للإستفسار عن أي دكتور/ة هنا ..

[غلآكمـ]

المشاركة الأصلية كتبت بواسطة Sђǿ Şћơ

سلآم ..
ايهم افضل..
د. مشيره زكى آو د. اسماء الشريف

وبسآآل عن د . مها الحمآد

ما اعرف د. مشيره .. لكن درستني قبل د. اسماء الشريف ..
تجنن اسلوبها و شرحها .. و يا كثر تعليقاتهـآ
بس تعليقات تصب بمصلحة الطالبات طبعا ..

بجميع الاحوآل .. د.اسمـاء .. زينه و ان شاء الله تمشين معاهـآ ..
و اذا ركزتي على اللي تقول عليه مهم و كذا .. يمديك تجيبين الـ A معاهـآ بالراحه بإذن ربي ..

د. مها الحمآد ولا الحآمد ؟؟

اذا تقصدين الحامد .. من آفضل الدكتورات اللي درسوني
طيووووبه حيل و تعطي درجآت بالهبل اذا كنتي مصحصحه معاهـآ .. و اسئلتها تجنن مثلها ..

ربي يسعدها و ين ماراحت

[فيزيائية طموحة]

د.محمد مورو

مايشرح بس يكتب نادر جدا إذا شرح فقرة بس العام كانت أسئلته سهلة وجاب لنا بس فقرة وحدة صعبة ماحد حلها إلا المعيدة والدرجات كانت بالحظ أغلبها نازلة و في بنات ماحملوا مادة بحياتهم إلا هالمادة اللي درسها مورو بس أنا للأمانة أخذت حقي في المادة والحمد لله نجحت فيها و هالسنة درس صديقاتي نفس المادة وجاب لهم أسئلة الشهري صعبة وطويلة واشتكوا عليه عند رئيسة القسم وودولها الأسئلة قالت هاذي أسئلة نهائي مو شهري وأعلى وحدة كانت جايبة 7 من 20 وعاد لهم الإختبار مرة ثانية وكان أسهل بس كثير غلطوا في رسمة وكان أول سؤال في الإختبار وقال اللي غلطت في الرسمة هذي مابكمل تصحيح ورقتها أو شي زي كذا وبعدين شاف درجاتهم مرة نازلة وقام ياخذ أحسن اختبار ويضربه في 2 فعاد تخيلي أعلى درجة سبع وصارت 14 من عشرين و اشتكوا مرة ثانية وقدمو خطاب وإن شاء الله خير

بس أنا ماقلت هالكلام عشان أخوفكم بس ماأبي أقول لكم إنه زين وبعدين تنصدمون فيه وإن شاء الله من كثر الشكاوي عليه الله يهديه ويصير أحسن وإذا فيه أحد ثاني يدرس المادة معاه خذيها عند الثاني

[فيزيائية طموحة]

د. سوسن

ماشاء الله تبارك الرحمن شرح وأخلاق ومعاملتها حلوة مع البنات وأكثر شي تركز عليه محاضراتها والكتاب ممكن تقولوكم اقروا المحاضرة الجاية منه عشان تفهمونها أسرع وهو موجود في المكتبة حقت الكلية وهي محاضراتها مكتوبة في أوراق بس مارضت تنزلها في التصوير بس السنة اللي قبلها نزلتها لهم والبنات صوروها منهم فحاولي تسألين عنها البنات وإن شاء الله يعطونك إياها عشان إذا شي مالحقتي عليه مايفوتك وأسئلتها اشرحي واستنتجي ومسائل أكملي واختيارات وصححي الخطأ ماتطلع برا المحاضرات بس طويلة شوي والمسائل تجيب نفس افكار المسائل اللي تحلهم معانا وتعتمد في حل الإختبار على الفهم مثلا الإستنتاجات اللي تخطر خطوة واللي توقف وبعدين تكتب القانون النهائي تحذف لها الإستنتاج كامل بس تعطيها على الرسم و إذا وقفت ماكتبت القانون النهائي تعطيها على اللي كتبته درجات لأنها تقول شلون وصلتوا للقانون كذا معناه انتوا مو فاهمين ونفس الشي المسائل لازم بالتفصيل الممل بس الحمد لله ماكان في رسوب كثير في الضوء تعطيك حقك بس اعرفي هي كيف تبغاكم تحلون وهي تسمع المحاضرة الماضية وممكن حتى تقوم على السبورة وتخلي البنات يستنتجون قانون بس سوت معانا بداية الترم بعدين خلاص

موفقة بإذن الله

[سمو الجرح]

طيب دكتوره منال العوهلي

؟؟؟

[غلآكمـ]

المشاركة الأصلية كتبت بواسطة فيزيائية طموحة

د. سوسن

ماشاء الله تبارك الرحمن شرح وأخلاق ومعاملتها حلوة مع البنات وأكثر شي تركز عليه محاضراتها والكتاب ممكن تقولوكم اقروا المحاضرة الجاية منه عشان تفهمونها أسرع وهو موجود في المكتبة حقت الكلية وهي محاضراتها مكتوبة في أوراق بس مارضت تنزلها في التصوير بس السنة اللي قبلها نزلتها لهم والبنات صوروها منهم فحاولي تسألين عنها البنات وإن شاء الله يعطونك إياها عشان إذا شي مالحقتي عليه مايفوتك وأسئلتها اشرحي واستنتجي ومسائل أكملي واختيارات وصححي الخطأ ماتطلع برا المحاضرات بس طويلة شوي والمسائل تجيب نفس افكار المسائل اللي تحلهم معانا وتعتمد في حل الإختبار على الفهم مثلا الإستنتاجات اللي تخطر خطوة واللي توقف وبعدين تكتب القانون النهائي تحذف لها الإستنتاج كامل بس تعطيها على الرسم و إذا وقفت ماكتبت القانون النهائي تعطيها على اللي كتبته درجات لأنها تقول شلون وصلتوا للقانون كذا معناه انتوا مو فاهمين ونفس الشي المسائل لازم بالتفصيل الممل بس الحمد لله ماكان في رسوب كثير في الضوء تعطيك حقك بس اعرفي هي كيف تبغاكم تحلون وهي تسمع المحاضرة الماضية وممكن حتى تقوم على السبورة وتخلي البنات يستنتجون قانون بس سوت معانا بداية الترم بعدين خلاص

موفقة بإذن الله

فديييييييييييييييتك و الله ..

الحمدلله حمستيني مآلي مزآج ادرس عند نآس مدري وش يحسون فيه ..

يعطيك ربي العافيه تعبتك معاي

[tweet]

الدكتوره منال درستني هالسمستر اللي طاف محاضراتهااا حلوه وتفهمين معها بالمحاضره بس الامتحان فيه شوي صعوبه <<الشهري
اما النهائي تحسينها ركزت لى باب واحد في الاغلب ومااعطت الباب الثاني حقه من الاسئله بس عموما الحمدلله نجحنا عندها انا وصديقاتي
وللامانه تسااااااااااااااااااااااااااااااعد الطالبه لابعد حد يعني زودت على التقسيم الاساسي لدرجات 5 للبحث ماكان ضمن الخطه حقتها بس عشان درجاتنا نازله واستقبلت بحوث البنات الي يوم الامتحان النهائي الله يسعدها و يوفقها دنيا واخره
مع انه درجتي فيه مااعجبتني بس الحمدلله ناااااااجحه بس الله يعوضنا بالخير
دعواتكم
انشاءاللله اكون وصلت اللي تبينه
واي سؤال تويت حاااااااضره

[♪♪ Łą₥ąя ♪♪]

لييييييييش الموروو كذا والله حرام ايش هذا الظلللم
طيب ايش نسوي مضطرين ندرس عنده مافيه الا هوو؟
حسبي الله ونعم الوكيل

[♥..ЙAИa]

حتى انا درجتي ماعجبتني عند منال بس اهم شي افتكيت

[tweet]

يلاااااااااااااا روني اهم شي نجحناااا الحمدلله
بس الخوف من صبري بس يارب نفتك منه
ياااااااااااااااااااااارب ننجح

[فيزيائية طموحة]

المشاركة الأصلية كتبت بواسطة ♪♪ Łą₥ąя ♪♪

لييييييييش الموروو كذا والله حرام ايش هذا الظلللم
طيب ايش نسوي مضطرين ندرس عنده مافيه الا هوو؟:cry111:
حسبي الله ونعم الوكيل

الله يعينكم انتي الحين حاولي تهدين ماتدرين يمكن يتغير لأن الشكاوي كثرت عليه وانتوا إذا شفتوه ظلمكم على طول اشتكوا لاتقولون بيحقد علينا ومن هالكلام وإن شاء الله الكل بيتعاون معاكم

انتي اعتبري نفسك مادريتي عن شي وأكثري من الدعاء شسوي ما أقدر أمدحه وهو كذا الله يهديه ويصلحه