~~ أعضاء تحت الأضواء .. ضيفنا اليوم هو ( Perf Manal ) ~~

[.Perfect]

المشاركة الأصلية كتبت بواسطة ابو فاطمة ~

بسم الله



1 - هل ندمتي على انك تحبين كرة القدم والتشجيع ؟؟

لا ابدا ماندمت فيه من الناس من يعتبر كرة القدم شي يسلب الانوثة وانا ماشوفه كذا ابدا بالنهاية *من باب ضرب المثال مو التقليد* , اكبر مدرجات العالم واضخمها نصفها بنات هل يعني ان كلهم خالين من الانوثه ؟ هذا مثله مثل من يعتبر المياعة انوثة .

2 - افضل لاعب مر على المنتخب في وجهة نظرك ؟؟

كل لاعب خدم بفترة من الفترات وتزعّم الفترة اللي برز فيها , كثير عندنا الثنيان وماجد عبدالله سامي وياسر مالك معاذ محمد نور وغيرهم كثير ( ذكرت لك هذولي لانهم تقريبا اللي لحقت عليهم )

3 - افضل رئيس نادي مر على الهلال ؟؟

محمد بن فيصل وكان ودي يرجع بعد عبدالرحمن بن مساعد لكن نواف بن سعد اثبت نفسه انه يستحق الرئاسة .

4 - هل تتوقعين ان فيه لاعب انظلم في الهلال بسبب سامي الجابر ؟؟

نوّاف العابد انظلم بس كان يستحق لانه بالعاميّة عندنا يبزوط كثير ويبيله نظام صارم مثل دونيس الحين خلّانا نشوف العابد القديم

5 - لاعب محلي ولاعب اجنبي مجود حاليا في الدوري تتمنى انه في الهلال؟؟

محلّي فهد المولد و اجنبي عمر السّومة

6- نادي النصر ؟؟

الله يفكّهم من مكابر كحيلان وتزين امورهم

7 - افضل لاعب مر على الهلال ؟؟

ويلي + رادوي + التايب + نيفيز هالرّباعي مجنون كل واحد افضل من الثاني


عاد ماودي اكثر عليك بالأسئلة

اسعدتني اسئلتك كثير , نحتريك عاد قدامنا ثلاث ايام جعلنا نتجمّل فيها

[.Perfect]

المشاركة الأصلية كتبت بواسطة صدى الأمل

1/ ما هو موقفك من الحب ؟؟ وهل جربته ؟؟ هل تأمن بوجوده ؟؟

مافيه حياه بدون حب , وما يقتصر على الحبيب او الزوج كل شي حولك مجبور انك تحبه عشان تعيش
اكيد موجود على كافّة الامور

2/ فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟

على حسب الموقف اوقات اخذ من الاثنين بعض المواقف يكون حكم العقل فيها قاسي ومجبور انك تضيف له بعض العواطف حتى اللي حولك يتقبّلونه بدون اي فرض .
واوقات المنطق يكون فوق حكم العقل والقلب واسلم نفسي له

3/ هل ندمت فحياتك على شي معيّــن ؟؟؟

لا الحمدلله مهما الواحد يعايش امور سيئة بحياتة لا يندم ابدا عليها
بالنهاية ناخذ من الدنيا دروس ولولا خطأ الامس ماكننا اليوم .

4/ ما هو الشي اللي يخلي Perf Manal فرحاانة؟

كثير اشياء بسيطة تفرحني , لو احد تذكّرني بشي + قهوة مع امي ومباراة يفوز فيها الهلال + خدمة اقدمها لاحد واشوف فرحته فيها + دعوه صادقة ... الخ

5/ المكان اللي تحس عمرك مرتااح فيه؟

على صعيد المنزل غرفتي .
خارجباً كوفي فاضي مافيه الا انا احتسي قهوتي واتأمل السّقف

6/ كلمه سمعتها ودايما على بالك ولاتقدر تنساها
من ابوي الله يطوّل لي بعمرة ,
دايم يقولّي البيت مايسوى بدونك

7/ ايش الاكله اللي ماتستغني

عنها في يوومك ؟

يومياً مافيه ماحب روتين الاكل ابدا .

8/ الـحـب - الطموح - النجاح - المال . . شنو اهميته في حياة Perf Manal

ارتبهم والا كيف ؟
الطموح قيمة للذات والحب ملح الحياة
الحب والطموح يحفزن على النجاح والنجاح يجيب المال , كلهم مهمين بالحياه

نورتي ياصدى

[.Perfect]

المشاركة الأصلية كتبت بواسطة rana.a

منال منوره الكرسي

نورك حبيبتي رنا

[﹎ нαįαя ♪]

-




























احم نبدأ




برأيك هل يوجد حب صادق بزمننا هذا ؟






اذا عزمتي على امر ما واخبرك البعض بأنه مستحيل ولن يحصل كما اردتي الخ ( تشـاؤم يعني ) , هل تكملين او تتراجعين ؟




هل انتي مع مقولة

البعيد عن العين بعيد عن القلب"؟ ولا مع "إذا العين لا تراك، فالقلب لا ينساك"

حاليا هذا اللي ببالي .

.

[A s s i r i]

نكمل

1 - عيون سحاب ؟؟


2 - لحظة انك تتضايقي من بعض آراء الهلالين العادة منال ترد ليش تلزم الصمت ؟؟


3 - لك فترة موقفه عن طرح مواضيع في القسم الرياضي ؟؟


4 - ( ماقد دخلت معك في نقاش جدي جدا في القسم الرياضي الى انحذف الموضوع هههههه معنى مافيه إساءة الى ان النقاش قوي) السوال هل فعلا حدة النقاشات الرياضية تفقد الأصدقاء؟ ؟


5 - نرجع على قسمنا ( المسابقة الترم الى راح صلحتي استطلاع كم عضو صوت ولا شارك )


6 - ايام الاختبارات جاك انتقاد قوي .. هل احد خذلك من الاعضاء كنتي تتوقعين انهم اول من يرد ؟؟


اكتفي بنعم او لا

[.Perfect]

المشاركة الأصلية كتبت بواسطة مـ غ ـترب فـيـ عـذابـكـ

بما اني بالحلاق نستغل الفرررص

:
س / اظن اعضاء قسمك ينادونك او يسمونك مرت الابو هل تتفقين مع هالمسمى وليه
ههههههههههههههههه من وين تجيب هالكلام يالمفتري ؟ انا الام الحنونة للقسم دام صابرة عليك
س / ردودك فيها حده مع ان شكلك بالصور العرض يكون عكس ذلك وش السبب

وقبل تعرفوني بالقسم كنتم تكرهونني بسبب حدّتي مع اني بحياتي الطبيعية وبباقي الاقسام ماني بهالحدّة .
لكن فيه مواقف تحتّم عليك الشدّة فيها خصوصا بالقسم الاكاديمي لاني احس انها امانة برقبتي مابي يصير مني قصور فيها واذا باقصر الافضل اني اعتذر من البداية . وبعض الطلبة يجبرونك انك تشد خصوصا لاكنت متّبع نظام معين ولاني اكره الفوضوية لابعد الحدود احب كل شي مرسوم وواضح من البداية .

س / لو تخرج مغترب وش بتجيبين لي هديه
المفروض هو يجيب لي لاني متحملته سنه بالقسم قاعد على قلبي , لكن تستاهل كيلو مكسرات بدون ملح .

س / اكثر عضو رفع ضغطك او ينرفزك وليه

انا شخصيتي انفعاليّة ودمّي حار ف بسرعة اتنرفز اوقات , لكن تقدر تقول انها مواقف مرّت بغض النظر عن الاشخاص ,


س / متى جاوبتي ع موضوع وندمتي وش كان


موضوعي مع عازف لما دعيت عليه صحيح انه كان غلطان بحقي بس ماكان المفروض اني اتخاطب بهالشكل معه لكن والله وبالله ان وقتها صدمني الكلام ودمعتي بطرف عيني وما تمالكت اعصابي لكن فعلا ندمت عليه كثير وبيني وبين نفسي كفّرتها بإني دعيت له وعسى الله يتقبّل منّي

س/ نظرتك ل مغترب وش كانت وش صارت

بدون مزح وماتعودنا عليه , الا ان شهادتي فيك مجروحه وانت عارف من عرفتك بالقسم لين الحين وانا اشوفك ونعم الاخ ونعم المعين بالقسم واشكر صبرك علي في مواقف معيّنة الترم اللي فات

س/ من اول معامله معك كنت اشوفك انسه منشن وبقوه وكتشفت انك سالي
ههههههههههههههههههه الحمدلله تغيّرت النظرة بس برضو مالك امان يامودير

س / اش تعني كلمه مودير بالنسبه لك


تعني الكثير والله وصارت دارجه معي من اشوف يوزرك اقول اوه المودير هنا


هذا بريك ولي عوده

نعيماً يامودير نحتريك بس خفف شوي لاتزوّدها

[.Perfect]

المشاركة الأصلية كتبت بواسطة wesh

ارحبي ي منال وخشمك يالذيبه ونورتي الكرسي


وبصراحه ما عرفتس ولكن يشرفني معرفتس من هالمنبر

ولكن لي عوده ان شاءالله مع كومه اسئله

البقا الله يسعدك > تسلّم خشم
الشرف لي ياعيني , حياك الموضوع موضوعك وانا تحت امرك

[.Perfect]

المشاركة الأصلية كتبت بواسطة ام حنان

# باك الدفعة الثانية

ام حنان ناويتني اليوم
جاوبي وبكل صراحة وبدون احراج ههههههههههههههههههههه




* اكثر شخص تراقبة منال بالملتقي

كثير بس مو مراقبه , يظل فيني وفاء لاشخاص كثير هنا احب اني اتطمن عليهم اشوف متى شبكو وكانو متواجدين , لان الوقت اللي نقضيه هنا بالملتقى بشكل يومي مو شوي ف صعب اني اجحدهم او ما اهتم لتواجدهم , تقريبا كل شخص متابعته انا اهتم بتواجدة وكثيرين والله ماحصيهم لك


* اخر تقييم من منو وشنو مكتوب فيه ههههههههههههههههههه

من صبا تو في هالموضوع , وكاتبه سالفة خاصه فيها ماقدر اقولها الا ان كان سمحت لي


* لج يوم واحد تمسكين الملتقي اول قرار لج

اشرّهكم نقاط كلكم


* لج فرصة وحدة تشوفين الخاص لشخص واحد بالملتقي منو و السبب

ماني فضولية والله , لكن بقولك king او ابو محمد , باشوف وش نوع البلاغات او الرسايل اللي تجيهم .


*ثلاث ساعات تسوين فيه اي جريمة بكل ساعة جريمة وماراح تتحسبين ( سرقة قتل الى يعجبج )اذكري 3 جرايم ؟ هههه

والله يابنتي ماذبح لك نمله تبيني اسوي جرايم ؟
بس ممكن نقول اذبح لي جندي اسرائيلي بعد مايكون اخذ اشد انواع العذاب .
هذي جريمتي الوحيدة خلال الثلاث ساعات

* الدول سمحت لج بقرارين راح يتنفذون بدون جدال شنو تختارين
- رخص قيادة لمن تعدت 25 عام .
- في حالات الطلاق يكتب البيت بإسم الزوجة والزوج يطلع منه

*شخص بملتقي تغيرت نظرتج له بعد الاشراف اما للاحسن او الاسوء منو ؟

للاحسن , هاجر + سلاف مو عشان كنت اشوفهم سيئات بس ماشاء الله مسكو مسؤولية ماكنت اتوقع انهم يقدرون عليها .
للاسوأ مافيه والله , ييظل كل شخص له حرية التعامل بغض النظر انه عجبني او ماعجبني نظرتي ماتزيد ولا تنقص من احد .

* فتحوا لج جميع اقسام الملتقي السرية اول قسم نفسج تشوفينه هههههههههههه؟

خاص الى ادارة الملتقى



راجعين لج هههههههههههههههههههه

خلّيني اتنفّس شوي بالرّاحة عليّا

[.Perfect]

المشاركة الأصلية كتبت بواسطة أريــــج ♡

محرج





لا الصوره اكيد خايسه مابي احرجك ههههههههههههههه ..

طلعتي اصغر








ابشري والله , جايه

محرج ؟ كان امس كنت نايمه على الساعه 10 الصباح وكلمني مندوب شركة شحن
على اساس يوصل لي شحنه قلتله انا متفقة مع مندوب ثاني يجيبها لي مسائي مو صباحي
قال عطيني رقم المندوب اللي اتفقتي معه قمت نقّلته رقمه نفسه
وهو عادي يسجل الرقم قفل االخط دقيقتين كذا رجع اتّصل يقولّي انا اهبل يوم اصدقك قومي صحصحي وعطيني الرقم والا ارجع شحنتك للمكتب > فصل علي الزّول .


قلت بنفسي اذا انا مفهيّة والله تصير انت غبي بعد ؟ اول مره اشوف احد مو حافظ رقمة المسيكين راح يتصل على نفسه لقى الخط مشغول

[ام حنان]

المشاركة الأصلية كتبت بواسطة Perf Manal

خلّيني اتنفّس شوي بالرّاحة عليّا

هههههههههههههههههههههههههههههه


قلت قبل ما اختفي اخذ نصيبي


خلاص رحمتج اخذت نصيبي من الاسئلة