يدا بيد .. توحيد الصفوفـ لرفع الضرر من اختبــار التحليل الاحصائي .. تفضلوا هنــا ~

[تومي *!]

_




بالنسبة لي تم رفع الشكوى ,

وان شاء الله ينصفونا

للأمام بوسي

_

[أبو رفعه]

انا ما يقهرني الا اللي يقول الاسئله اللي مو من المنهج خمس اسئله او سته
ياخي وش يحسووووون فيه
وهي تقريبا عشرين سوال وفوق

[أستاذ حلمي]

نعم لتوحيد الصفوف

كل الشكر والتقدير لك

[كاتمة الضيم]

ابكتب لكم صيغة الشكوى بطريقتين واختارو الي تناسبكم ،،

الاولى ،،

إالى من يهمه الامر ،،السلام عليكم ،،

نفيدكم علما بأن أختبار مادة التحليل الاحصائي ليوم الاثنين الموافق 10/7

لم يكن مرضي لاحتوائه على اسئلة من خارج المنهج ويمكنكم الاطلاع عليه

وتقدير الضرر الذي لحق بنا كطلاب علم نسعى لتحقيق أعلى الدرجات

ونتمنى إيجاد حلول منصفه ترضي الجميع ،،

وفقنا الله وياكم لما يحبه ويرضاه

ثانيا ،،

إلى سعادة العميد الفريدان ،،،،السلام عليكم ،،اما بعد

أقدم لكم هذه الشكوى أمل أن تجد أذان صاغيه لها فقد تم اختبارنا بمادة التحليل الاحصائي

ليوم الاثنين المنصرم وكما تعلمون الماده احتوت في مضمونها على مواد أخرى

واسئلة بشكل عام لم تراعي حتى الفروقات بين الطلبه ومثلكم كما هو معروف بمد يده

لمساعدة الغير والانصاف نتمى الالتفات لهذه الشكوى،،

شاكرين ومقدرين لك حسن تعاونك ،،

ترى عادي لو صارت الشكوى ارتجاليه بس بدون التلفظ ع احد ولا تكون طويله لازم الايجاز فيها

[نجلاء123]

انا معاكم اشتكيت مرتين يس عسى نلقى نتيجة

[نجلاء123]

مو معقولة ولا واحد من الاحساء الطلاب او الطالبات متضررين لازم واحد منكم يتكلم بصفة عامة

ع الاقل يدرون ان نقدر نوصلهم والا ترا بركب القطار واروح اسنتر عندهم

[أحمد3]

السلام عليكم"
فعلا كان اختبارا سيئاً, مع العلم انا حاولنا جاهدين استيعاب الماده , ولكن كل هذه المحاولات بائت بالفشل امام تيار التحليل الاحصائي ..

[New LiFe]

انا رأيي أن مرحلة الشكاوى انتهت ,,
والآن دخلنا مرحلة جديدة ,, مرحلة ترقب لردة فعل العماده

خلونا نكون واقعيين ,, العمادة ماتقدر الآن تتصرف اي تصرف لان الاختبار
ماله يومين مخلص ولازم تحقيق بالموضوع وهذا ياخذ وقت ,, ما اتفق مع اللي
يقول ان كلام الفريدان ابرة مسكنة والسبب أنه مستحيل يسوي اي تصرف
والاختبار ماله يومين ,, رده طبيعي وفيه تهدئة للطلاب ويُشكر عليها لانه مو ملزوم
يرد على الطلاب وهو لسى ماشاف نهاية تحقيق اللجنة المكلفة بدراسة الموضوع
لكن نقول لعل فيها خيره ,,

الكره الآن بملعب الجامعة وحنا ننتظر ,, ننتظر تطبيق الكلام بشكل عملي ,, مرحلة الشكاوى
بنظري انتهت لكن من الطبيعي ترجع اذا صار قرار العمادة مايتوافق مع رغباتنا ,,


الشكاوى يا أخوان كانت لتوصيل المشكلة للعمادة والآن الشكوى وصلت والعمادة بنفسها
ردت من خلال العميد فما ادري الشكاوى الاضافية ايش فايدتها حالياً؟

طبعاً انا اتكلم عن اللي سبق وقدم شكوى ,, لكن اللي ماقدم شكوى للآن لازم يقدم
كتسجيل موقف ع الاقل

[orginal]

معكم باذن الله ومن امس قدمت شكوى .
اهم شي بالموضوع مانبي اعادة اختبار ﻻن تعبنا على هالماده والحق لنا ان شاء الله .

[كاتمة الضيم]

بالعكس اذا وقفتو شكوى تعطونهم فرصه بأختيار حل متوسط لكن اذا استمرت الشكوى

تضغطون عليهم بحل سريع ومرضي لاسكات الجميع حتى ماتكبر المشكله اكثر وتتشعب

وهذا مو في صالحهم