مستوى ثامن سابقاً( إدارة أعمال ) ماذا بعد التخرج !!

[حبروك]

اللغه الانجليزية هي اللي تدعم شهادة ادارة الاعمال ولقصد باللغه هي ممارستها والتمكن منها وكأنك من اهل البلد واتركك من دورات ابو ٦شهور وسنه صحيح يعطيك شهادة لكن تضل لغتك ضعيفة وتفشل

اذكر قد اخذت دورة انجليزي بمعهد وكان المدرس سوداني الله يذكره بالخير وصلنا الشهر الخامس بالدورة وحنا عند اي كبتل اي صصصصصمول ع قولته ونص الشهور اللي فاتت ما كان يحضر اما مريض او مسوي عمليه ومرقد بالمستشفى الله يشفيه ان شاء الله اتمنى ان يكرن عايش لحد اللحين

فاللغة اذا ما مارستها مع اهل البلد ما بتسفيد شيء

وبعض السعوديين يروح ن لامريكا مجموعة ومقابلين بعض ٢٤ ساعه رووسهم برووس بعض ويتفأجئ بعد مضي سنه او اكثر انه ما تتطورت لغته ربي كما خلقتني

الافضل الللي يسكن مع عائلة ويحاول قد ما يقدر يكون صداقات ويكون اجتماعي معهم

[AbrAhAm]

^

كلام سليم
بالتوفيق للجميع

[حبروك]

المشاركة الأصلية كتبت بواسطة bush bush

للي سألوا عن شروط الابتعاث للماستر

الشروط العامة للابتعاث:
1) أن يكون المتقدم سعودي الجنسية.
2) ألا يكون المتقدم شاغلاً لوظيفة حكومية.
3) الانتظام الكلي، و التفرغ و الإقامة في بلد الابتعاث.
4) أن يكون عمر المتقدم وفق ما هو محدد في الشروط الخاصة بكل مرحلة دراسية.
5) أن تكون دراسة الطالب في امتداد تخصصه.
6) معادلة الشهادة من وزارة التعليم العالي إذا كانت من جامعة غير سعودية، وتقديم نسخة منها بالعربية.
7) وجود الْمَحْرَم للطالبة المبتعثة، وسفره معها، وبقاؤه معها حتى انتهاء بعثتها.

الشروط الخاصة للابتعاث في مرحلة الماجستير
• ألا يقل معدل المتقدم في البكالوريوس عن (2.75 من 4) أو (3.75 من 5) أو (80 من 100).
• ألا يكون قد مضى على حصول المتقدم على شهادة البكالوريوس أكثر من خمس سنوات.
• إذا كان المتقدم حاصلاً على شهادة علمية من خارج المملكة فيشترط معادلتها من جهة الاختصاص قبل التقدم إلى البرنامج.
• ألا يزيد عمر المتقدم على سبع وعشرين سنة.

باذن الله ناويه عالبعثه ان الله راد او ممكن جامعات هنا بقدم بكل جامعات السعوديه

طموحي الماستر من اول يوم لي بهالجامعه

مدري وش وضع الانتساب بالابتعاث بس اذا جبت المعدل المطلوب وقدمت ع البعثة دايركت يقبلوني والا فيها يمكن ايه ويمكن لا

[ابو روز]

الف مبروك التخرج مقدماً ياشباب

بالنسبة لي البكالوريوس كفاية حاليا ، والحمد لله .

والمرحلة الثانية بتكون ان شاء الله شهادة ادارة المشاريع الاحترافية

http://www.sactr.net/pmp/


وبالتوفيق للجميع

[H N O O]

المشاركة الأصلية كتبت بواسطة بن منبه العالمي

جميليين جميليين
الله يوفقكم جميع دون استثناء يادفعتي الجميله جدا
انا بالنسبه لي راح افصل من المستشفى انا وولد عمي واثنيين معنا وراح نكمل تعليمنا بالخارج بدوله استراليا وراح ندخل كلنا قي تخصص واحد وجميل جميل جدا وعلى فكره راح اكمل على حسابي الخاص لمده ثلاثه شهور وبعدها يضمونك للبعثه وانا انصح الطلاب والطالبات باكمال الماجستير في استراليا او امريكا لان شهادتهم قويه وراح تكسب لغه صح
بس انتظر هالوثيقه متى يخلصونها ويسلمونها لنا لان اخوياي استلمو وثائقهم وانا لا وهم ينتظرون عشان نقدم سوا ابيكم جميع تضغطون على الجامعه بخصوص سرعه تسليم الوثائق لانه فيه ناس تبي تبتعث او اللي يبي يتوظف والى اخرة
وختاما اتمنى لكم التوفيق والنجاح يادفعتي الغاليه على قلبي والله بفقدكم والحزن يملئ قلبي على فرقاكم

ماشاء الله

طيب خذوني معكم جد م راح ازعجكم


قصم اني مؤدبه

[H N O O]

المشاركة الأصلية كتبت بواسطة احلى جوريه

الظاهر دفعتي كلها بتروح مصر

لو يحطون لنا روابط الجامعات المصريه

[H N O O]

المشاركة الأصلية كتبت بواسطة fahooode

بالنسبه للاخوان الي يسالون عن اسماء الجامعات في مصر

وهل هي معترف فيها او لا

هي اكثر من جامعه اهليه بمصر وفيه جامعه حكوميه عريقه جدا تسمئ جامعه عين شمس
وترتيبها ع مستوئ جامعات العرب في الصفوف الاولئ

حسب الي اعرفه التعليم عن بعد والاختبارات تكون بالجامعه يعني تحظر وقت الاختبارات وهذا بالنسبه لي عادي
انا مصر اروح لها بسنه 3 الئ اربع مرات واعرف كل شي فيها وشوارعها وماراح يكلفني الا تذكره طياره ورسوم الدراسه
والسكن الحمد لله عندنا شقه هناك

لكن لما تروح الجامعه وتستفسر اكثر من الموظف نفسه يكون اوضح
انا مسافر ع 15 رمضان الئ نهايه شوال

كل جامعه ازورها بعرف نظامهم وملخص كامل عنهم بالصور وراح انزلها بموضوع مستقل وراح انبه جميع الاخوان الي ردو هنا واستفسرو ع الخاص

بالتوفيق للجميع

وناصه

وانا كمان حابه آعرف آكثر

نبهني معهم

[دلـــو]

المشاركة الأصلية كتبت بواسطة h n o o

دلو


وين رآآح تدرسين الانقلش ؟

حاليا مو حاطه ببالي معهد لان محد ينصحني

فبتلعم من نفسي كتب ومواقع نت وافلام وهالاشياء

واحتمال اسجل بموقع انقلش تاون

[حلمي الامل]

صباحكم خير جميعا دفعتي الغاليه

انا عن نفسي بكمل لغه انجليزيه واعتمد منها لو 90% باك اب لاني نسيت وشلون اهرج
بعطي نفسي كم شهر بدايه الترم الثاني ان شاء الله


الان احاول اطلع على حسابي الخاص امريكا او اذا ماكتبها ربي اكملها بسعود تعليم موازي والحقها دكتوراه
الطموح باذن الله لن يقف

ياربي يسهلها لي وييسرها لي ويكتب لي التوفيق والخير ولكم بمثلها الله يوفقكم ويسخر لكم

[مصور درجة اولى]

اتعلم واجيك