هنا نستقبل استفساراتكم عن كلية الطب بالأحساء

[اورجوان]

و لو .. هذا واجبنا ..

ما نبي منكم غير الدعاء

موفقين ان شاء الله

[ta5ayal ansak]

اورجوان ممكن طلب؟
ابيك تتكلمين عن كلية الطب بخصوص انك ماباقي لك الا سنوات قليله على التخرج ابي تقولين سيرتك كيف الانجليزي اول ماكنتي طالبه مستجده وكيف صرتي وطوفتي السنه الاولى والثانيه.................الخ
ومشكوره تعبناك معنا

[اورجوان]

السلام عليكم ورحمة الله وبركاته

تفضل اخوي هذا موضوع خاص بسنة اولى من طق طق للسلام عليكم

http://www.ckfu.org/vb/t17504.html

و هذا عن سنة ثانية

http://www.ckfu.org/vb/t93652.html

-------------------------------------------------------

بالنسبة للانجليزي ..

لو تقرأ أو تسمع تجارب الكل ..

راح يقولون لك نفس الكلام ..

يعني ممكن اول شهرين ما تدري وين الله قاطك فيه !

لكن تدريجيا و مع الترجمة و الدراسة بجد , تبدأ تتحسن اللغه عندك

و شوي شوي تحس ان حاجتك للترجمة قليلة ..

لا تتوترون ..

ادري ان في خاطركم تعرفون كل يوم درسنا فيه طب ايش كان شعورنا ^^

لكن هذا صعب ..

لكل شخص ظروفه الخاصه فيه

و لكل شخص قدراته

و كلام اللي حولكم , مجرد تجربه , عشان تستفيدون منها ..

لا تظنون ان نفس الشخص اللي عانا من صعوبة مادة او شي انها صعبه مثلا و العكس صحيح

يمكن يقول لكم هذي المادة سهله و تلقونها من وجهة نظركم صعبه !

لما تفتح الجامعه راح تهدون لانكم بديتوا في خوض التجربة ^^ و الكل يبي يوري الكل قدراته ..

في كل سنة ..

استقبل في هذا القسم طلبة سنة اولى ..

لاان هم اللي غالبا يكون عندهم خوف و قلق ووو الخ ..

لكن بعد ما يعدون هذي السنة , ما اشوف حد ..

تدرون ليه ؟

لان صاار عندكم خلفيه عن االطب و بديتوا تعتمدون على انفسكم !

و المرحلة الجامعية تعتبر مرحلة اثبات الذات و الشخصية و الثقه بالنفس ^^

كل شخص فيكم , راح يواجه ظروف .. قد تساعده في الرقي او في الاحباط ..

لكن كل أملي .. انكم تواجهون الظروف مهما كانت قاسيه و تكملون دراسة ..

لان كل ظرف يعدي .. و الامور تتسهل بقدرة الله ..

و الطب حاله حال غيره من الصعوبة و لكن كل مجال له صعوباته الخاصه ..

لذالك ثقوا في قدرتكم .. و قبل هاالشي ثقوا في الله , لان بقدرته راح تنجحون ان شاء الله

و موفقين يا رب

[يفوق الوصف]

السلام عليكم و رحمة الله و بركاته
عندي سؤال عن الزي من حيث الألوان المسموح بها لتنورة و البلوزات لأن ما عندي خلفية في هذا الشئ

[ta5ayal ansak]

مشكور وربي موضوعك مره جونـــــــــــــــــــــتان اهنيك واشكرك واي استفسار او شي تبينه يا ارجوان انا حاظر
وبنسبه لاختنا يفوق الوصف استفسارك مر على كثير لاكن حسب كلام طالبات الطب اول سنه يقلون البس مو محدد بس ممنوع لبس الجنز يعني بلوزه وتنوره وربي يوفقك

[اورجوان]

وعليكم السلام ورحمة الله وبركاته

الزي القديم

تنورة طويلة لونها أسود أو بني

بلوزة كم لونها أبيض أو بيج أو سماوي

القرار الجديد

تنورة طويلة و بلوزة كم أو ثلاث أرباع و الالوان مفتوحة

الحقيقة و الواقع

إن كلن يلبس على كيفه هههههههه

نصيحة لوجه الله

تنورة محترمة , يعني حتى لو جينز لكن اهم شي طويلة

و بلوزة براحتك , بيضا او ملونه و يا حبذا كم

و القرار يرجع لك يا أختي

موفقه

و شكرا لك يا اخي الكريم على مرورك و ما تقصر ^^

[يفوق الوصف]

شكرا على كل من أجاب على سؤالي

[اورجوان]

العفو ..

موفقه ان شاء الله

[ta5ayal ansak]

ولكم بسالكم عندي بنت عمي بتدرس سنه اولى في كلية الطب مثلنا بسال هل للبنات باصات توديها للجامعه تبع الجامعه او لا؟ وشكرا

[اورجوان]

لا , لا يوجد ..

كل بنت تتفق مع باص يجيبها و يوديها بأجره معينة

و غالبا بنات الاحساء يروحون و يجون الجامعة بـ 1400 أو 1500 ريال في الترم الواحد , يعني 3000 تقريبا في السنة

و تتفاوت الاسعار على حسب بعد او قرب المنطقة للجامعة ..

بالتوفيق