‌‌‌‌‌ ‌ ‌ ‌‌‌‌‌ ‌‌‌‌‌ ‌ ‌‌‌‌ ‌‌ من الظلمآت الى " النور !

[ريمنقو]

-

البآرح قبل انام افكر وش عند الناس مشتطه بالمذاكرة ..
وقعدت احسب كم باقي ع اختباراتي احسب واغلط وأعيد احسب .. باقي اسبوعين
والله راح علي الوقت بدون ما احس اشوى اني حسبت والا كان مادريت الا ليله الاختبار
الله يوفقكم اخواني واخواتي بجامعه الملك فيصل والدمام ويكتب لكم الخير والرزق وييسر اموركم

الحمدلله على الصحه والعافيه وعلى التوفيق وعلى كل شي الحمدلله والحمدلله والحمدلله
كل ماتذكرت حالي قبل كم اسبوع احس بعظمة وقيمه نعمه العافيه ..
وتدمع عيني لان لولا الله ولطفه بي ما كنت بينكم الآن ..
اتذكر لحظه انقطاع التنفس بآخر الليل والناس نيآم .. والحراره حول 40
من حسن حظي كان فيه احد عندي نايم وسمع صوت اللي بتطلع روحه
ومن حسن حظي ان المستشفى قريب

بيبقى الموقف في ذاكرتي ومؤثر بي ، عرفت ان الانسان اضعف مخلوقات الله وان العافيه لايعادلها شي
الحمدلله بعد كل مامريت به الان حالي احسن بكثير من قبل ..
ولو أني مُنعت من اشياء كثيره بسبب هذا ولكن لو يمنعوني من كل شي احبه اهم شي تبقى عافيتي

يارب يارب يعينكم على ذكر نعمه ويجعلكم من الشاكرين الذاكرين .. امين

[ريمنقو]

-


اللي ما اسعد له يتيم حرم نفسه من طعم السعآده ..

[ريمنقو]

-




قدوعي القصايد وقهوتي لحونهآ
وش رايكم وانا اسوي يعننّي



من انت ياللي تعلمني بما يلزم ..
اجمع بقايا الحكي لاشوفك توطوط


^ لحول من مزعلني
والله انها استهبآل ماعندي شي أعد نجوم العصر وادندن وطلعت ذي القشرا

[ريمنقو]

وجه طلق وتسامح ، خلق ، دين

[ريمنقو]

-

^ كتبت بيتين كنت اتمنى ان لي من صفاتي نسختين نسخه للناس ونسخه اخاويها
مسحت كل شي وتركت هذا اللي فوق ..

/


والله قايمه من الصباح وتعب .. وعجزت انام احس بحريقه في جوفي
اللي شاف ردي قبل التعديل بيفهم وش مزعلني

[ريمنقو]

-


كنت من شدة ما بي ما اعرف وش اسوي مره مكتّمه ..
ولا طرى علي لا ذكر ولا صلاه ولا وضوء ولاشي اعوذ بالله ..
وأفكر كيف أتغلب على ما فيني .. وسمعت صوت بداخلي يقول ( القران القران )
اي والله

وأسرع للمقاطع واشغل مقطع .. سمعت فيه من الآيات اللي تجبر القلب و تحل المشكله
بعد ساعه وأكثر .. زال كل مافيني والله ماكأن فيه شي صاير !!
والحين بصلي صلاه يحبها قلبي ..
المهم فيه احد يحس ان القران دواه مثلي ؟

فالحمدلله

[ريمنقو]

-



كل ما كنت في موضع قوه وسُلطه تذكر بأنك ( لاشي ) فلا تكون ظالم ..
وتذكر فرعون ذاك القوي رب قومه الى أين قاده جبروته ..

[ريمنقو]

-


( القياده ) من الصفآت الواجب توافرها في الأخصائي الاجتماعي
لانه قائد للمجتمع ، يشارك في الامور والقرارات الإدارية في عمله و و و امور كثيره ..
وندرس مقرر كامل عن القياده وتنمية المجتمعات ..
كيف القيادي ينمي مجتمعه بذكاء !

بعض الناس يفقد هذي الصفه وممكن يكتسبها بالتعليم ، وبعض الناس موجوده فيه هذي الصفه وتُنمى بالتعليم
وبعض الناس لاهذي ولاهذي ههههههههههههه فالله يعين من لايستفيد من علمه شي ..

[ريمنقو]

_

دواء الجاهل الأعراض عنه ..
( واعرض عن الجاهلين )

ان خضت معه فأنت جاهل مثله وان أعرضت فهذي قوه منك وماهو بضعف أو ذل

[ريمنقو]

-

-

دعوتين ارددها دائماً
الاولى ان يشفي مرضى المسلمين والثانيه يرزق كل محروم من الذريه
ما رأيت أشد من المرض واوجع من الحرمان ..