صفحة مفتوحة ....التدخين مسموح هنا.....

[بنت الفيلسوف]

من قال اهل القطيف بخيلييين لالالا مقولة خاطئة
ولحد الان قرقعان القطيف حليو بعد
بس اكيد تغير عن الاول واول شي السكسبال تناقض

[outlaws]

نبدأ معاكم المراسله من ارض الحدث اللي ( القطيف )

رحنا اليوم على امل اننا نحصل شي من القرقيعان

وصلنا ارض الحدث :mh19: الشوارع زحمه قلنا بادره طيبه وجهزنا انا خويي الاكياس اللي معنا ودخلنا القلعه لكن بائت محاولتنا بالفشل رحنا على الكويكب لكن مافيه فايده برضوووووو :praying:

طلعنا على البحاري برضوووووووووووو :c8: رحنا تاروت قلنا خلنا نتعمق يمكن نلاقي شي

لكن رجعنا بخفي حنين ( زي ما يقولون ) في النهايه انكسر خاطرنا ورجعنا :011:

قلنا خلنا نشوف القديح يمكن تجود قريحتهم وبصراحه ما قصروا معنا اكرومنا طبعاً رحت عند واحد من الشباب ههههههههههههههههههههههههههههههههههههههه

لكن في النهايه الاحداث والتصور العام للطلعه ما تبشر بالخير وفي موجه من البخل سوف تكتسح اهل القطيف :o3: ليش ماني عارف لكن سوف نبحث ونضع التصور للتطوير الموقف

في امل السنه الجايه ان شاء الله يكون فيه تطوير للحاله وسوف نكون في الحدث معاكم

النشره قدمت بواسطه الوفا طبعي طبعاً بمساعده مني غداً سوف نوافيكم بالتفاصيل :s11:

صديقي العزيز سهم موجود خاشه لك يا بعد جبديه انت والله

ومبروك عليكم القرقيعان والمولد ان شاء الله

[outlaws]

بنت الفيلسوف

بصراحه دوره في المعاجم اللي اعرفها عن معنى ( السكسبال ) ما لقيت والله لها تعريف او مصطلح عندنا

ابغى التوضيح منك السكسبال ؟؟!!!

:no2:

[أخت القمـر]

نعم نعم من قال ان اهل القطيف بخيلين
اشروووا عليه
ههههههههههههههههههههههه

لا عاد ظلمتنا والله ماحد مثلنا بالناصفه
وعلى فكره الأماكن الناايس اتوقع انك ماقدرت تدخلها من الزحمه
هع هع
ها تبغانا نحط لك صور ع البوابات والحركات
بس فعلا اللحين مو مثل قبل مو على بخل
لكن صاروا الناس الأشياء اللي يوزعوها غير صاروا معظم البيوت توزع ريالات والعاب وشبسات قليل جدا جدا اللي يعطيهم سكسبال هههههههههههههه
وبعدين انت من وين خلني اشوف القرقعان عندكم < وحده بوحده

واللي مايعرف السكسبال .. الفول السوداني
هذي صورته
ههههههههههههههههه

[outlaws]

والله يا مراقبتنا لو كان عندنا قرقيعان ما كان جينا ندوره عندكم لكن الشكوى لله

بعدين على حسب الجوله اليوم الاستطلاعيه والاستكشافيه ما شفنا شي

على خبري اول كان عندكم غير غير غير واذا فيه فلوس قولوا لنا وين علشان نروحه

والله ما اعلم احد بخليه سر بيني وبينك :t1:

[أخت القمـر]

هههههههههههههههههههه
ايه اول احلى بكثير
بس كمان اللحين مره حلوين
اصلا في مجموعه شباب مسووين انهم مثل باب الحاره ويسووا مسابقات هههههههههه
وبعضهم حاط رجل ثلج وبعضهم حاط نافوره
هذا غير البوابات والزينه
بس انت الظاهر حظك تروح الأماكن اللي مافيها شي عدل
خلاص ولا يهمكم السنه الجايه اشوف وين التعديلات والفعاليات واكتبها لكم عشان تروحوا بالمكان نفسه
بس ماليي دخل تروحوا بزحمة السيارات وتطلع روحكم وتدعوا عليي
بالنسبه للفلوس مابعلمكم عشان لاتشوفوا واحد صغير وتاخذوها من عنده

[O¨° Joory°"O]

هههههههههه بصراحه اهل القطيف مافي زيهم مو مثل بعض الي يخافو من كل شيء

مبــــــــــــــــــــــــــــروك عليكم المولد

[بنت الفيلسوف]

اخت القمر اشك انش من بلدتنا العوامية
يالخارجين عن القانون السكسبال زي ماقالت اخت القمر الفول السوداني وحطت صورة الية بعد
طبعا هذا السكسبال من اول تشوف الناس عندها اخياش عشان يوزعوة
الحين تغير كل شي الحين قليل تشوفة كلة الحين فلوس وشبسات وحلاوة اشكال وانواع
وماشاء الله الشباب ابدعوا في التعديلات والتزيين والبوابات والعشة في الشوارع
وزي ماقالت اخت القمر والا اكد اليي ان هي من العوامية
لان مجموعة من الشباب يلبسوا لبس زي شباب باب الحارة
ويدوروا بعربات وحمير وجوائز ويلبسوا لبس ام خماس وارنوب يعني ابداااااع
ولا ننسى التوزيعات في الشوارع السيارات الي تمر يعطوهم قرقعان وماي ورد وبخور
يعني يالخارجين عن القانون مامريتوا على منطقتنا ماعليها كلالالام اهل الكرم
وطبعا من الزحمة في ناس تخلي السيارات موقفة ويمشوا
غير المشاوي والعصيرات والفلافل والسمبوسة و ..... الخ الي تتوزع في الشارع
ولفلوس يوزعوا في الشارع بس اكثر شي في البيوت
عن نفسي ماطلعت امس قعدت اوزع قرقعان وكان عبارة عن فلوس
ويكفي شوفة وناسة الجهال واصوات العطز باز


هدرت واجد اذا تبوا نكمل مافي مشكلة

[البرستيج]

هههههههههههههههههههههه
ويلحفكم بالجاعد
عن المطر والراعد<<<<<وتو كلامات مااخبر نقولها كذاء مافيها لجاعد ولا غيرها

بس يمكن بالسيهاتي غير

لا والله أحنا أصلاً مانقول كذا بعد بس هذي سمعتها من البنات عندناا بالنادي


أما بصراحه ..

قريقعان قبل تغير عن الحين بوايد.. ومعروفه القطيف بضواحيها أنها تحتفل بهالشيء بشيء خيال ..
حتى حنا عندنا سيهات بس أحياناً تحصل أشياء خارجه عن إرادتنا ونزيل كل شيء..

مثلاً إللي مشهوره فيه منطقتنا سيهات ديوانية الحاره .. هذا المدخل شيء رهيب..

وكذلك السوق وحي السلام .. والحين يقولوا النمر والمحدود وتقريباً ثلث أرباع سيهات يسون كذا
إلا منتطقتنا طبعاً لها برستيج خاص..حتى يهالوه ماصاروا يجيون يقرقعون ..!! تخيلوا أٌولكم برستيج



أما السكسيبال أحنا نسميه سبال ...
بس حليوه كلمتكم..


بو ساهر متبارك عليك المولد وينعاد عليكم جميعاً باليمن والبركات..


والله ماشاءالله الجميع أحتفل وقرقع إلا أنا ..

أصلاً أحنا بسيهات مايسون الحريم إلا بالنصافة شعبان الحين يمكن فيه بس أنا ما أشوف:no2: ..

[outlaws]

يا حليلكم والله وسعتوا صدري وانا توني جاي من الدوام ودي اجلس بالموضوع لكن خلوها بعد الفطور ان شاء الله راح نرجع لكم ونشوف لكم نشره اخبار جديده وان شاءالله من موقع جديد اليوم

:150: