|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
|
أدوات الموضوع |
2014- 1- 26 | #6921 |
متميزة بقسم المدونات
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
يا ضايق الصدر بالله وسع الخاطر
دنياك يازين ماتستاهل الضيقة الله على مايفرج كربتك قادر والله له الحكم في دبرة مخاليقه حلو العيون استهانت دمعها الحادر كف العباير حزين الدمع ماأطيقه حسايف الحزن يغشى وجهك الطاهر والورد في وجنتك حرام تغريقه يفداك قلب على ماتشتهيه حاضر يفداك باللي بقالي من معاليقه مافات خله ولاتهتم من باكر واغنم من اليوم ماشائت توافيقه |
2014- 1- 26 | #6922 |
متميزة بقسم المدونات
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
اللي يقدرنـي اعـزه واغليـه
اسكنه قلبي مع أحلى التحيات واللي ما يثـق فينـي مابيـه كل مرة يعمل لـي اختبـارات يشك في حبـي ويظـن فيـه كل يوم يخترع لـي حكايـات وان تلاقينا تقول الأسئلة عينيه أجاوب وكأني بقاعة امتحانات ماقبل طعون الغدر علي تجريه طعنك لحبي ترك فيه علامـات كل مرة تعتذر عن اللي تسويه شين الفعل ماتمحيه العبـارات جرح الحبيب صعـب تداويـه ما تفيد فيه أدوية أو جراحات حبك لقلبـي أرجـوك تلغيـه قلبي ما يحتمل اكثـر اهانـات |
2014- 1- 26 | #6923 |
متميزة بقسم المدونات
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
تدري وش اللي يجرح القلب جرحين
..................ويمد حبـل الحـزن فيـك ويشـده انك تناظر طفل مـن غيـر ابويـن .................يمشي ودمعـة سايـل فـوق خـده منظر صعيب ويقسم القلـب قسميـن ................لا قـام يمسـح دمعـة بكـف يـده يمشي ولا يدري طريقة علـى ويـن ...............لين التعب من كثـر مـا تـاه هـده اثقل حـروف يشيلهـا فيـة حرفيـن ...............لا أب يـدريـبـه ولا أم تـــرده في خطوته رحلـة ودمعـة وسكيـن ................وحـظ توسـد بالمراسـي مـخـده جيت اسألـة بالله قللـي ولـد ميـن ...............وبغي يجاوب واختنـق صـوت رده أنـا يتيـم ومـا لدربـي عنـاويـن ...............وجزر الحزن فينـي يسـاوي لمـده وطعم الطفولة ما عرفته لهـا لحيـن .............وثوب السعادة صـرت مانيـب قـده ابكي إلى من شفت غيـري سعيديـن ................ليـن البكـا فينـي يوصـل لحـده واقفي ورحت امسح دموعي من العين ...............وعيني تناظـر دمعتـه فـوق خـده وهذا اللي يجـرح القلـب جرحيـن ..............ويمد حبل الحـزن غصـب ويشـده |
2014- 1- 26 | #6924 |
متميز في ملتقى الفنون الادبية
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
في داخلي طفل يبي العمر يوقف ! قلبه تعب ينسى لو الوقت نسّـاه طفل ٍ خذآ من سود الايام موقف ! ماهو بـ قاسي لكن الوقت قسّـاه , |
2014- 1- 26 | #6925 |
متميز في ملتقى الفنون الادبية
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
لله درك حتى في كذبتك غير ! لاتجحد طعونك ترى الجرح ينقد عقبك طموحي بس ابي ارقد بخير ! محتاج احد يقرأ علي لين ارقد , |
2014- 1- 26 | #6926 |
متميزة بقسم المدونات
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
على كثر الكلام وكثـر ماقبـل الكـلام جـروح
سكت ومالقيـت الكلمتيـن اللـي علـى بالـي أخاف ان قلتها وان قلتهـا ما قلتهـا بوضـوح توسدنـي ملامـات الرفيـق وشرهـة الغالـي كذوبه ياالهجوس اللي على الخاطر تجي وتروح بغيـت ازبـن ذراهـا واستريـح وماتهيّـالـي ورحت اتلي..شتاتي..واترجا صوتـي المبحـوح تموج ابي الدروب..ومسندٍ كفّـي علـى ظلالـي عسى ماانتي رجايه يابروقٍ فـي سمـاي تلـوح يشرهبنـي رعدهـا والظمـا بالصـدر همّالـي نقلت جروح مااعرفها بقلـبٍ مرهـفٍ مجـروح تنطحـت البيـاض وسـود الله وجـه عذالـي ولو طالت بي الحـروه وبانـت للمـلام شبـوح نهض شوفي جناحه واستبـان المرقـب العالـي ولو خان الشفق مـرّه ومـرّه طيـره المذبـوح بقى وكره على جبـاه النجـوم المرقبـه خالـي يسامحني رفيقٍ كل مااخطى قلـت لـه مسمـوح على كبر الهقاوي من رفيقـي مرخـي حبالـي ماهو ب..ذنب الكفوف اللي شذاها بالجميل يفوح الى من صافحت بعض الردى في بعض الاحوالي ماهو ب..ذنب الوفا والنيّه البيضا وطيب الروح وانا ثـوب الجمالـه مالبستـه جـرد واسمالـي على كثر الكلام وكثر غيضـي مانويـت آبـوح عساهـا ماتعـود الكلمتيـن اللـي علـى بالـي |
2014- 1- 26 | #6927 |
متميز في ملتقى الفنون الادبية
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
الليل يحكي قصة العشق للنوم ! والنوم يحكي قصة ٍ وسط حلمي , والحلم يرويهآ تفاصيل ورسوم ! ليت المنام اللي حلمته يتــّمـي , |
2014- 1- 26 | #6928 |
متميزة بقسم المدونات
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
ياابن الحلال انت وش تبغي بها الدمعه
بتموت ماشفت دمعة ذل مـن عينـي ماني حبيبـك اذا ضحيـت بالسمعـه لاذلني حب ويش اللـي تبـي فينـي؟ لاتزهم الليل كل اللـي بقـى شمعـه هي كل شـي تبقـى بينـك وبينـي وهج المكابر تـراه بيحرقـك لمعـه باكر ترى اقول لـك ماعـاد يمدينـي ابعدتني والقلـوب القشر مجتمعـه دايم وانا القاك دايم وانـت مغدينـي أهيم انا وانت مثل السبت والجمعـه ياقربنـا والصحيـح انـا بعيديـنـي |
2014- 1- 26 | #6929 |
متميزة بقسم المدونات
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
ياابوي لايلحقـك شـكٍ ولاريـب
انفض هجوسك وارفع الراس عالي أنا شبابك لاغزا راسـك الشيـب وأنا عضيـدك لوتجـور الليالـي أي والله ابشر يارع الطيب بالطيب والله ل..اسدّك لو يضيق المجالـي آمر وتحت امرك تهون المطاليـب إنخـا وتلقانـي قريـبٍ موالـي أجيك كلّي ماخشيـت المصاعيـب لي طبت تكفا يايبه طـاب فالـي ان عاش راسي عزيز المجاذيـب ل..اشيل حملك لو يفوق احتمالـي واطفي ظماك ان حتربنّ المشاريب واسقيك من زندي قـراحٍ زلالـي ولايهمـك ياكريـم المواجـيـب يفـداك حالـي يايبـه والحلالـي أبشر وذيبك يارفيع الشرف ذيـب ياأبـوي دام تشوفنـي لاتبـالـي |
2014- 1- 26 | #6930 |
متميز في ملتقى الفنون الادبية
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
تختنق في عبرتي سحب وغمام ! موجعه جدا ترى بعض الحروف لو اغض الطرف عن زيف الكلآم ! كيف اغض القلب عن حد السيوف |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|