تجمع طلاب ادارة الاعمال( اشغلوكم بالخطأ الاملائي عن اسم التخصص)Business Administration

[Adel F]

ي نملة .. مسألة عهد الفريدان ومقارنتها مع النجار هذا مو موضوعنا .. ومثل ماتعتقد أنه أحدث طفرة .. أنا أشوف أنه أحدث لخبطة في العمادة ..

نرجع لموضوعنا الرئيسي .. ماستفدت من خدمة أرامكس اذا راح تجيني الوثيقة كلها أخطاء ..
أضف الى ذلك فيه أحد الطلبة سأل الفريدان عن الأخطاء وقال أن الأخطاء هي في سبلينق التخصص والتاريخ الميلادي فقط .. ولم يتحدث عن اسم التخصص بالانجليزي ..

وحتى لو تم التعديل على اسم التخصص ، ماله منه ..
حلوة والله .. يلعب بأعصابنا وبعدين يعدل أخطاؤه يعني نصفق له ؟
كل الشغل في العمادة ( ارتجالي ) وقايم على شخصين ( الفريدان والشعيبي ) .. هذا خطأ إداري فادح ..

ننتظر الأيام وش راح يصير ..

[حل كتير]

المشاركة الأصلية كتبت بواسطة د. نملة

سؤال يطرح نفسه

هل احد منكم راح للفريدان وتكلم معاه وجاه الرد محنا مغيرين لكم شي؟

الجواب اكيد لا


ليه الهجوم بالطريقة هذي على الجامعة

اللي لو لا الله ثم هي ما كنا احنا الحين نحمل شهادة البكالوريوس

صحيح فيه سلبيات عانينا منها طول فترة الدراسة

بس بالمقابل فيه ايجابيات

اسم التخصص خطأ وما نختلف على هالنقطة

بس مثل ما الجامعة استجابت لنا بمطالب كثير قبل كذه

من ضمنها اذا لاحظتو

- السستم فرق شاسع بين اول ما بدينا بالجامعة ولما خلصنا

فيه ناس قاعده تشتغل فعلا

- فيه شغل مستمر على الخدمات الطلابية واضافة ايقونات تفيدنا

- كلنا كنا نعترض على تأخير ظهور النتائج وهالترم طلعت بوقت قصير

- طالبنا ان الوثائق تجينا ع البريد مثل ما ارسلناها بدل ما نروح للاحساء

وفعلا عقدت الجامعة اتفاق مع شركة ارامكس اللي هي من اقوى شركات ارسال الطرود بالمملكة


وعموما كلنا نعرف ان بعهد الفريدان صارت تطورات كثيرة بالجامعة

بعكس وضعنا المأساوي مع اللي قبله

بس مع الأسف اغلبنا ناس ننظر للسلبيات ونتغاضى عن الايجابيات

ممكن ببساطة يكون خطأ التخصص خطأ مطبعي ويتصلح



بكره ان شاء الله يبدأ الدوام الرسمي

اذا طلع الفريدان وقال هذا التخصص وما بنعدل شي

هذاك الوقت نعترض ونقول محامي ووقفة رجل واحد وووووووووووو .. الخ



ننتظر تصريح الفريدان ووقتها لكل حادث حديث

تتكلمين وكانهم متكرمين علينا بـ هالاشياء هذي حق من حقوقنا

وبالنسبه للفريدان راح له كذا شخص وقال لهم انه جايه خطاب من عميد الكليه بشان التخصص

عموما بكره راح يرجع الدوام ونشوف وش وضع مشكلتنا

[بنفسجيه]

حاولت اتواصل مع الفريدان ع تويتر لكن للاسف عاملي بلوك حسبي الله عليهوطبعا ارقام الجامعه بنبطي عظم حتى يردون علينا


الاخوان الي في المنطقه الشرقيه ارجوا منهم التكرم علينا والاتفاق على يوم يجتمعون فيه ويتوجهون للجامعه ويخاطبون الفريدان وجها لوجهه ومطالبته بتغيير وثائق كل الطلاب


مالنا الا هذا الحل المواجهه فيس تو فيس عشان يعرف انا ماراح نتنازل عن حقنا والتلاعب بنا


انا ماعندي اي مشكله اني اسافر واروح الجامعه لكن صوت واحد ماينفع هذا غير اني راح اتواصل مع اداره نسائيه لاتحل ولاتربط ......


ارجووووووووووووكم هذا الحل


او اي احد يعرف رقم الفريدان يكتبه لنا ومن حقنا نتواصل معاه....

[number1]

التاخير ماهو في صالحنا

[أبو فهد1]

المشاركة الأصلية كتبت بواسطة number1

التاخير ماهو في صالحنا

قايلكم تعالوا شاركوا بالهاشتاق ومسألة يومين ثلاثة وحنا خالصين . إذا ماتعاونا صدقوني راح يروح حقنا .

وعليه راح أوكل محامي فكل الاوراق معي اللي ثبت أن تخصصي ادارة اعمال وحتى اسم الكلية بالخطأ وبيتعدل بناءاً على التعريف اللي بالإنجليزي .

[MisS Foofa]

المشاركة الأصلية كتبت بواسطة دارس

فيه رابط على موقع وزارة التعليم قسم التعليم العالي نقدر نرسل للوزير هذا إذا الوزير عطنا و جه أو نحاول نرسل له على حسابه على تويتر

ياليت تحط الرابط لللتواصل مع الوزير لانو دخلت الموقع حق الوزارة مالقيت شي وشكرا

[man2nt]

تكفون يا إخواننا بالشرقيه

سيروا عليهم بالجامعه الأن و شوفوا وش وضعهم هاللحين

لايروح علينا الوقت و تروح علينا اربع سنوات تعب و مصاريف



و اللي يعرف صحفي بسبق لازم يتواصل معه و يعطيه الموضوع كامل

[محمد السعيدان]

تم التواصل مع الدكتور عبدالله ولكن الرد غير مقنع اطلاقاً ولا أعلم كيف ستكون الطريقة المثلى لإسترداد حقنا النظامي.

-=-=-=-=-=-=-=-=- تحديث -=-=-=-=-=-=-=-=-=-


تم ارسال شكوى لوزير التعليم عن طريق موقع تواصل مشروح فيه المشكلة وبإنتظار الرد.

[أبان]

المضحك أن كلمة (إدارة أعمال) بالعربي ترجمت للإنجليزية بـ 3 أشكال :

Business Administration
Management
School of Business






وعلى فرض أن كلمة (School Of Business) تعني (كلية إدارة أعمال) فما معنى أن يكتب في الشهادة كلمة كلية مرتين ؟
College of School Of Business


المفترض تحذف أحد الكلمتين




راسلوه لعل و عسى ينفع معهم

[_ياسمين_]

طيب شالسواة الحين !!
نروح نستلمها ولا ننتظر نشوف ايش يصير ؟؟!

بصراحة ماعندي استعداد اسافر الحسا مرتين ؟!