثانوي عقلك خاف هههههههههه قلت لهم بنتكم انقبلت طب في فيصل امي صارت تضحك وتبكي <<<حفل ترى ههههههه المهم بابا ضمني وقال لي دايما رافعه راسي قدام الناس وه بث :$ نص ساعه وتشتغل الاتصالاات من اهلي واصحاب بابا والكل يسمع صوت بابا يفهم اني انقبلت وتشتغل التبريكات والهدايا الحركتات هع حصلت فلوس وهدايا وناااسه ههههههههههههههههههه حوور قلبوو ننتظر اول ايام الجامعه ترى بكره بسافر:) |
|
|
|
2010- 8- 29
|
#58 |
|
أكـاديـمـي فـعّـال
|
رد: مدونتي & مذكرات طبيبة &
[align=center]
دكتورتنا طموح صحيح تحسي بمشاعر حلوة كثير على الرغم انو كل اهلي يفتخرون فيني و استانس بس احس لفتخار ابوي احسه غير <<لان رضاه غالي ما يجي الا بالصعاب اخي احمد مسكينة انا انا اعشق اخوي الصغير بس ما يعبر عن طموحة الا في وقت الزحمة مشكور على التواجد الرائع[/align] |
|
|
|
2010- 8- 29
|
#59 |
|
أكـاديـمـي فـعّـال
|
رد: مدونتي & مذكرات طبيبة &
دكتورة ملاك
وناسة يبدو انك سويتي حفلة و لاعزمتينا عليها خلاص نقبل عزيمة ثانية اذا جبتي معدل التفوق <<على كيفك الموضوع تروحين و ترجعين بالسلامة ياعمري راح افقد تواجدك في مدونتي <<<يعني لا تقطعينا |
|
|
|
2010- 8- 29
|
#60 |
|
أكـاديـمـي مـشـارك
|
رد: مدونتي & مذكرات طبيبة &
<>< متابعه بصمت..
|
|
|
|
| مواقع النشر (المفضلة) |
| الكلمات الدلالية (Tags) |
| مذكرات, مدونتي, طبيبة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| طبيبة سعودية تقدم علاجا جديدا لمرضى اعتلال الشبكية ! | بـــو أحــمــد | ملتقى الكليات الصحية بالاحساء | 3 | 2006- 12- 21 08:28 PM |
