كليه الاداب والعلوم بالخفجي (( أرحموا من في الأرض يرحمكم من في السماء )) ..

[بدون عضويه]

المشاركة الأصلية كتبت بواسطة نـــزف

بدون عضويه اساسا حياتك ماهي قائمه ع مبدأ حب لاخيك م تحب لنفسك للأسف..

وبطبيعة الانسان م يحب الضيق والحشر..

والرسول عليه الصلاة والسلام قال لايؤمن أحدكم حتى يحب لاخيه م يحب لنفسه,,

ووين تطبيقك لهالكلام..

انتي اكيد م تحبين الضيق شلون ترضينه لخواتك بالاسلام..؟؟!!!!

م لنا الا الدعاء ..

ندعي بتفريج همنا..

وندعي لك تمشين ع اساس هالحديث ..

والله يكفيك شر الانانيه..

ويعطيك ع قد نيتك..

اول شي من قال انها ضيق ترا الضيق في الصدر

يعني لو وحده تبي تدرس وتبي شهاده كان ما التفتت لهذي الاشياء

لاكن فيه مقوله دايم اسمعها (عذر البليد مسح السبوره)
وعذر البنات ساحه ضيقه

[مدرع ـمه بشويش]

بدون عضويه

وش عليك قاعده بالبيت لاشغله ولامشغله

رجاءا الردود لبنات الكليه فقط

لان اللي يده بالماي مومثل الايده بالنار

ويعطيكم العافيه على المرور..

[مدرع ـمه بشويش]

المشاركة الأصلية كتبت بواسطة بدون عضويه

دقيقه اول شي انا ولد ثاني شي صلاتي لنفسي وبعدين اذا تعتقدين ان اللي بالمنتدى مايصلون فانتي مشاركاتك وقرقرتك اكثر مني بواجد

واخر شي حبيت اقوله ان هذا القرار ماسووه كذا فيه دراسات واشيا يمشون عليها
وبعدين تركتو كل مشاكل الكليه ووقفتو لي على ساحه
اللي يشوف ردودكم يحس انكم عايشين عشان تجلسون فيها
مو عشان تدرسون

لانك ولد ماراح تحس ولاراح تحس بمعاناتنا

وكنت متأكده انك بتقول كذا

بس الساحه مثل ماقلت اهم شي بالنسبه لنا

وانت صادق عشان الفرفره والوناسه

بس مومعناته انا ماحنا يم الدراسه

هذا نوع من الترفيه لنفسنا بين المحاضرات

وهذا الشي اللي كان يسلينا بالكليه

لامبنى يفتح النفس ولاامن نفسيتهم حلوه

وكل شي مخالف وجت على الساحه بتمنعونا منها

يعني منحشرات في البيت وبالكليه بعد

ماقول الا حسبي الله على اللي مايقدر

والملك على قوله البنات كل يوم يوسع بالكعبه

مايبي الناس تضيق وتاخذ راحتها

اتمنى تتخذونه قدوه لكم

اساسا واضح منهم انهم يبون يطفشون البنات

لاجتالساعه 12 الامن يطلعونا بنروح لورعانا وبنسوي غدانا

تقل محد عنده عيال الا هم ولااحد عنده غداء ينتظره

نفسيييييييه زفت

الله يعدي سنيني على خير

اترك المجال للبناااااااااااااااااااات ..

[مكبره المخده]

ياخوي انت وش بلاك جاي بإسلوب الاندفاع


ياخي يا تقول خير او لتصمت

حنا اللي قاعدين بالكليه مو انت

وعارفين وش اللي فيهاا من بلاوي

ومحد بيحس بالنار الا اللي واطيهاا

و بعدين حنا مو بس تكلمنا عن الساحه هم تكلمنا عن

اسلوب الامن معاناا

.......

بعدين يكون عندنا بريك بين المحاضرات

والله ما يصير ادق على السواق واقول تعال

ودي البيت عشان باقي ساعه او اقل بعد

ورجعي والله بحجه ما عندنا ساحه وانا ماني جايه الا للعلم


فكر بعقل ..!!

[تبــآ لـ آلحنيــن]

.,.
الأخ بدون عضويه
من قوآنين أقسآم كليآت ‏البنآآآت
إنه تمنع فيهآآ مشآركة الذكوور !
.,.

[*ملااااك*]

منذ فتره تكلمنا عن سوء النظافه في هذه الكليه لاأنكر ان بعد الموضوع الذي طرح

لم يحدث شي بالعكس لكن ليس كتوقعات البنات الى الان نعاني من سوء النظافه

ونعاني من الاتربه الموجوده على الارضيه والكراسي وكل زاويه وقاعه في هذه الكليه

ولايوجد من يراقب العاملين ((نحتاج الى النظافه ))..

حياااك اختي هويت العلم ..

احب حمآسك وجرأتك في الكلام ..

بس حبيت اعلق تعليقات بسيطة يا ليت تتقبلينها بصدر رحب ..

اولآ بخصوص النظامة حرام تقولين مو نظيفة اسألك بالله انتي لما تجين الصبح تلاقينها وصخه ؟؟
تلاقين وصخ بالساحة ؟؟
ووالله البلا من بناتنا فررق بين الصبح ووقت البريك محد يكلف ع نفسه يقط الوصخ بالزبالة ..
صحيح الغبار شوي مزعج بس ما يقصرون ينظفون قدر ما يقدرون ..
هذا جوونا الشكووى لله مانقدر نقول شي ..
ولاتنسين كليتنا مكشوفة..
بس الظلم شين وو الله حتى الحمامات نظيفة ..
الله يرحم ايااام اول شلون كنا وشلون صررنا ..
احنا نطمح لنظافة اكثر بس مو معناته كليتنا ووصخه

الامن / موضوووع اخر .. لاتكفي صفحه او صفحتين للتكلم عنهن لكني سأحاول أن

أختصر ..

بالعاميه (( شورهن براسهن )) يفعلن مايشأن ولانعلم اذا كانت العميده لديها خبر ام

موافقه على مايفعلن

اتحداااااااااااااااااااااااااهم يسوون شي من راسهم ..

عيب الامن مااااافي اسلووووب ابدددا وظلمهم انهم يدخلون بنات ع كيفهم ..
الأمن ما تقدرين تتناقشين معاهم ابدددا ,,
وهذا الشي كلنا منزعجين منه ..
اتفق معك بهالنقطة ..

وعندما تأتي الساعه 12 تماما يخرجون البنات من الساحه الداخليه الى الخارجيه

بالشمس زعما منهم ان هكذا سوف نخرج بالعكس هم بأفعالهم هذه يجلبون عناد

الفتيات لانفسهم .. هل هذه روضه للأطفال ام كليه للكبار ؟

للأمانة مآ يطلعوون الا السآعة 1 هذي شغلة ..

الشغلة الثانية صحيح هالحركة مزعجه ..
بس هم ما جابوها من راسهم ..
الحركة لها مساويء وايجابيات ..
المساويء الحر و القرف و الواحد مايحب يكون مقيد ..
بس الايجاابية الوحيدة اللي تشفع لكل شي ..
خففت وبشكل كبييييييييييييير مصاخة البنات اخر الدوام وحركات البويات و القرررف ..
وووالله يا بنات قبل انا نشوف مناظر تستحين منها وبالساحة الرئيسية و بالدور الثالث اللي اخاف اجيه وما دخلته الا بسنة ثالثة ..
كل هالاشياء خفت و تقلصت ..
خلونا نفكر بشكل ايجابي احسن من التهجم

في وقت الدوام الرسمي عندما يخرجون الطالبات من محاضراتهم يوجد لديهم 10 الى 15

دقيقه وقت يستمتعن فيه لكن ليس بالشمس وعندما يذهبن الى قاعات فاضيه يتم

طردهم من قبل الامن لانعرف الى الان لماذا واحيانا يتركوننا

بالعاميه ((مزاجيات وكلن على حسب رواقتها ))

لا بهذي معاهم حق لان وباختصار في كثير بنات همجيات مع احترامي لكم ..

مومعقولة من يقرب البليك نشووف البنات يطلطلون علينا بالقاعة و يفتحون الباب ويسكرونه ..
ولا يصرخون بالاسياب بعد الدكتارة يبون يعطون محاضرتهم بجو هادي و من دون مقاطعهم ..
اذا ضمنتي لي محد يسوي هالحركة ووقتها بتفق معك

المخالفات >> هنا العتب على عميده هذه الكليه لكي تثبت لنا شخصيتها ومكانتها

تظلمنآآآ .. لانعرف ماذا نلبس كل شي مخالف الصور كـ (( عينين او اشكال للرسوم

المتحركه او صور لأي حيوان كالفراشه والنحله )) مخالفه والكلام الانجليزي مخالف

والتنانير الميد التي بين القدم وبين الركبه مخالفه والاكمام القصيره مخالفه حتى

في الصيف ..

هل هذه جامعه بنات ام بنات وأولاد ؟

نريد الحريه أكثر في أختيار اللبس وخصوصا في الصيف الحار نريد ابعاد المخالفات

عن الاكمام القصيره نريد الابعاد ايضا عن الصور والكلام الانجليزي فـ مستحيل

ان تلبس طالبه قميص مكتوب عليه مايسيء لها اتمنى تدققون على هالموضوع

لا لا لاتزعلين نفسك بهالنقطة بشرحها لك بشكل كااااامل ..

احنا مدرسة بنات و ركيكات و حلوات بعددد
و العميدة لا تفرض شخصيتها و لا شي ..
لما سمحت بالصور لقت البنات يصورون محادثات صديقاتهم بالبي بي و يطبعونها و يجووون ؟؟؟
بالله هالحركة وش رايك فيها ؟؟؟
معقولة تصرف بنت جامعية ؟؟؟؟؟؟؟؟
لما سمحت بالعبارات تفاجأة بعبارات منحطه لابعد الحدود ..
ولاتقولين محد بيلبس شي يسيء له ..
وووربك وو الله شاهد علي اني شفت ووحده لابسه بلوزة في عبارات غير لائقة
المصيبة اعرف البنت و انصددمت ووريتها صديقاتي ولما قعدت البنت معي بالفرشة ..
قعدت اقولها تعرفين انجليزي قالت لا
سكرت و عرفت انها لابسه لبس ماتدري وش مكتوب فيه ..
في هالحالة بعد نقولها مانلومك يا عميدتنا ..
سالفة الميد ووو النص كم ..
اقووولها بالفم المليااااااااااااااااااااااااااااااااااان ..
يستااااااهلون بنات الكلية ..
العميدة ماقصرت سمحت بالميد اللي يطلع كعب الرجل ولقت البنات تمادوا ولبسوا لنص الساق
سمحت بالنص كم فوق الكوع بثلاث اصابع ولقت البنات يلبسون جبنيز
سمحت بالسكيني ولقت البنات يلبسون الشفافة
يعني وباختصااااار بنات كليتنا يبي لهم شدددة غير كذا ما ينفع ...
بتجين تقولين لي وش ذنب الملتزمين بالأنظمة بقولك و باختصار غيرها خرب عليها

ومن جهه متقلبات المزاج (( الامن )) في الصباح الباكر وعلى حسب مزاجهن

يدخلون المخالفات اللاتي يعرفونهن والباقيات يأخذونهم الى شؤون الطالبات

اتفق معك بالنقطة يا قميلة

وجوالات الكامير لاتعد ولاتحصى في هذه الكليه بعضهن تعلم عنهن متقلبات المزاج

ماراح نخلص من هالقضية ..

ترى ع فكرة كل الناس صارت تدخل جوالاتها الكاميرا حتى بالعروس عادي ..
ماابقى الا خفجينا الله يهديهم ويصلحهم للحين تفكيرهم تصوير وانشر و انتقم ..
ما ادري متى بنكبر عن هالسوالف ..
انا مع المنع بكليتنا لما يرتقي مجتمعنا و يفهم الخصوصية و يعرف ليش اخترعوا جوال الكاميرا

ووه تعبت

ارجو انك تتقبلين كلامي بصدر رحب انا ابديت رايي ..

لك الحق توافقيني وترفضين اللي يريحك ..

لي باك ان شاء الله لباقي الاشياء اللي ما تطرقت لها

[ج ــرح]

آخآنآ في الله بدؤن عضؤيه
آنت ي أمآ ,,ؤلد ؤحده من الآمن?
ي آمك الععميده
ههع ,بس قؤل آممممين عسسآإك تجرب إللي جربنآه الأربع سنين إللي رآحت ,,





م آتمممنى لك هالشي بس عشآن آثبت لك آنؤؤؤؤه م يحححس بالججمره آلآ ؤآطيهآإ,
ؤبعدين رجآإءآ آطلع من ذآ القسسسم نبي نكشف ؤنسؤلف ع رآحتنآ ,

[نوري 91]

سوري بنات
بدون عضويه اخوي
وقاعد يعاند فيني اتركوووه لاحد يعانده اكثر
وسوري مره ثانيه عني وعنه

[نـــزف]

آجل طلعت ولد

[مدرع ـمه بشويش]

ملاك

اتوقع الموضوع واضح قدامك

انا ماقلت انها ماتغيرت من ناحيه النظافه

بس مازالت فيها وانا ماظلمت احد ويقدرون البنات

يشوفون بعينهم يعني كلنا نكذب وانتي الصح

وبعدين من قال انهم يمسحون الغبار كل مااقعد

على كرسي ولامكان لازم انظفه من الغبار وتطلع بعد هذا كله

تنورتي بيضاء .. هذي مووساخه واللي فيهم ربو شيسووون

خوياتي 2 نفسيتهم وحساسيتهم زادو من بعد دخولنا الجامعه

ماقول الا يالبى الثانويه ..

وزين انك اتفقتي معي على الامن

وعلى الطلعه مودايم وحده يطلعونا احيانا 12ونص واحيانا12

شكلك ماتشوفين الساعه كل يوم

وخير غنم حنا يطلعونا بالقايله انا بسايق حكومي

والحكومي مايمشي الا 10 و 2 بهالفتره اضل متنقعه بالشمس

الظاهر ماعمرك جربتي هالشي لانك واضح موحاسه

وعلى الفترات القصيره حاسدتنا انا نقعد بتكييف

والهمجيات اللي تقولين عنهم لو فيه امن يشدد ويقوي العقوبه

صدقيني محد بيسوي كذا واكيد القاعات لها مفاتيح كل استاذه

تدخل محاضراتها بعد 10 دقايق تقفل الباب هذا موحل افضل

وعلى المخالفات اوك تمسح اللي يكتبونه البنات موتمنع الصور كلها

ولاتدخلهم الكليه عشان مايلبسونها مره ثانيهوالكلام اللي يسئ

بسم الله عليهم الامن المفروض جايبين ناس تعرف انجليزي واللي تشوف

الكلام مش ولابد تخالفها وخلصنا وعلى التنوره اهم شي ماتطلع الركبه

والميد مااتوقع انه عيييييييب عند احد

لكن التي شيرت مالازم يمنعونه خصوصا بالصيف وهذا راي الكل

والشفاف معاهم حق يمنعونه اما الباقي لا حنا موروضه

روحي للجامعات الكبار وتعرفين كلامي



انا مااشوف بالموضوع اي شي فيه ظلم لاحد والبنات كلهم

موافقيني الراي

وعالعموم يعطيكم العافيه على المرور...