[ النظام الأفتراضي ] : انطباعك (قبل) و بعد اختبار مبادئ الرياضيات

[هلآليه]

الاختبار جميل جداً بس انآ ماذاكرت والدكتور ماقصر الله يعطيه الف عآفيه اسئلته كانت واضحه مع ذآلك احس اني بحمل الماده "(

[rayom92]

الاختبار كان سهل و الأسئلة واضحة و مباشرة مافيها أي تعقيد كنت احب الرياضيات و حبيته اكثر على يد الدكتور ماقصر من اول محاضرة شفتها له و شفت وش كثر هو مهتم فينا و انا ادعي له

بس عندي مشكلة بالوقت خلص الوقت و باقي لي صفحتين و المراقبات يحنون على راسنا حليت الأسئلة بسرعة مو متاكدة منهم زي الصفحات الأولى كنت ماخذه راحتي فيها
مدري العيب فيني بطيئة ولا الوقت قليل بس ما كنت لحالي طلعت و لسى في بنات ما خلصوا

بس مدري ليه من امس من طلعت من الاختبار و انا مصدعه للحين

[fatoXm]

المشاركة الأصلية كتبت بواسطة Aseel-2

قبل الاختباااار قممممة الخوف ووقت الاسئلة ررررعب وطااارت المعلومات :(

المشاركة الأصلية كتبت بواسطة Aseel-2

بس حاولت اطمن حالي وسميت بالله والحمدلله تسسسسهلت مع مسألتين خمنت فيها
ومسألة مو متأكدة من الحل تبع .. ماهو الحد الاول اش طلع ؟؟ جاوبت ثلث موجب :/

والحين مرتاااااااحة ويااارب نتوفق بباقي المواد وافضل ..

اما بالنسبة للدكتور ثابت ماعليه كلام والنعم فيه وربي يجزاه السعادة في الدنيا والاخرة
حبيت الرياضيات منه وسهلها اكثر مما نتوقع .. يديم عافيته يارب ...

وبالتووووووفيق

نفس حالتي انا سئمت من هالسؤال وحطيت ثلث موجب بعد ان شاء الله صح
الاختبار يبي له نسبة تركييز عاليه وانا كذا بس الحمد لله خلص نسأل الله التوفيق.

-الدكتور ثابت ادعي له من قبل الاختبار جدا رائع ان شاء يستمر معنا

[.SAalharbi]

اايييه وبعد متاههات احس بالتحليل كل الاجابات متشابه بس الاشارات تختلف هنا انا اضيع بس يارب انجح في الماده

[r.m.gh]

الحمد لله اختبار اكثر من رائع وكمان الوقت يكفي وشكرا بحجم عطائك لنا دكتور ثابت على الرغم اني مافتحت ولا ماحاضره من المراجعه ولا شيكت على الواجبات واخر فصل ذاكرته على السريع وانا طالعه بس برضو ييبقى اختبار سهل

[بدون أسم4]

الاختبار بالنسبة لي كان صعب لان ماعرف بالرياضيات شي =)

بس كم مسأله حليتها بالحاسبة والباقي خرابيط =)

اعتمدت على الحظ بشكل كبير .

[الهنوف الشمراني]

الاختبار ؟.....الاختبار ماكان سهل ...الاختبار كان تااااقه ولا في الاحلام ..انا ماصدقت الاسئله بتكون بهالسهوله لو اني مذاكره أول بأول كان جبت الفل مارك ..قبل الامتحان كنت مرعووووبه ومن كثر التورتر جاني شد عضلي برقبتي وانا اراجع ههههه ..بس طلعت من القاعه وانا ارقص وأغني
الله يوفق دكتور ثابت ويسعده وين ماراح

[sondos n r]

الحمدالله سهل بس الوقت قصيير

[سبحان الله.....]

طلعت امس اخر بنت من الجامعه مافيه غيري والحمدلله المفروض ارد امس بس من الجامعه للعلاج الطبيعي عشان يرجعو العمود الفقري مكانه بس كان مره حلو بس لازم تاكيد ع الحل فهذا اخرني وطبعا يسالوني عن اسمي قسم بالله لولا الاثبات كان للحين ناسيته حسيتني فقدت الذاكره

[Modan]

عن نفسي اخذت تقريبا اسبوع و شوي بالمذاكره وكان صعب مو فاهمه شي..
وقبل الاختبار بيوم تسهل علي كل شي الحمدلله وحسيت المعادلات بسيطه!
بس اللي اغلط فيهم الموجب والسالب للحين ماقدرت افهمه

والدكتور مممره متعاون ومتفهم واسئلته جميله الله يوفقه يارب

احس اني قدمت الاختبار زين وان شاء الله الدرجات تفرح

والله يوفقنا كلنا ان شاء الله