[ جميع التخصصات ] : ما نبغى السواق السعودي خلاص طفشنا منه

[3sal safi]

مساء الخير

قطع الأعناق ولا قطع الأرزاق ...

صدقيني ما يقدر يسوي شي ، لو عالنظر خليه يناظر لين تنفقع عيونه

اهم شي حصني نفسك بالأذكار ، جبت لك أرقام يمكن تفيدك وتقدرين تبدلينه

إدارة الحركة

الهاتف : 038578607

مدير إدارة الأمن والسلامة

الأستاذ / خالد الربيعان

الهاتف: 038577000 -2201
038577000 - 2198
البريد الإلكتروني:haman@ud.edu.sa

المصدر : موقع جامعة الدمام

[Drop honey]

بنوتات والله ضحكني الموضوع الله يسعدكم
انا كان عندي سواق من اول ابتدائي وحتى 3 متوسط
وكان يعرفني تخيلوا كل سنة جديدة يشوفني من بعيد ويناديني بصوت عالي
عشان يقول لي وين وقف الباص هههههههههه
يا بنات ترى الرجال مو زينا يعرفون الحرمه بالعباية
ويميزون كثيييير
يعني الموضوع اكبر من موضوع انه يطالع عشان يملي عيونه
هذا طبع فيهم يحبون النظر كل الرجال + يبي يعرف كم باقي بنت بالباص
ويبي يعرف وين يوقف ، ويبي يعرف هذي البنت من بنات الباص ؟ اوقف لها ؟
اذا انت بحجابك خليه يطالع مارح يشوف الا السواد !
وإذا الامر مزعج كلموا مجموعة مشرف الحركة
او واحده تكلم ابوها يجي يكلم مشرف الحركة
انا الحين الحمدلله اركب مع سواق محترم جدا
ما عمره رفع عينه وطالع فينا ، انا اشهد له بالنزاهة
وجربت غيره كمان ولا واحد قل ادبه
يعني في بالحياة كذا وكذا
في اللي يطالع حب في النظر
وفي اللي يطالع عشان يعرف كم باقي ؟
وفي اللي ما يطالع وفي وفي وفي
سالفة الورردة هذي دايم اشوفها في الباصات
يختي يحبون الزينة الانسان جبل على حب الجمال
خليه يحط وردة وش يصير ؟!
وسالفة الرقم احسها عاديه كثير بنات ياخذون ارقام السواويق
عشان يكلموهم لو تأخروا
او يسألوهم متى يمشي الباص
يعني الموضوع بسيط جدا
اذا في مخالفة صريحه وصار يتغزل او يتلزق او يغمز او او
حينها لازم يجي احد يتفاهم معاه
لكن بحالة السواق اللي ذكرت قصته بالاول سواقي القديم
هذا من حسن نيه ويمكن من غباء شوي
الله يسعدكم

[fatmah20]

المشاركة الأصلية كتبت بواسطة آمجآد

ههههههههههههههههههههههههههههه

ضحكت ضحك على هالموضوع
يعني خلصتوا من التصوير جيتوا للسواويق

ابي افهم الحين السواق مو عاجبك و تركبين معه بلاش وتبين يغيرونة ليه ؟
مفروض تشكرين ربك ان لقيتي مين يوصلك مجانا ..
ماتبينه روحي اشتركي مع باصات الشركات ( اجنبي ) الي يسوق , ترا فيه يوصلون لجميع المناطق أو خلي اهلك يوصلونك ..

عيب تركبين مجانا و تتشرطين مابيه يناظر ولا اببيه يحط رقمه ولا ولا ولا ...
[color=b خير حبيبتي lack][/color]
لازم بيناظر مين بقي ماوصلها لبيتها ولازم يحفظك عشان ييحفظ مكان بيتك ولا ؟
وكم بقي بنت ؟
ويحط رقمه يمكن عشان البنات الي ناسيه كتاب تدق تقولة عشان مايضيع , جوالهها , بتتاخر ,

شوقي قلت لك كم حل عشان يناظر او يحط رقمهه ..

صفو النيه معاهم يَ ملكات الجمال الي لازم يتصبح عليك كل صبح

ترا حرام تحطين ب ذمتك , وبعدين ذا رزق ( قطع الاعناق ولا قطع الارزاق ) وراة عيال وبنات يبي ياكلهم يمكن ماعنده وظيفه غيرها ولا وش حادة ع توصيل مليون بنت ماله ذنب ..

انتي تضحكين وغيرك يموت قهر ؟؟؟لو اقدر اغيره ما قصرت ما استناك تجين تقولي خير حبيبتي ؟؟؟مجانا قولي بعد شفقه هذا باص الحكومه يعني من حقنا ومن حقنا ننقي السواق بعد ما احد له منه علينا خله هو.يصفي النيه عن ملكات الجمال على قولك ويبطل الاستهبال والغباء مو ذنبي يوصل مليون او مليونين هو يوصل لاا ده عمله احط في ذمتي ؟؟؟؟اكذب عيني واذني شرايك ؟؟من زمان مانبي نقطع رزق احد خله يحافظ على رزقه نبي نبدله ما نفنشه ؟؟كأني اتكلم هندي القصه مو قصه مناظر بس

[fatmah20]

من وضع نفسه في مواضع الشبهه فلايلومن الا نفسه

[بآربي]

المشاركة الأصلية كتبت بواسطة fatmah20

حبيبتي شكلك طيبه وعلى نياتك عندي كلام ثاني بس ما ودي اتكلم علشان لا تصير نيتي التشهير واحد يلومني وتوصل لقطع الارزاق ويش دراك مامدها لي ؟؟؟؟؟؟ ووتتوقعين كل الكلام يصدر من وحده بس لانها شافت شي ما يعجبها الموضوع جدي انا ما اهرج ولا ااعطي افتراضات

طيب دامك كيذا مرا متأكده و مخليه الوضع تعدا النظرات و القز
وييين اهلك عن الموضوع ؟؟؟
ليه ساكته للحيين ؟؟؟
مو معقوله تكتبين الموضوع بالمنتدى من غير ماتشتكين
هذا لو تحححرش فيك و صرح بشكل علني بنيته
ع قوله وحده دامك واااثقه و متحجبه وش عليك منه يطالع او مايطالع ؟؟؟
لو تحرش فيك هذيك الساعه يصير خير


و انتي تقولين فيه بابين و يبيكم تنزلون من باب واحد حسب اللي استشفيته منك
عشان يقززكم ؟
طيب انتي جربتي الباب ؟؟ شفتيه صادق بكلامه او لا؟؟؟
شفتي صدق خربان الباب او يكذب ؟؟؟
اذا ماشفتي مالك حق تدخلين بنيات الناااس عشان بس ظنون و تخيلات انتي تحسينها
او موقف تعرضتي له بالاول و تحسبين اي نظره او حركه يعني قله ادب
زي وحده هنا بالموضوع تقول المصري يقول ياستي مدري ايش
هوووووو كيذا اسلوب المصرين تفكيركم و الله الغلط بسبت الكبت
اي كلمه او نظره تفسرونها شي شين
و لا الطامه اللي تقول ماشفت عليه شي بس شكله مو مريح
وش عليك من شكله ؟؟؟؟
ان بعض الظن اثم


و الخلاصه اللي مو مرتاح يغير الباص حقه
و الحمد لله انا سواقي خاص بلا هالمشاكل اللي ماتخلص

[holsten]

ويالليل ماطوولك

تووصل الصفحات الى 100 و103 وأكثثر ولآ أححد مستمع لككمـ ..

هذي البآصصآت الحككوميه واللي شايفه انه في شي مو عآجبها ترى مو غصصب لآتركبين به

أنآ أرككب بآصص حككومي وعآدي ولا همني لسسانه طويل ولا قصصير ولآ عيونه زآيغغه ولآ أعطيه وجه حجابي كامل وساتره ولآ همني اهم شي أوصصل بيتي سالمه

ومانيب راكبه على حسسابي أنآ عششان أحتج ولآ أدفع للسايق راتب من جييبي


وجههة نظظر ..

[ثقافه]

أولا البنت عرضت مشكلتها للمساعدة و طلب العون لا أكثر ,
أغلب المعارضات يا سيارة خاصة يا باص الحكومة سلمت من أشخاص العيون الزايغة .
ثانيا و إن كانت باصات الحكومة مجانية , من حق الطالبة أن تعرض المشكلة التي تواجهها , إذا كان بدايتها نظرات تجاوزت الحدود فلا نعلم ماذا ستكون اللهم احفظنا و استر علينا
أخواتي المعارضات إذا كانت لديك مواصلات و أهلك موفرين كل ما تحتاجينه , إذا زوجك أو والدك أو أخيك هو من يأخذك من الكلية ,, غيرك لايجد هذا الشيء ... فعليك أنتي من تحمدي الإله على ما أنت عليه..
إنتي مو هي و هي مو إنتي , لا تحسبي الناس بنفس ما إنتي عايشه فيه .
ثالثا على قولتكم القز , إيه نعم و بقوة و لا نكتفي بذلك
و الله ثم والله السعودي و الأجنبي كلاهما ينخاف منهم
و لا يوجد مقارنة أو أفضلية بينهم إلا من رحم ربي , و الحريص هو أبوك و بمن بمثابته فقط
طيب أفرضي أبو الطالبة متوفي ! ميزانية البيت ضعيفة و تضطر إنها تدوام بباص حكومة , أقسم بالله إني أعرف بنات بهذه الحالة ما لك أي حق تقولين و لا داعي بإحراجهم بهذه الجمله
(الباص ببلاش) و أحمدي ربك ! نععم و الحمدلله لكن حين يتجاوز حده هنا نقف و يتطلب تغيره أو نقله لأي باص أو أي شغله
المفروض ما يوظفون ناس عيونهم زايغه !
إذا هم ما مشوا على
قال تعالى: {قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ (30) وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فَرُوجَهُنَّ }
فكيف يؤتمن لهم ! حتى أصحاب عباءة الخيمة لم يسلموا من عيونهم ؟!
يعجبك في أن تمشي و يفصصك بالنظر و حتى و إنتي نازلة يطالع كأنه أول مرة يشوف مرأة تمشي ؟!
و بالفعل كما تقولون هم ينظرون لنا لمعرفتنا
لكن للأسف مواقع وقوع النظر ليست في مكانها !!
و قد تجاوز الأمر عن حده .... أختي فاطمه لا تخجلي من عرض مشكلتك
أن متأكدة إنهم ما حسوا بالي تحسين فيه
و أنا متأكدة إذا واجهوا هذا الشيء ما راح يسكتوا عنه , و طبعا واضح إنهم لم يقعوا على ناس كهؤلاء التي تعاني منهم ...
عموما أهم شيء ما سمعنا شيء كبير صار معهم أو مصيبه صارت
لكن إذا لم تجدي حل فالله يعينك .
و خلي أخوك أو أحد كبير إن وجد يوقف عند باب بيتكم و يطالع فيه و إنتي تنزلين ممكن يتأدب و يبعد نظره
أسأل الله أن يحفظك و يحفظنا و يسترنا و تجدين حل لمشكلتك

[اسلامي سر نجاتي]

آخ بس يا بري حآلي لا رآحوا السعوديين

اليوم حآولت احفظ شوارع منطقتنا مآ قدرت . .

ما يعرفها غير سواقي بالصبح و سواقي اللي بالظهر

يبي لي انزل افر الشوارع مع اخوي عشان احفظها

[مآنتفق]

اللي عندها اي شكوى ع السواقين تروح تقول للامن عن السالفه وهم بيقولون لها تروح عن رئيستهم تبلغهم بالمشكله والافضل الامن اللي اسمها زهره << طيوبه وتدلك

المفروض يكون هالموضوع فيه حلول لمشكلة البنت

وهذا اللي طلبته منكم مو يكون انتقاد ع البنات

ومهما كان سعودي او اجنبي فيه الزين وفيه الشين

.

[u s e r]

لا حول ولا قوة إلا بالله