 |
|
||||||
| منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
 |
|
|
أدوات الموضوع |
2014- 9- 1
|
#591 |
|
أكـاديـمـي نــشـط
|
رد: هنآ الآستفسآر عن دكآتره السنه التحضيريه ~
البنات الجميلات اللي فوقي جربت اغلب اللي تبغون تعرفون عنهم بنزل لكم رأيي فيهم بس ثواني
|
|
|
2014- 9- 1
|
#592 |
|
أكـاديـمـي نــشـط
|
رد: هنآ الآستفسآر عن دكآتره السنه التحضيريه ~
اول شي لا تعتمدون ع اراء بنات نظرتك انتي غير لولا سمح الله سجلتي عند وحده الكل ذمها ترى يمكن تحبينها ليه تجرين معك التشاوؤم ببدايه مشوارك بسبب كلام بنت تختلف عنك
لا تخلين البنات يأثرون عليك بشكل سلبي .. حاولي تتجنبين اللي سمعتهم سيئه بس لو اظطريتوا عليهم عادي كملي مشوارك و ان شاء الله ربي يعينك و تناسبك هالدكتوره ببدأ بالسمستر الاول وش اخذت و مين عطاني وكلامي طويل اشوي معليش نحو 1 سهيه الشلوي شرحها تمام طبيعه الدروس مجرد اعاده للي درسناه بس كثيرررره لا تنصدمين بس ما حبيت سهيه لانها تحب تتصيد ع البنات و تهاوشهم و تنقص ع الكتاب لو ماجبتيه كأننا بمدرسه و تنقص لو ما عجبها لبسك بعد :) الماده طبيعتها دسمه و تلخبط فذاكروا اول باول .. سمعت انها مرسبه شعبه كامله هههه مدري اشاعه ولا  ما تسمح بالعبايه ولا تنزل ع البلاك بورد شي تحرير عربي ساميه الهاجري الماده سهله ممكن درس واحد يلخبط اشوي هي طبيعتها خليط بين الاملاء والتعبير دكتوره ساميه ذموها كثير و جربتها وشفت شي ثاني صحيح شديده وذوقها صعب بس تشرح بذمه و ضمير و تقدر المجتهدات تحفظ اسماء كل الطالبات و تهتم فيهم وحده وحده المتفاعلات معها و اللي يجيبون درجات عاليه تقدرررهم جددا نشرت اسم لبنتين اخذوا الفل مارك بالميد و اعطتهم هدايا من ماركه ارمني لو كنتِ متفاعله بالمشاركه و مجتهده راح تصلح لك وتعطيك ع قد اجتهادك ويمكن اقل بسبب دقتها تنزل عروض ممتازه جددا ومفصله تغنيك عن الكتاب تقريبا ممنوع منعا باتا العبايه بكلاسها احصاء نجلا عثمان \ عليا الماده سسههله مو زي الرياضيات ابدا و معاك الاله الحاسبه و بس احفظي القوانين و متى تستخدم واضمني النجاح عليا جربتها 3 محاضرات يمكن او 2 كويسه بس مره بنت سألتها وعصبت وحسيتها ما تتحمل الاسئله بعدها نقلوني لنجلا و كانت افضل بكثثيير وبالها اطول و حسيت بنات الشعبه حبوها اكثر ساعدتنا برضو بالبونص كذا مره وعادي تجلسين بعبايتك و تنزل ع البلاك بورد عروض مفصله للشرح علم اجتماع فاطمه الموسى اسوء دكتوره تقريبا تتأخر ع المحاضره نص ساعه تجي سنه تشغل اللاب و البروجكتر يجيبون البنات عرض مخيس ويقرونه وترجع تعيد وراهم اشوي و بس انتهينا !!!! بالعربي تكرهك بالتخصص من استهتارها ,, شخصيتها معدومه و البنات يسجلون حضور و يهربون و كانت تطلعنا بدري مرا هالشي مصبرني كان ههههه بس ابد ما انصح فيها لانك لما بتذاكرين ما راح يكون بذاكرتك شي من شرحها لانها ما تشرح اصلا غير انو كثير حملوا الماده لانها ما اشرت لنا زي العالم ترضى بالعبايه و ما تنزل شي ع البلاك بورد ولا تعررف اصلا للاب ههههههه انجليزي عام ثيرومالا  تجنن سوالف وضحك طول الوقت شرح حلو و ابتسامه تفتح النفس معلومات حلوه تعطيك تحسينها صديقتك مو دكتورتك و ميانه كنا معها حتى اللي ما يبلع الانجليزي بيحب الكلاس وتساعد وتعطي درجات حبيتها بششكل الله يسعدها ما تنزل شي ع البلاك بورد العبايه اول الايام منعتها بعدين صار عادي عندها بالنسبه للعربي تتكلم نادر معنا تطقطق بس و هي هنديه طبعا فقه السيرة عائشه عبداللطيف الماده طوويله و حفظ بحفظ لازم لازم اول باول المذاكره ولا تضيعين كنت اتعجب انهم يطالبونا بهالكم و حنا عندنا 8 مواد يبغونا نحفظ كل شي بوقت قياسي واصلا الدكتوره نفسها مو حافظه كل الاسماء و التواريخ !دكتوره عايشه سردها حلو للقصص و الاحداث بس ما حبيت فيها نقطه انك تجاوبين صح ما تثني عليك بس برضو كويسه بالنهايه و تساعد اشوي ممنوعه العبايات بكلاسها وبس تنزل بعض الاشياء ع البلاك بورد النظام الاجتماعي بالاسلام محمود مبارك حلو الماده و خفيفه .. دكتور محمود سوداني الله يذكره بالخير يساعد و يسهل وكلاسه ممتع و معلومااته قيمه و يحب التفاعل بس الوضع مسخره بالكلاس تقولين يوم مفتوح اكل و ضحك و المزهريه تجي تاخذ الحضور وتصرخ اشوي ع الفاضي الخجولات ما ينفع لهم الشبكه صراحه لانها ما راح تجرأ تقوم تسأل او تجاوب الدكتور من المايك و ممكن يحصل ظلم ببعض الاشياء زي الواجب ما يوصل و الخ لو يدخل علينا الدكتور و حنا بعبايتنا احسن من هاللي يصير ! العبايات كانت ممنوعه بسبب المراقبه و ينزل ع البلاك بورد اشياء بسيطه مدخل الى تقنيه المعلومات جمانه القضاه ممتازه الدكتوره تحب تسولف احيان وتشرح بالتفصييل ينفع مرا للي ما يدبرون بالحاسب ما تنزل ع البلاك و تسمح بالعبايه بتكلم عنها اكثر بماده مستوى 2 لاني رجعت اخذت عندها .. انصح فيها و بشده صحه ولياقه ايات الشرع صوتها واطي شعبيتن مع بعض بالكلاس قمه الفوضى و اللعب بسبب شخصيتها و البنات يهربون كثير عندها و الوضع مقرف ! بس تساعد و تنزل ع البلاك بورد بالتفصيل و عادي العبايه بكلاسها و اساسا الماده ممتعه فاجلسي قدام واستفيدي من المعلومات وانسي البنات المزعجات اللي ورا بس بعد ما انصح فيها
|
|
|
|
2014- 9- 1
|
#593 |
|
أكـاديـمـي نــشـط
|
رد: هنآ الآستفسآر عن دكآتره السنه التحضيريه ~
برجع اكتب عن :
مهارات تعلم و تفكير نوره الدوسري مبادىء اداره امل عبدالفتاح انجليزي قراءه زيبا خان انجليزي كتابه خديجه انصاري نحو 2 ساره الفايز تلاوه وتجويد هدى عبدالقادر قراءه و محادثه نوال الحسين تذوق ادبي ساميه الهاجري برامج مكتبية جمانه القضاه بس بعد اشوي
|
|
|
|
2014- 9- 1
|
#594 |
|
أكـاديـمـي نــشـط
|
رد: هنآ الآستفسآر عن دكآتره السنه التحضيريه ~
بنات يعطيكم العافيه ماعندكم الرابط الي فيه مواد تحضيري مع اليوم والوقت
عشان اقدر اختار الشعبه الي تناسبني صعبه ادخل عبى كل المواد وانا ابي اوف |
|
|
|
2014- 9- 1
|
#595 | |
|
متميزه في كليه الدراسات التطبيقيه لجامعه الدمام
|
رد: هنآ الآستفسآر عن دكآتره السنه التحضيريه ~
اقتباس:
ايه من ناحية الشرح حلو وهي أصلاً طيبة وحبوبة
بس للأسف من ناحية البحوث تدقق فيها زي مره أعرف بنات بحثهم كان مافيه مصادر الكترونيه بس مصادر من كتب فما بغت تعطيهم الفل مارك بالبحث.. |
|
|
|
|
2014- 9- 1
|
#596 |
|
أكـاديـمـي نــشـط
|
رد: هنآ الآستفسآر عن دكآتره السنه التحضيريه ~
بنات متى فتح لكم التسجيل ل
|
|
|
|
2014- 9- 1
|
#597 |
|
أكـاديـمـي نــشـط
|
رد: هنآ الآستفسآر عن دكآتره السنه التحضيريه ~
بناات ..
كنت ابي شعبه 6 بس تقفلت المهم سجلت بس 14 ميين معي :$ ابي اخذ رايكم في الدكاترة .. 1 - مبادى ادارة * ايمان السوقي 2- مهارات التعليم والتفكير *نوره الدوسري 3- نظم المعلومات *بدريه الحسين 4-نحو التطبيقي *عبد الباسط 5- تحرير عربي اهم شي  مشاعل العليكي مدري اسمها صح بس مشاعل6-مدخل الى تقنية المعلومات*وعد العيوني 7-انكليزززززي *امل الصبيخان 8-صحه ولياقه ايمان المدرع |
|
|
|
2014- 9- 1
|
#598 |
|
أكـاديـمـي نــشـط
|
رد: هنآ الآستفسآر عن دكآتره السنه التحضيريه ~
الله يخليكم ردو
|
|
|
|
2014- 9- 1
|
#599 |
|
أكـاديـمـي نــشـط
|
رد: هنآ الآستفسآر عن دكآتره السنه التحضيريه ~
بنات سؤال عن
1 احمد حسن نحو 2عبير الجعفري تحرير 3اسماء العمري نظام اجتماعي الله يسعدكم ردواااا |
|
|
|
2014- 9- 1
|
#600 |
|
أكـاديـمـي نــشـط
|
رد: هنآ الآستفسآر عن دكآتره السنه التحضيريه ~
مهارات تعلم و تفكير نوره الدوسري
شخصيتها جميلله جدا متعاونه و مثقفه و تحب تشحن البنات بالطاقه و تعطيهم دافع هي دارسه برا و تتكلم احيان عن حياتها الشخصيه و احسها تشجع ع التطور و الانفتاح بالنسبه للتعليم و ترك عادات المجتمع السلبيه بصفه عامه الماده يهيأ لك انها سهله بس لا تستهينن فيها تحتاج مذاكره و اكيد انصح بهالدكتوره الجميله مبادىء اداره امل عبدالفتاح دكتوره مصريه لزيزه قدا :$ .. شرح مرتب و مختصر و تساعد بالهبل و كلاسها ممتع سوالف و ضحك و احسن الدرجات تعطينا ما تبخل و الفرص بالهبل و بشوشه دايما و تتحملنا رائعه انصحكم فيها انجليزي قراءه زيبا خان زيبا طيوبه وكنا نسولف معها بس مشكلتها ما تعرف عربي لدرجه انو البنات يلعبون عليها و يسفلون فيها وهي ما تفهم ! و هالشي كان يضايقني بس ساعدتنا كثير و مرات تطلعنا بدري و مرات قريب اخر الوقت انجليزي كتابه خديجه انصاري شخصيتها كوميديه تضحكنا كثير و تشرح لنا بالتفصيل و تعطينا معلومات بس دقيقه اشوي بالتصحيح و ما تساعد كثير صديقاتي كانوا مسجلين عندها و حملوها و انا سجلت بعدهم و كنت واثقه اني غير عنهم وفعلا حبيتها و ع الاغلب الخلل كان فيهم هم نحو 2 ساره الفايز مشكلتها تتكلم واجد احس اللي ع وشك ولاده ممكن تولد و الدكتوره ساره ما خلصت كلام : \ !!!بس شغوفه بالنحو وجدا حابه الماده و تستقبل اي اسئله و تحب التفاعل و ما عندها مانع تعيد مليون مره بس يعيبها برودها و تكرارها الزايد للكلام ممكن بنات يعجبهم و يناسبهم اكيد المساعده ما احسها ساعدت كثير صراحه غير بالصب علينا والاعاده بس بالمجمل كانت حليوه ولا بأس فيها تلاوه وتجويد هدى عبدالقادر ما اقدر افيدكم فيها كثير سحبت الماده بس حسيتها حليوه و درجات البنات شفتها منزله ع البلاك بورد ما كانت سيئه مع انو الماده فيها صعوبه اشوي لانها تطلب قدره حفظ و صبر كل اسبوع مطالبه تحفظين سوره كامله غير انو فيه تلاوه و فيه دروس للتجويد قراءه و محادثه نوال الحسين نوال بارده جدااا تاخذ كل الوقت بس تساعد كثير و تسولف معنا اشوي و تحب نشاركها و الماده حلوه اصلا وفيها اجزاء راح تستمتعين فيها تذوق ادبي ساميه الهاجري كتبت عنها فوق بالردود اشوفها افضل بالتحرير من التذوق لانها زي ما قلت تدقق فما تنفع لاي احد بس تشرح كويس و شرحها ما تنسينه بسهوله بس التدقيق ممكن يخسف بدرجاتك بالواجبات او العمل الجماعي لانها ما ترضى باي مستوى برامج مكتبية جمانه القضاه ممتازه زي ما قلت فوق .. بهالماده كان فيه مجموعه بنات يتأخرون كل مره و يسون حركات مستفزه مع انو دار بينهم حوار فيه شد اشوي الا انها ما حقدت عليهم و لما بدوا يلتزمون بالمواعيد نست اللي صار و ما اتوقع انها رسبتهم او شي لانها حقانيه بنات ابحثوا قبل لا تسألون و اقروا فيه واجد يكتبون تجربتهم
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ اللغة العربية ] : السنه التحضيريه شعبه 8 استفسار ضروري | هيا بنت محمد | منتدى كلية الآداب بالدمام | 1 | 2013- 1- 2 12:28 AM |
