[ جميع التخصصات ] : متى تبطلون الحركات هذي ؟؟

[مستبيعه]

بنااات انا مع راعيه الموضوع صراحه الله يعطيها العافيه

الله يستر علينا ان شاءالله ولا يبلانا الموضوع كبيرررر وزاد عن حده وانا بعد شفت بعيوني محد قالي وربي بعد حاجه اعوووذ بالله كيف الوحده تنزل نفسها لهالمستوى وانا اايد الموضوع ينكتب بالمنتدى لان في ناااس كثير مهمله بناتها الله يهديهم ان شاءالله

[شمعة القحطاني]

حبيت اقول لكل البنات
انتي خليك نظيفه و بعيده عن العلاقات هذي مو عشان أحد
عشان نفسك انتي , عشان ترضين ربك و ترضين ذاتك و تكونين كبيره ورافعه راسك
و ماتجي سيرتك الا بالطيب

و كل رجال
يحط في باله انه كما تدين تدان
اذا ضحكت على بنت لا تتوقع انك كذا رجال !!
انت كذا تكون شي نذل و توقع انها بتنرد لك

فيه رب يحاسب على كل كلمه و كل تصرف تسويه

كل حب خاطيء بحاجة الى وقت كآف فقط حتى ينتهي..!
او لنكن اكثر واقعية كل الاشخآص بوسعهم اخمآدة بسرعة قيآسية
ولكن المشكلة لا تكمن في انتهآءه ام لآ ، بعضهم تستهوية فكرة العذآب والخيآنة والشوق
فيستمر قرونا ظنا منه انه مآزآل يحب ويتجرع الآم الحب التي اصطنعهآ لنفسه ..!

هو سعيد بمزاجه التعيس ذلك وحسب

[shxsh]

فيه رب يحاسب على كل كلمه و كل تصرف تسويه

*: عجبتني منك اختي شمعه
فيه رب يحااسب على كل كلمه نقولها
والدنيا هي تدوور اليوم يكلم بنااات النااس ويلعب عليهم ويلعب بمشاعرهم
بكره تدور الدواير ويلعبون على ناااس من اهله
وعقاااابه بيجيه سواء في الدنيا او في الأخررة.

[c!nema]

*




دام البنت مااستحت على قولتك وحطت سبيكر ,, بتستحي انها ترد هنا.؟

الله يهديها اذا كانت غلطانه ويبعد عنا هالطريق ..
وترا ياقلبي عدي واغلطي بالاشياء اللي مو حلوه بالكليه
هالشيء يهون جنب اللي نشوفه بعيوناا

وترا في رب يحاسب يوم القيامه ومسجل كل شيء
يعني لانغلط على البنت ونتلفظ عليها ممكن ربك يسامحها
وانتي مايسامحك اذا غلطتي بحقها حتى لو كانت غلطانه


مااتكلم عن صاحبه الموضوع بس , لكل بنت ردت هنا

الله يجزاكم خير

[نجلآء]

المشاركة الأصلية كتبت بواسطة آمجآد

الله يعافيك

حبيبتي أنتٍ مقهوره لانها تلفظت عليك بالفاظ , أو لانها سمعت صوتك للولد أو تبين البنات يتعضون ..!


وبعدين أنتٍ سويتي فعل خيير جزاك ربي الخير . نصحتيها وان شاء الله اخذتي الجزء الحسن وهي بردها كتبت لها سيئه ..
واذا سمعت صوتك الولد شلون تروحين السوق وتشترين من البايع .!
تكتبين بورقة ولا أحد يتكلم عنك , اذا بتكلمين السواق شلون ..!
تبين البنات يتعضون أقل وحدة بالكلية عمرها 18 , دارسة 12 سنةة ..
تتوقعين ماتعرف الحلال والحرام !
كلهم يعرفون الحلال والحرام , كلهم يعرفون الجزاء والعقاب والحساب .!



هل هذا معنى حديث: (من ستر على مسلم ستر الله عليه) !

نعم، هذا حديث صحيح رواه مسلم عن أبي هريرة -رضي الله عنه- عن النبي – عليه الصلاة والسلام- أنه قال: (من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة، ومن ستر مسلما ستره الله في الدنيا والآخرة) وفي الصحيحين من حديث ابن عمر -رضي الله عنه- عنهما عن النبي -صلى الله عليه وسلم- أنه قال: (المسلم أخو المسلم لا يظلمه ولا يُسلمه، ومن كان في حاجة أخيه كان الله في حاجته، ومن فرَّج عن مسلم كربة فرَّج الله عنه بها كربة من كرب يوم القيامة، ومن ستر مسلماً ستره الله يوم القيامة) فهذا هو المشروع: إذا رأى الإنسان من أخيه في الله عورة يعني معصية فلا يفضحه ولا ينشرها بين الناس، بل يسترها عليه وينصحه ويوجهه إلى الخير ويدعوه إلى التوبة إلى الله من ذلك ولا يفضحه بين الناس، ومن فعل هذا وستر على أخيه ستره الله في الدنيا والآخرة، لأن الجزاء من جنس العمل، أما الذين يظهرون المعاصي ولا يستحون يظهرونها بين الناس فهؤلاء فضحوا أنفسهم، فليسوا محلاً للستر كالذي يشرب الخمر بين الناس في الأسواق والاجتماعات هذا قد فضح نفسه، نسأل الله العافية، وهكذا من يعمل المعاصي الأخرى جهرة ولا يبالي فهذا يرفع بأمره إلى ولاة الأمور إذا كانوا يردعون مثله ويقيمون عليه الحد يرفع بأمره، وليس محل الستر من أظهر فاحشته وأعلنها،

نسأل الله العافية.




من موقع الشيخ عبدالعزيز بن باز ..

جزاك الله خير آختي .. كلآمك جدآ سليمم آشكر لك رقي كلماتك

[*خوووخه*]

المشاركة الأصلية كتبت بواسطة غربـة روح

صدق فاضيات اصلا عيب عليكم بلاوي الكلية يعرفها اللي برا ترى الملتقى كلن يدخله
زي موضوع البويات واللحين المكالمات وقصم كل ماقلت إني أدرس بالآداب قالووا لي الله يستر عليك ويحميك من بنات الحرام وإإذا سألتهم ليه قالوا سمعتها شينة يعني بالله من مشين سمعتها غير هذولا اللي يتركون الزين ويجيبون أشين شي بالكلية ياارب رحمتك بس
أختي ثاني مرة إذا إنتي أو غيرك بينزل مووضوع زي كذا ياليت تككتبين الحلوول لهذي الظاهرة ولا اشلون ننصحهم ولا واشلون نبعدهم عن هذا الطريق ولا اشياء أحسن من إحنا نقول يووه تكلم ونقعد نعايرها بالذنب ونطلع بفضايح الكلية لاتنسوون كل من علقت على هالبنات
قال الرسول صلى الله عليه وسلم (من عير أخاه بذنب لم يمت حتى يعمله )
أي موضوع هادف فيه المشكلة وأسبابها وطرق علاجها اما تجيبين شي صار وتخلين كلن يشوف شي بالكلية ماله داعي
اللحين إنتي تركتي إن الكلية مافيها مكتبة وتركتي معاملاتهم لنا وتركتي اوقات الانشططة وتركتي اشياء مهمة كثيرة ما تتوفر لنا بالكلية وجيتي تتفضحين باللي يصير الله يصلحك ويهديك أختي قلت لك الموضوع الهادف له اسبابه وحلوله ياليت نلتزم بهالاداب وإحنا مسلمين قبل كل شي

العيب من اللي يسوي الغلط والعيب ان نسكت عن الغلط
وان احنا نطلع بلاوي الكليه بالعكس حنا مستنكرين هالشي وعلشان كذا نزلت الموضوع
ومشاكل الكليه تقدرين تنزلينها بموضوع وان شاء الله ان الادارين والمسولين يقرونه

[*خوووخه*]

بصراحه تضايقت من بعض الردود اللي يبررون هالتصرف واللي يبي يسكت ومايتكلم

بس انا كنت اتمنى ان الكل يستنكر هالشي ومايجي ويبرر له كان شي طبيعي

[رُزانـــا]

السلام علـيكم ورحمه الله وبركـاته

قال الرسول صلى الله عليه وسلم : (كل أمتى معافى إلاّ المجاهرون)
المشـكله ماعآد احد يستحي ولا يخآف عيني عينـك ..!
يَ بنــات خـافوا الله مدام مآ خفتوا من خلقه الواحـد مآ يضمن عمره ..
استغرب كيـف الوحده تخلي نفسـهآ لعبه بــ يد شخص يكلم مليون غيرهـآ ومثل ماهي تسمع البنآت صوته هو يسمع ربـعه صوتهـا
كيـف ترضون على انفسـكم تكونون [رخــاص] بهذا الشكل
الله يهديـكم ويصلحـكم يَ ربّ لأنفــسكم

[جغرافيا الدوسري]

المشاركة الأصلية كتبت بواسطة البدويه

شوفي بقولك شي .. قبل كم سنه ضادف جلست مع بنات ماهم شلتي بس جلست معهم سوو هذي الحركه لان الرقم كان يزعجهم فحبوا يستهبلون لي ماطفشوا ام امه صحيح تضايقت في البدايه بس قلت مساكين هو الي مزعجهم وحبوا يمهزلونه جماعي ..



...

بعدين مسالة تفك السبيكر هذي اول مره اسمع عنها ..

بس ان البنت تجلس ساعات طويله على الجوال تكلم في الساحه الخارجيه لنكن واقعين ثلاث اربع الكليه مخطوبين او متزوجين حديث .. وبعدين انا عندي صحباتي الي بالبيت او تزوجوا اجلس معهم ممكن طول البريك لا يعين هذا اني اكلم واحد ..

..

يعني لاتحكمين على البنات عشان كم بنت .. وحتى لو قلتي مثلا بعض البنات .. الحين بسم الله مايحتاج البنت تتعرف على ولد الحين داخل الكليه صرنا مكس

حبيت اعلق على ( المكس ) الصراحه جبتيها من الاخير لان مو قاهرني الا ذا البويات الي من جد مصدقين انفسهم الله لا تبلانى والبنت اذا تعرفت على بويه خلاص يغنيها انها تتعرف على ولد على الاقل تضمن ان محد يستغلها يمكن طلعت من الموضوع بس حبيت اعلق على الرد

[جغرافيا الدوسري]

المشاركة الأصلية كتبت بواسطة *خوووخه*

يعطيك العافيه بس انا ما اسأت الفهم
انا تكلمت مع البنت وردت علي بالفاظ استغفر الله
بعدين يحبيبتي انا ماشهرت فيه وقلت فلاااانه

الصراحه اغلب البنات مو راضين يفهمون الموضوع الي طرحتيه احس عدم فهمهم للموضوع يعقد السالفه اكثر الي تقول خالها والي خطيبها والي صديقتها البنت قصدها البنات الي لهم علاقات غير شرعيه مع شباب و مع ذلك يجاهرون وحبت تناقشكم الموضوع

خوخه كذا قصصدك ولا انا بعد فاهمه غلط ؟؟؟؟؟؟