ماعلمت اهلي بنتيجتي وش اسوي ............

[Student 2010]

اخر شيء تفكرين فيه انك تكذبين خاصة على ابوك وحتى لو ماعرف لكن هو ما رباك وحبك واغلاك وحاط ثقته فيك عشان تتعاملين معه بهذا الاسلوب ولا تقولين كله عشانه لا الله يجزاك خير وصدقيني لو شاورتي ابوك في حالة صفاء بيقولك طز بالدراسة لكن لاتكذبين علي يابنتي حتى لو في ظنك انه مراعاة لشعوري! هذا اذا اعتبرنا طبعا انك كذبتي وهو ماعرف لكن لو عرف راح تنهز الثقة حتى لو مابان عليه وانا والد لبنات واعرف مشاعر الأب تجاه بناته تحديدا.

اسمعي وانا اخوك بلغيه اذا شفتيه رايق ان النتيجة طلعت وبشريه انك نجحتي في كل المواد الا مادة الانجليزي وامزحي معه قولي انك تعمدتي تسقطين فيها لانها للغة الكفار وانك ما تحبينهم ولا للغتهم.

بعدين استحي على دمك بصراحة مكبرة الموضوع و واخرتها عشان رسبتي في انجليزي اقول قومي بس قومي احسب عندك سالفة

[Student 2010]

المشاركة الأصلية كتبت بواسطة عنب أخضر

موضوع مثل هذا وينكتب في عام 2012 احسه تاليف وتسليه

حركات خنبقه لكن لاقينا بالصيف ولا كان ما نعطيهم وجه ههه

[عبقور]

قوووليله نجحت بس عندي انجليزي باختبره الترم الجاي وان شاءالله بنجح فيه


ربي يووووفقك

[(كـبـريـآء)]

مثل ماقالوا الاخوان


لاتكذبين ابداً

قولي نجحت ومعدلي حلو وانتقل لمستواي الثاني ومعاي ماده وبس <~اللي يسمعني يقول جابت شي جديد

[أنفاسي انين]

لا تقولين لابوتس اني حامله ماده لا تكسرين بخاطره
عاتي تحملينها وتنجحين فيها بعدين ان شاء الله ..

[Manseetk]

عآدي قولي له .. آيش بيصير يعني بتمووتين ..
آلصدق منجآه ..
شدي حييلك آلمستوى آلجآي ربي يوووفقك

[أبو رشيد]

المشاركة الأصلية كتبت بواسطة SoOoshy

زي مهو واضح بلعنوان صارلي يومين كل ماروح اعترف يطلعلي احد من خواني او خواتي ناجح بلجامعه وبتفوق اهي اهي ......ورجع الغرفتي اسحب خيابه الامل الني حامله ماده النجليزي وبصرحه معندي جراه اعترف لن حاطين كل الامل فيني الني اصغر وحده تدرس بجامعه وانا بحل لا يعلم لى الله ادري تقولون قولي بس ماودي اجرح شعوره ابوي لنه مفتخر فيني وكل شوي يجيني يقول بشري وانا اقول لا للحين ويقول تراني حالف اذا نجحتي اسويلك شي ماسويته الخوانك ودق الصدر وانا تقل سكين طعنتني لني ادري جبت العيد اهي اهي اعترفت الومي قالتلي لا تقولين البوك لنه راح يزعل فا امي قالتلي خطه
اني مقوله ومشيه عليه وسنه الجايه اشد حيلي ونجح وقوله الحقيقه بس عندي بعض السئله وسمحوني قصيت قصتي بس عشان متشوفون السئله وتحسونها غريبه
1-انا حملت ماده وش مصيري اعيد اولى سنه ولى اروح الترم الثاني وابوي مراح يحس ومارح يدري اني حامله ماده ولى راح انكشف
2-مافي طريقه يعرف مثلن اذا جاء يسدد يدري اني عندي ماده >>>سوال غبي ادري
3_المستوى الثاني اخذ كم ماده وخذ النجليزي معه وافتك
4_مافي احد راح يعرف بعدين اني كانت حامل ماده وتمشي عليهم
5- المستوى الثاني مافهمت شلون اختار مواد على كيفي انا الي اختار ولى اجباري
وشكرا واسفه على الطاله بس ماعندي احد وامي تسلم عليكوم وتقول ترى هذي خطتي وساعدو بنيتي وشكرا

والله ما أدري أنا أعزيك بهالمادة الي حملتي ولا بها الإملاء الي ما دري وش لون قايله

عموما

أنا في المستوى الخامس ومن المستوى الثاني وانا أحمل مادة الاحصاء المخيسة معي ولا فيه إلا الخير




أرجع وأقول الله يعينك على هالأملاء

أحمدي ربك أن الأجوبة خيارات ،،،،،، ولا كان علوم

[mansor 25]

حزنتيني والله :(
قولي لهم اجتزت او نجحت في 7 مواد من 8
يعني قولي لهم معدل نجاحي 7 من 8 وان شاءالله المستوى الثاني راح اخلي نسبة نجاحي الاعلى

[نورالزهراء]

يابنت الناس كلنا بالهواء سوى انا حملت ماده الانجليزي والحمد للله عديت بالمواد الثانيه
شدي حيلك بالمستويات الجايه وعوضيها فرحي واستانسي بالعطله وجددي نشاطك للمستوى الثاني

[al7sass88]

اانت حملتي مادة واحدة شئ طيب والحمدالله انتقلت المستوى ثاني واختاري مواد وتكون مضيوفة مع الانجلينزي الى حملتي و ان شاء الله الوالد ماراح يتضايق ولا راح يدري عن شئ اسمه حمل انت قولى بنيتك ان شاء انك نجحتي وانتقلتي مستوى ثاني والله يسهل امرك