[ مذاكرة جماعية ] : *** طريقتكم بالمذاكره ***

[نهرالعطا]

شكرا نقاء

[نقآء~]

العفو ي الغالية

[المعيده ساره]

فديتك يانقاء
عساك ع القوه يارب وفالك النجاح بتفوق..

[sara sara]

المشاركة الأصلية كتبت بواسطة نقآء~

السلام عليكم و الرحمة

كيفكم مع المذاكرة

قبل كم يوم بدأت ب مذاكرة مادة الإستماع و الإستيعاب
و الحمدلله كانت بداية موفقة من الله
ب الرغم أني م سبق و فتحت هالمادة
و كنت إطلعت ع مواد التخصص اللي عندي هالسميستر
وهي
(التركيب اللغوي)
(القراءات و المطالعات)
(الإنشاء و التعبير)
(مدخل إلى اللغويات)
مع أن مستواي ف اللغة الإنجليزية موب ذاك الزود
لكن غامرت و إخذت كل هالمواد

المهم الزبدة و م ابي اطول عليكم

إبدأوا مذاكرتكم ب هالمادة اللزيزة جدا و الخفيفة
و ب أقولكم ليه و إيش السبب..
أولا إسمها إستماع و إستيعاب
يعني راح تقوي عندكم الفهم و كيفية التحكم ب خاصية السمع
و التركيز ع كل شي نسمعه ف المحاضرات
و دكتورها جدا جدا جدا رااائع >> حكمت عليه من خلال المحاضرات
و لغته واضحة وسهله و مبسطه و أغلب اللكلمات فيها
سبق و درسناها و نعرفها
و الحمدلله و المنلَّه إنتهيت منها ف أربع أيام
و المعنويات إرتفعت و رجعت ثقتي ب نفسي عقب م أنهيت أول مادة
و الحين بدأت إن شاء الله
ف مادة القراءات و المطالعات
و عقبها أبدأ ف التركيب اللغوي
ثم الإنشاء و التعبير
و أترك مدخل اللغويات ل أخر شي
يعني أبدأ من الأسهل ل الأصعب
و بما أن كل مادة مرتبطة ب الثانية
ف قررت أن أمشي ع هالترتيب
و أما المواد العامة وهي
(الاخلاق الاسلامية-الانترنت و الاتصالات-القراءة و المحادثة)
ب أتركها ل آخر شي لآنها تعتمد ع الحفظ
و م ابي احفظ الحين ثم أنسى

و هذي كل السالفة و طولت عليكم صح

لكن م كتبت هالرد الا عقب م حسيت ب أن معنوياتي ارتفعت
و استانست ب انتهائي من اول مادة
و حبيت افيدكم وياي و تستانسوا انتم بعد
و لا تنسوني من دعواتكم

و إن شاء الله لي عودة ل أضيف روابط أهم المواضيع
اللي أفادتني من ناحية المذاكرة و الفهم ل مواد تخصصي

الله يسعدك رفعتي معنوياتي زيك بالزبط نفس المواد اللي نزلتها الله يسرلنا جميعا بديت مع بداية السنه الجديده الله يفتح نفووسنا ياارب ويوفقنا

[العصفوره]

ياهلا اختي الصراححه عن نفسي ماابدات بشي ابدا غير اني احل واجباتي واشوف محاضراتي لاغير

[Hend Alqahtani]

حمـآآآس ( يسععد لي أبوو أبو جوكممم ي حلوين )

من جد حبيييييييتكم وحبيت تفاعلكمـ ..

صآر عندي روح الحمآس والتفاءل من قريت هالموضوع وهالردود الي تشرح الصدر

جزاك الله خير ( معيدة سآرة )

وشكرآآ لكل شخص بعثر حروفه هنـآ ومزجهـآ بروح التفاءل

أدعو ربي للجميع بالتوفيق والنجـآح ( وفآلكمـ a+ )

بالنسبةة لخطتي ( الصدق ماخططت ) بس اني اتابع أول بأول ولله الحمد ..

ولكن قررت أتبع خطة الأخت نقآآء .. عجبتني كثير وحمستني ..

وبإذن الله راح أبدأ بمادة الاستماع والاستيعاب ..

Good luck

[المعيده ساره]

^^^

الله يعطيك الف عافيه
وفالك التوفيق ،،

[االشوق]

السلام عليكم ..

الله يسعدكم ويوفقكم أجمعين



انا للحين ما بديت بشي بس حليت الواجبات والمناقشات وحملت المحاضرات
كلها عندي ظروف مايعلم بها الله والله يعين


تتوقعون يمدي اذاكر خذيت هالترم سبع مواد

الاخلاق الاسلاميه
التركيب اللغوي
الانترنت والاتصالات
الاستماع
الانشاء والتعبير
القراءة والمحادثه
القراءات والمطالعات


احد يعطيني خطه امشي عليها احتاج الى دفعه تحركني



يارب يفرج همومكم وهمي