اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه

[SaD HeArT]

المشاركة الأصلية كتبت بواسطة العين الحزينه

حبايبي صفحه البنر ماتفتح عندي كل يقول الطلب تالف ودخلت اكثر من جهاز نفس الشي
بس بجوالي يدخل شسوي؟
وكيف اسجل الماده انا ماعرف اول مستوى ؟
ساعدوني

العين الحزينه

الله يبعد عنج وعن الجميع الحزن والضيقه ,

تفضلي هذا رابط صفحة البانـر

http://bannerweb.kfu.edu.sa/PROD_ar/twbkwbis.P_WWWLogin

إن شـاءالله يضبط معاج هـالمره ويفتح معاج النظام ,

إذا فتحت معاج الصفحة يا ليت تتبعين الخطوات التالية :

1/ راح تلاقين بوكسين صغار تدخلين فيهم رقمج الجامعي + الرقم السري .

2/ راح تفتح معاج صفحة البانر الرئيسية وتلاقين فيها إختيارين رئيسين
الأول المعلومات الشخصية , والثاني خدمات الطالب .

3/ إضغطي على خدمات الطالب , وبعدها راح تفتح معاج صفحة وفيها إختيارين رئيسين
الأول التسجيل , والثاني سجلات الطالب .

4/ إضغطي على التسجيل , وراح تفتح لج صفحه فيها خيارات كثيرة , إختاري منها الثانيه واللي هي التسجيل/الحذف والإضافة .

5/ راح تفتح معاج صفحة وفيها تختارين الفصل الدراسي , كل اللي تسوينه هو الضغط على تقديم .

6/ راح تفتح معاج صفحة سحب وإضافة المواد , وفيها تقدرين تغيرين وتعدلين المواد اللي حابه تدرسينهـا في هالكورس .

7/ إذا تبي تضيفين المادة لازم تحطين رقمها المرجعي في المربعات اللي تحت وبعدها تضغطين على تنفيذ التغييرات .

8/ بعد ما تنضاف المادة لازم تعملين لها تأكيد تسجيل وبعدها تنفيذ التغييرات علشان تنضاف لج بشكل رسمي وما تنحذف .


وإن شـاءالله يكون شرحي واضح ومفهوم لج .

[βaŷaņ]

يعطيييييك العافيه

[SaD HeArT]

المشاركة الأصلية كتبت بواسطة اسوري

ياااااااااااااي لو سمحتو انا اعدت التسجيل عالبااااااانر وتاكد وتغيرت الرسووووووووم من 2470الى 2840
علا ماعتقد بس الخدماااااات الطلابيه ماتغير بوه شي والبلاك بورد وجدول الاختبااارات ولاشي ارجووووووالمساااعده

اسوري

أهلين أختي ,

في البانر .. هل تأكدتي إنج عملتي تأكيد تسجيل للمادة ؟؟

إذا ما عملتي يا ليت تروحين ركض وتعملين علشان ما تنحذف منج المادة ,

وإذا عملتي وخلصتي لا تشيلين هم البلاك + جدول الإختبارات , لأنهم يطولون شويء في التحديث ,

وأعتقد إن اللي يتحدثون تلقائيا مع أي تغيير في البانر هم الرسوم الدراسية + السجل الأكاديمي في الخدمات الطلابية ,

ومثل ما قلت لج .. دامج سجلتي في البانر وتأكدتي من التسجيل فلا تحاتي شيء وإن شاءالله أمورج في السليم .

[SaD HeArT]

المشاركة الأصلية كتبت بواسطة bayan.h

يعطيييييك العافيه

bayan.h


الله يعافيج ويسلمج يا رب .

[Dawn of Faith]

حاولت ومارضت تتسجل ليش

[وحيده القمر]

انا مستوى اول فتحت البلاك مالقيت مادة مادئ الاداره ولما فتحت البانر لقيتها مسجله
مدتها 3 ساعات والدكتور بخوش يعني عادي بس البلاك يبغاله تحديث ولا اش السالفه؟

[سر الطموح]

المشاركة الأصلية كتبت بواسطة ~{ خجل ..

طيب انا مستوى اول وانحذفت

فـ مانقدر نسوي شي بالجدول ولا نقدر نضيف

!!!

أنا مثلك أختي مالقيت مادة مبادئ الإدارة

[لبنونه]

انا بعد سوت لي حركات موجودو في السجل الاكاديمي انهااعندي وكانت بالجدول والبلاك بوردوالحين فص ملح وذاب يعني اختفت بس مازالت في السجل بس حتي في الجدول كانت موجودة والحين باااااح ويمكن فلوسناااا بعد بااااح

[~6aliba wbass~]

يعطيك العافيه امممم بس أنا تربيه
لكن ماقصرت ع المجهود
بالتوفيق

[هنـــاء]

سويت تاكيد تسجيل بشوف رجعت ولا لا؟؟؟